الزمالك يرسل المقابل المادي لكونيا وينتظر البطاقة الدولية لع

قام مجلس إدارة نادي الزمالك الإثنين بإرسال المستحقات المالية لنادي كونيا سبور التركي من أجل إرسال البطاقة الدولية لللاعب محمد عبد الله لاعب النادي التركي لضمه إلى صفوف القافلة البيضاء خلال موسم الإنتقالات الشتوية بيناير القادم.

وذكر مراسل Yallakora.com أن الزمالك حاليا في إنتظار البطاقة الدولية للاعب لضمه رسميا إلى الفريق الأول بالنادي.

من جانب آخر سيبدأ عبد الله التدريبات مع الزمالك من اجل اللحاق بمنافسات كأس مصر التي سيبدؤها الزمالك الجمعة القادم بلقاء كهرباء الإسماعيلية، ومن المتوقع أن يشارك عبدالله في المباراة في حالة وصول البطاقة الدولية.

وتأتي إمكانية مشاركة عبد الله بمباريات الكأس نظرا لأنه لم يتم إستدعائه إلى صفوف المنتخب الوطني الذي يستعد حاليا لنهائيات كأس الأمم الأفريقية بغانا.

وشهدت الفترة الماضية تواجد عبد الله في مدرجات الزمالك أثناء لقاء نادي الري وديا في صورة تشير إلى إقتراب اللاعب بقوة من إرتداء الفانلة البيضاء.

وسبق وأن أصدر الزمالك بيانا أكد به أن اللاعب سيحصل على 100 ألف دولار خلال فترة انتقاله من شهر يناير المقبل إلى نهاية الموسم الحالي ومليون و200 ألف جنيه عن كل موسم.

جدير بالذكر ان محمد عبد الله يبلغ من العمر 27 عاما وسبق وأن لعب للنادي الإسماعيلي ثم انتقل لصفوف النادي الأهلى إلا انه لم ينجح في حجز مكانه بالقلعة الحمراء ليبدأ مشواره الإحترافي في نادي كونيا سبور التركي.

ليه بس كده ياستاذ شريف محمد عبدالله لاعب مهاري وكويس جدا ومش زباله ولا حاجه وكمان هو حد محترم كفايه انه مقالشي اي كلمه عن الاهلي ولما اتسأل هل كانت في مفاوضات مع الاهلي قال انه كابتن حسام كلمه مرة واحدة بس قبل نهائي افريقيا وماتجددش الكلام معاه بعدها يعني مقالشي انه حد فاوضه ولا انه فضل الزمالك زي كتيرين اليومين دول وبعدين موضوع انه الزمالك بيجري ورا لعيبة الاهلي فده كمان موجود في الاهلي والدليل السعيد وصديق اللي الاهلي مش استفاد بيهم ومحمد صديق جه في وقت دفاع الاهلي كان ماشاء الله وحاليا اينو يعني الموضوع سجال فمش معني انه لاعب لعب للاهلي وراح بعدها الزمالك اننا نسئ اليه وبعدين هو مشي بسبب اللي اسمه جوزيه اللي طفش كتير زي(شوقي وجمعه وحسن مصطفي والناشئين )وسايبلنا بس فلافيو واحمد عادل

شكرا استاذ كوجاك عالخبر

شكرا يا غالى للمرور بس كنت عاوز اعرف انت ردك كان اية بس بينى وبينك بقى وشكرا لاخت باغية للمرور وشكرا ياريس للمرور

الله اعلم ياستاذ شريف بموضوع اتفاق عبدالله مع الخطيب انا ماعرفش حاجه زي ديه بس اللي سمعته بنفسي مش كلام الجرايد اللي عايزة تبيع هو اللي قلته في ردي اللي فات وبعدين يعني ايه اتفاق انه مايلعبش للزمالك طب ماهو مش هايلعب للاهلي يبقي ازاي نطلب منه مايلعبش للزمالك وهو ساب الاهلي وماقالش في حقه اي كلمة وحشه وكلام الجرايد ده مجرد قصص وهميه يبقي ليه احنا نهاجمه او نسئ اليه وعلي فكرة انا ماقلتش لاعب فلته انا قلت مهاري وكويس جدا وفي اعتقادي انه احسن من احمد عادل وكمان يعني هو عشان يبقي تكتيكي يكون باك يمين فالعبه باك شمال مانخلينا واقعيين وده حصل اما بالنسبه لجوزيه فده رأيي وائل جمعه بيعشق الاهلي ومش ممكن يسيبه وهو محتاجه لكن وجوده عالدكه والضجه اللي اتعملت علي دفاع الاهلي ونغمة الدفاع عجز كانت سبب رحيله وبمنتهي الاحترام قال انا بادي فرصه للنادي الاهلي انه يختار الانسب ليه يعني بيحاول يحل اي عبئ عن النادي ولو كان بس الماده كان ساب الاهلي وهو وائل صخرة دفاع مصر مش وائل اللي قاعد علي دكه الاحتياطي
بالنسبه للناشئين فحسن مصطفي استغينا عنه ورجعنا اشتريناه وكمان احمد صديق وبوبو وشبيطه انا شفتهم في ماتش الاهلي كانوا ماشاء الله كويسين وكمان احمد جلال في ماتش الاهلي كان كويس واساسا كان هو اولي باني اقيده بدل مااروح اتعاقد مع الويشي وابن النادي اولي ولا ايه ولو كان قطاع الناشئين مالوش لازمه يبقي حرام اللي بيتصرف عليه
اما بالنسبه لموضوع الزمالك فانا ماقصدشي انه الاهلي بيجري ورا لعيبة الزمالك للي اقصده انه الاهلي هو كمان بياخد ناس من الزمالك وناس مش جامدين يعني وبالنسبه للاينو فهو مش برأتين ولا حاجه يعني حسام فعلا مستواه متذبذب الفترة اللي فاتت لكن جونين الاهلي في الزمالك والاسماعيلي كانوا ببصماته يعني بينفع في وقت حاجه ومش معني انه مستواه نزل اننا نقتله وكمان مش معني انه اينو جاي من الزمالك انه يتحط فوق لراسنا لانه في فرق انه اينو اعتقد انه بكرة لو حد هايدفعله اكتر هايروح لكن حسام اعتقد انه الموضوع بالنسبة ليه مختلف لانه ابن النادي
وفي الاخر اسفه جدا عالاطاله والاختلاف في الرأي لايفسد للود قضيه