أيمن عبدالعزيز في الزمالك رسميًا

العهدة على كاتب المقال أنا لا شأن لي في هذا المقال أو غيره

أسامة نبيل
نجح مسئولو الزمالك في الحصول على موافقة نادي طرابزون التركي لضم أيمن عبدالعزيز لاعبه السابق، وذلك خلال الانتقالات الشتوية التي أقرها الاتحاد الدولي لكرة القدم "فيفا" خلال شهر يناير الجاري.

وحسب مصدر من داخل أروقة نادي الزمالك فإن عمرو الجنايني وأحمد حافظ عضوي مجلس الإدارة قاما بتكليف من ممدوح عباس رئيس النادي بإنهاء انتقال اللاعب مقابل مليون يورو للنادي التركي بخلاف ما سيحصل عليه اللاعب.. بالإضافة لأن يتكفل الزمالك بإنهاء قضية اللاعب المتعلقة بالتجنيد.

وأضاف المصدر: أن أيمن سيكون رسميًا في الزمالك خلال الـ48 ساعة المقبلة حيث يكون نادي الزمالك قد أنهى كل الإجراءات الخاصة بقيده، ومن ثم اللحاق بقيده أفريقيًا.

وبانضمام عبدالعزيز يكون اللاعب الثالث الذي ينضم للزمالك بعد الغاني كييرا لاعب المقاولون ومحمد كوفي لاعب بتروجيت خلال هذا الأسبوع.؟؟؟؟؟؟؟؟؟؟؟؟؟؟؟؟؟؟؟

مرحب يا ايمن ولا بعودة الايااااااااااااااااااااااام Very Happy

بس كوفي وكيرا وفي يامن بن ذكري وخالد سعد ووسام العابدي؟!!!!!!!!!!!!!!
هما العرب مش اجانب ولا اية ياجماعة؟
ولا خدوا الجنسية المصرية وانا مش عارف؟
وفي مواقع كتير بتقول عن المؤتمر الصحفي وانت جبت الموضوع الخاص بكيرا والمقاولين والجرسة ام جلاجل اللي عملوها للزمالك lol!

انا خايف على بكرة الاقيهم تعاقدوا مع نجم هجوم وكابتن فريق الحرية الكابتن بسام cheers

مشكور يا ابوسيف يا صاحب البث المباشر للاحداث
ابوسيف نيوز

انا مش فاكرة ايمن عبد العزيز ده ايام ما كان بيلعب في الزمالك هو كان كويس يعني ؟
يا تري حد شاف له ماتشات في الدوري التركي؟
عموما حتيلو جابوا رونالدو ورونالدينيو المشكلةاكبر من كده بس منين نجيب ناس لمعني الكلام يتلوه

تقريبا الزمالك واخد استثناء فعدد اللاعيبة الأجانب زي ما هو اخد استثناء في قرعة الكاس كده العيب في الصنعة
في قناة جديدة هتفتح في المنتدى : سيف سبورت

اختنا العزيزة ROBOS
ايمن دة لو تفتكري هو اللي ضرب ابراهيم حسن في اول اربع دقايق والحكم مارك باتا طرده
وراح المعلم محمد صبري واخد الفرقة ومنسحبين ووقتها كان فاروق جعفر مدير فني ليهم
والكلام دة تقريبا موسم 98/99 وكان بيدربنا راينر تسوبيل وحتى يومها عملهم فزع بالتشكيل ونزل بيهاجم بثلاث مهاجمين حسام وفيلكس وعلي ماهر على ما اظن
وكمان لو تفتكري كان اتخانق مع مجدي طلبة في الموسم السادس من السباعية بتاعة الاهلي
ووقتها مجدي كان في الاسماعيلي ولما مجدي انطرد الجمهور شتمه فراح خالع فانلة الاسماعيلي
وكان لابس تي شيرت احمر وشاور للجمهور عليها وقالهم انهم هيأدبوكوا السنة دي كمان
يعني لو اخدتي بالك لاعب مشاكل وتأثيرة مع الزمالك كان عادي
انما انا بصراحة معرفش عمل اية في تركيا
بس هو لو رجع هيرجع معلم وعاوز شارة الكابتن وافلام ودة لوحدة كفاية Very Happy

