مصطفى طلعت يقود شباب الأهلى للفوز بثلاثية

و الله معاك حق يا ريس بس الخطوة الأولى و الضرورية علشان ينضم مصطفى طلعت و غيره للفريق الأول هو رحيل جوزيه اللى بيكره الناشئين و بيدمرهم(يكفى بقالنا 3-4 سنين ماشفناش ناشىء صعد للفريق الأول و بقوا بيروحوا الزمالك و الإسماعيلى و يحترفوا فى الخارج)

بالذمه مش احسن من 20 لاعب من عينة احمد عادل اللى كل معلوماته عن الكوره انها مدوره وعلى فكره لو مافيش حد خد باله الراجل ده هايمشى ووهايعمل شغل جامد فاى فريق يرحله وساعته نتحسر عليه ونقول ياريت اللى جرى ماكان وياريت يضغطوا على جوزيه علشان يضم اللعيبه المميزه دى للفريق الاول لان العمليه مش هاتيجى الا بالعافيه لان جوزيه دماغه فى ناحيه والناشئين فى ناحيه تانيه ودول مستقبل الاهلى واحسن من اللعيبه الكسر اللى بيجبهم النادى بالملايين ويسيبهم ببلاش

ياجماعة أنا ريقى نشف من كتر ما بأطالب بتصعيد مصطفى طلعت ؛ و صعقت لما مالاقيتش أسمه ضمن اللى كانوا مصعدين للفريق الأول !!!!!!!!! و الحمد لله ؛ خروجنا من الكاس جه فى وقته ؛ عشان الناس النايمه تصحى بقى و يحسوا ان الفريق فى أنحدار ؛ زهقنا من المكسب من غير أداء ؛ ولا انتو ايه رأيكم ؟؟

الشكر مردود لصاحب الاخبار الحلوه