التحقيق مع أحمد السيد في قضية رشوة

التحقيق مع أحمد السيد في قضية رشوة

تحقق النيابة العامة مع أحمد السيد مدافع النادي الأهلي في اتهامات بمحاولة رشوة موظف في الضرائب العقارية.

وقال هاني العوضي مراسل FilGoal.com في الإسكندرية إن السيد يخضع للتحقيقات في نيابة المنشية بعد حضوره من القاهرة برفقة ضابطي شرطة.

وأضاف أن النيابة تلقت معلومات بمحاولات الرشوة للتلاعب في أوراق قطعة أرض في الساحل الشمالي تبلغ مساحتها 40 فدانا وعليها نزاع ملكية بين السيد وطرف ثان.

وأوضح أن النيابة لديها تسجيلات بالواقعة.

وتابع أن السيد حضر برفقة ثلاثة محامين ووالدته وشقيقه ولم يحضر معه إلى الإسكندرية أي من مسؤولي النادي الأهلي.

وأكد أن السيد كان يبدو عليه الهدوء في سراي النيابة قبل دقائق من بداية التحقيق.

ورفض أفراد أسرة السيد التعليق حتى انتهاء التحقيقات

يارب يكون كدب وتلفيق لا ن احمد من الناس المحترمة
شكرا يا غالى على الخبر الى زعلانى

يا رب يا محمد .. أنا كمان مش قادر أصدق .. ربنا معاه فى محنته
مشكور مرورك يا محمد ومعلش كان نفسى أجيب أخبار حلوة زى أخبارك

تحياتي للجميع
وبكرر تاني ندائي لعدم الربط بين هيبة ومباديء الاهلي وبين غلطة لاحد لاعبيه
فالاهلي نادي كبير ومحترم فعلا ولن يقلل من احترامة ومبادئه موضوع زي ده
واللاعب بالنسبه لي مازال بريء حتى يتم ادانته وقتها يكون في كلام تاني
ولو كان غلط فعلا يتحمل نتيجة غلطته

لو في تسجيلات يبقى الواد راح في داهية
بس حسن حمدي هيتدخل و كمان الخطيب و ياسين منصور و الموضوع هيخلص زي مواضيع رضا عبد العال و أبو الدهب و متعب

مشكور مراسلنا المايسترو من سراي النيابة

طبعا يا حاج جيفارا .. كل إنسان مسئول عن أفعاله .. وإلا كان زمانهم شمعوا نادى الزمالك
وفعلا متهم برئ حتى تحضر خالته .. وفى حالتنا خالاته كتير قالهم أخى الحبيب أبوسيف
اللى مصمم إنى عرضحالجى
نورتوا الموضوع (المظلم بطبيعته) أحبابى المناضل المثقف والوزير الغالى أبو الغالى

للأسف فيه تسجيلات وبيقولوا ان بيسجلوا له من شهر نوفمبر
ايه الخيبة دي يه حد يعطي رشوة بالطريقة دي
هو ما بيقرأش صفحة الاقتصاد في الجرائد ورايح يقرأ صفحة الحوادث

عيل صغير ومايعرفش ازاي الحاجات دي بتم
تلاقيه افتكر لما يظهر الموضوع هيعدي
ربنا يستر ويخرجه منها على خير

أو تكون مصيدة .. ووقع فيها بسذاجة وهو فاكر إن دا الطبيعى فى ظل قوانين العمولات
الأيام اللى جاية هاتبين حاجات كتير
شرفتوا التوبيك بالزيارة والرأى أحبابى الخبيرة رباب والمناضل أتيلا

» الأهلي يرفض الحديث عن قضية أحمد السيد
» زفة أهلاوية لـ «أحمد السيد» بعد الإفراج..
» أحمد السيد: أوقفوني «سنة» لو كنت اعتديت علي شيكابالا
» أحمد السيد يغيب أسبوعاً للإصابة
» القضاء يرفض إخلاء سبيل أحمد السيد