عباس.. وافق علي بيع عمرو زكي

عمرو زكي مهاجم الفريق الأول للكرة بالزمالك تلقي اتصالات مكثفة أثناء وجوده في غانا للمشاركة في بطولة الأمم الافريقية الحالية من رئيس النادي ممدوح عباس أكد خلالها رئيس النادي للاعب موافقته علي اعطائه الحرية الكاملة في الرحيل والاحتراف في انجلترا نظير المبلغ الذي تم الاتفاق عليه من قبل وهو 10 ملايين جنيه استرليني بين الزمالك وبلاكبيرن الانجليزي وهو ما نزل علي اللاعب بردا وسلاما ورفع من روحه المعنوية للسماء الا ان سعادة اللاعب لم تدم طويلا بعد ان عاد عباس وابلغه ان الموافقة علي العرض الانجليزي واعطاءه الحرية في الاحتراف مرتبطة بقدرته وتدخله بإقناع زميله أحمد حسن المحترف في اندرلخت البلجيكي ونجم المنتخب المصري للتوقيع للزمالك وقبول العرض الأبيض بعد أن عرض الزمالك شيكا علي بياض لحسم صفقة اللاعب للقلعة البيضاء خاصة ان المجلس يتعرض لهجوم شرس وعنيف من قبل المعارضة داخل النادي بسبب فشل المجلس في ابرام أية صفقات جديدة من العيار الثقيل في فترة الانتقالات الشتوية الحالية رغم وعود المجلس بذلك أمام الأعضاء.
وبالتالي أصبح حلم التعاقد مع أحمد حسن هو الأمل الوحيد لإنقاذ المجلس من حملات الهجوم الشرس من قبل الأعضاء.
المثير ان عباس تلقي اتصالا مؤخرا من عمرو يؤكد له انه بدأ بالفعل سلسلة التفاوض مع حسن وان كل الأمور تسير بطريقة جيدة بعد ان أبلغ اللاعب زميله عمرو زكي انه بالفعل اقترب من حسم موقفه وان الزمالك هو الاقرب له حاليا لانهاء مسيرته داخله إذا ما استمرت الأوضاع علي هذا النحو خاصة انه التمس الجدية والاصرار من قبل مسئولي الزمالك لضمه عكس الأهلي تماما

10 مليون جنية استرليني يعني اكتر من 100مليون جنية مصري
ماشاء الله بجد والله لو دة حصل المفروض انها تتسجل باسم مرتضى منصور
واكيد دة اللي هيحصل والمستشار مش هيفوتها من دعايته الانتخابية
وهيفضل يكرر انه السبب في دخول المبلغ دة للزمالك
وانشاء الله هيكسب الانتخابات ويرجع لمكانة الطبيعي

ملاحظة:
اتمنى ان ادارة الاهلي تعيد حسابتها وتعتمد على اقوى اسلحتها وهي القدرة المالية
وبلاش نظريات الامن القومي لسوق اللاعبين دي
لاننا بس اللي بنطبقها واحنا بس اللي بنخسر

ومشكور ابوسيف للخبر دة

كلام جميل و كلام معقول مقدرش أقول حاجة عنه بس
سعر اللاعيبة هيعلا جداً محليا و المستفيد الأكبر هما اللاعيبة
نورت يا شاب اتيلا

ياغالي انا مقتنع اننا هنكسب على المدى الطويل
لاننا هنحطم منافسينا اقتصاديا ودة اللي حصل فعلا بمصر
ونتيجته الازمات اللي بتعاني منها اندية شعبية زي المصري والاتحاد والاسماعيلي
بس هتفرق دلوقت اننا هنضم ليهم الزمالك هوكمان
فلو خليناها سوق مفتوح الاسعار هتزيد فعلا بس على المدى الطويل هيحصل انهيار لمنافسينا
ممكن حد يتهمني بتدمير الرياضة لانها اساسها المنافسة
بس ردي هيكون لما المنافس يكون عارف يعني اية منافسه مش مجرد حقد وكراهية
وكمان معروف ان الاهلي لا ينظر لحالة منافسية وابسط دليل ان الاهلي في اقوى مواسمه الكروية
كان الزمالك السادس والاسماعيلي السابع
يعني لو المنافسين الرئيسيين بحالتهم او خارج حالتهم
والصفقة دي توضح قصدي لان الاهلي رفض انه يرفع سقف الاسعار والزمالك استدان وشحت
والنتيجة صافي ربح كبير جدا يبقى مين استفاد ومين خسر؟؟؟؟

يا صديقي الفاضل أنا فاهم اللي أنت تقصده بس في حاجة
1. موضوع ال 10 مليون أسترليني ممكن يكون رقم مبالغ فيه جداً و يطلع في الأخر واحد و لاه اتنين مليون إسترليني بس
2. علشان تنتهج نفس السياسة لازم تكون واثق بنسبة على الأقل 70% من السوق بمعنى
هشتري اللاعب ب مليون دولار هيلعب سنتين و هيحترف ب 2 مليون دولار كده انا فعلا حققت مكاسب فنية و مادية طب لو متبعش يبقى مين اللي أستفاد طب أتصاب أصابة خطيرة ( ممكن نأمن على اللاعيبة كلها )
المشكلة أن اللاعيبة المصريين سوقهم مش أد كده و بكده نسبة المخاطرة هتكون كبيرة في السياسة دي لأن موضوع عمرو زكي رغم اني متأكد أن المبلغ مبالغ فيه إلا أني شايف انه حالة خاصة مش حالة عامة
مشكور شاب أتيلا على المتابعة