ومشكورة لتواصلك وردودك الحلوة
ومشكوووووووووووور ابوسيف
وبالنسبة لقناه سيف سبورت فياترى قناة واحدة ولا في سيف سبورت 1 و2 و3
اهم حاجة انك اخبارك ماتبقاش حصريا هناك وتشفرها علينا يا غالي cheers

و كمان فى منتخب مصر الأوليمبى كان عايز شارة الكابتن بدل سيد عبد الحفيظ و لما صمم إنه يبيقى الكابتن رغم رفض المدير الفنى تم إستبعاده من المنتخب لفترة تأديباً له فما بالك لما يروح الزمالك دا هيعمل بلاوى لأن العملية سايبة على الآخر و كله عنده إستعداد للكلام ده(هو من الناحية الفنية أكتر من متوسط..ده على حسب آخر مرة شفته قبل الإحتراف)

ايمن عبد العزيز من اكتر اللعيبه اللى عملوا مشاكل هى مصر و هارب من التجنيد (بصراحه مش فاهم هايحلوا مشكلته مع التجنيد يعنى ايه )

أبو سيف انا اول مشترك فى سيف سبورت بس عاوز تخفيض

هي القناة لسه بث تجريبي هتلاقوها على قمر سبيس تون
و بعدين يا حازم البزنس مفهوش صحبية و صداقة و كده
أضائتم الموضوع و الله أخواني الأفاضل

شكرا اخواني أتيلا ود.مراد وحازم علي المعلومات دي
بس دي مش تاريخ لاعب دي صحيفة سوابق التوربيني
ابو سيف أمامك الإختيار اما تخفض لأعضاء المنتدي اما هنشوف القناة مجانا بالوصلة

حلوة موضوع الوصلة دي Very Happy

بس ابوسيف هيسلط شرطة المصنفات عشان تتابع الموضوع وتقطع الكابلات Cool

ROBOS كتب:: شكرا اخواني أتيلا ود.مراد وحازم علي المعلومات دي
بس دي مش تاريخ لاعب دي صحيفة سوابق التوربيني
ابو سيف أمامك الإختيار اما تخفض لأعضاء المنتدي اما هنشوف القناة مجانا بالوصلة

مش هتنفع الوصلة ما احنا قلنا قبل كده
أنتو بتتعاملو مع اخطر جهاز مخابرات في العالم

والله انا قلت كدة وانك هتسلط شرطة المصنفات ومش بعيد يتعمل تفتيش دوري
ونصيحة كل واحد بيفكر يعمل وصله يقطعها بمزاجه احسن
ياجماعة دة ابوسيف مش صالح كامل
ومشكور ياغالي (غالي دي مش قصدي بيها سعر الاشتراك )

على فكرة أنا كاتب موضوع عن قناتين فضائيتين هيذيعوا الأمم الإفريقية مجاناً علشان لو فيه حد متواجد بالخارج(مثلى) و ليس لديه إشتراك فى الـART

تحياتي Dr Mourad
وهستأذنك بس تعرفني اسماء المحطات اللي هتذيع البطولة لاني مش موجود بمصر

» الزمالك يفاوض أيمن عبدالعزيز والتونسي الورتاني
» حازم إمام يتعهد بضم أيمن عبدالعزيز للزمالك قبل نهاية يناير
» الزمالك يجري محاولات أخيرة لضم عبدالعزيز وبن فرج
» الزمالك ينتظر رد طرابزون لانتقال عبدالعزيز
» تخبط في مجلس الزمالك جدد مفاوضات عبدالعزيز يطلب حسن ويتجاهل