معلش يا أخ أتيلا نظرية تدمير المنافسين نهايتها المعروفة مسبقاً هى تدمير الرياضة المصرية كلها أكتر ماهى مدمرة أصلاً و على فكرة إستحالة عمرو زكى هيزيد عن 2 مليون (كل اللى فيها إنه قوى بدنياً و يجيد الشد و الزق و التحجيز و كمان صغير فى السن نسبياً)

سياسة الأهلى ممتازة و صحيحة كل المشكلة فى حاجتين واحدة قدرية و هى وفاة محمد عبد الوهاب و إصابة جيلبرتو القوية و دى دمرت الناحية الشمال و الأخرى فنية و هى عدم توفير ليبرو مميز على الأقل من سنتين كان زمانه إكتسب خبرة و ثقة و حل محل النحاس على الأقل من الموسم القادم(و تكملة للموضوع السابق الزمالك بكل لاعبيها و أولهم زكى و الشى شى إتهزموا من الأهلى على مدار 3 سنوات كاملة و لم يفوزوا إلا على بدلاء الأهلى السيئين اللى بيتهزموا من السكة الحديد و بترول أسيوط)

انا اتعودت احترم وجهات نظر الاخرين
بس انا لما قصدت تحطيم قدرات المنافسين كنت اقصد استنزافهم في سوق لاعبين عالي
حاجة زي سباق التسلح ودة بعد فترة هيوصلنا لمرحلة ان المنافس مش هيقدر يجاري الوضع
ولازم هينهار والاسماعيلي والمصري نموذج واضح لكلامي اللي بيطبق فعلا
بس الفرق بين كلامي والوضع دلوقت اني ادخل الزمالك معاهم لان امكانياته اعلى منهم
وبكرر كلامي ان الاهلي لو لوحدة مش هتفرق معاه وتذكروا اول موسم من اخر ثلاث موسم
الاهلي قدم مستوى مذهل والفرق بينه وبين اقرب منافسيه انبي كان كبير يعني مش المنافسين التقليديين
الزمالك والاسماعيلي لانهم كانوا في وسط الجدول ومتأثرش لانه بينافس نفسه
بالعكس دة كان دافع وحافز للتميز اكتر
وفي النهاية دة رأي خاص بي وبالرغم من ذلك احترم ادارة الاهلي لعدم لجوئها له
ودة بسبب المسؤلية العامة اللي احنا بس اللي بنفكر فيها بعكس كل المنافسين
ومشكورين ياجماعة للتواصل والمناقشة

ماشى يا أخ أتيلا الأهلى كان مذهل و رائع لكن نتيجة تدمير المنافسين لا تكون فورية و إنما ظهرت بعد موسمين لأنه إطمأن و إستريح و قعد نايم مش عارف إنه ما عندوش ظهير أيسر و ما عندوش ليبرو إحتياطى للنحاس و ما عندوش صانع ألعاب بدل أبو تريكة اللى لما يصاب نديلة حقن مسكنة و نخليه يلعب مصاب و نفاجأ أمام النجم فى أرضنا و فى نهائى أفريقيا إننا عجزنا و إننا عندنا عجز فى وسط الملعب و ناحية الشمال و إن فيه فارق سرعة كبير جداً بين مدافعينا العجوزين و بين مهاجمى النجم الشباب و المحصلة فقدان أغلى بطولة و فقدان تحقيق إنجاز غير مسبوق للوصول لليابان 3 مرات متتالية و نبدأ مرحلة الضياع بعد 3 سنوات فقط من الإنجازات بعدما كانت فترة الضياع لا تحدث إلا بعد 7 أو 8 سنوات

تحياتي يا دكتور
سامحني انا مش شايف الحالة بتاعة الاهلي بسبب غياب المنافسين
لاني شايفها بسبب تلاحم 3مواسم متتالية وبدون فترة راحة ولاعبين بيلعبوا في كل حتة دة حتى سعد الصغير غناها

وكمان احنا حاولنا ندعم الفريق وكل محاولة تلاقي الناس وقفتها
مهو مش هنروح نشتري اللاعبين غصب واسامة محمد نموذج للموقف دة ومعاه محمود فتح الله
مرورا بحسني عبدربه ونهاية بسيد معوض
وعدم التدعيم بيأكد كلامي ان ادارة الاهلي فكرت في المصلحة العامة قبل مصلحة الاهلي
لانها بمنتهى البساطة كانت ممكن تقدم عروض مفتوحة هتغري اي لاعب او نادي انه يوافق
بس الادارة رفضت رفع اسعار اللاعبين وهي تملك انها تخليها نار

ولو هنتكلم عن النهائي فأنا مقتنع اننا كان ممكن ناخد الكاس لو ربنا كان وفقنا في حكمين في النهائي يعرفوا ربنا

انما واحد حرمنا من هدف هناك وحرمنا من اهم لاعب والتاني جه دبحنا
يعني كان زمانا ابطال القارة وحتى لو مش كدة احنا بالحالة دي وصلنا للنهائي وكنا هنكسب
فأنا شايف ان حالة سوء المستوى مالهاش دعوة بالمنافسين او حالتهم
ومشكور يادكتور على رأيك اللي بحترمه جدا

» عباس: عمرو زكي باق بالفريق إذا لم نعثر علي بديلا له
» عباس يؤكد الاستغناء عن عمرو وغانم بعد الانتخابات
» عباس يشترط سبعة ملايين استرليني للاستغناء عن عمرو زكي
» عباس: المهم الكاس
» ترضيات ممدوح عباس