إقتراحاتكم حول البوابة

السلام عليكم و رحمة الله

أخوانى و أخواتى أعضاء منتدى عشاق الأهلى
حرصاً منى على تطوير و تجديد الموقع
و حرصاً على آراء الأعضاء
فقد طلب منى أحد الأعضاء ألا يكون قسم (و لنا حق الرد) هو المتواجد فى صدر بوابة المنتدى
و كان رأيه أننا كموقع خاص بالأهلى يجب أن لا نفعل مثلهم و نركز على نادينا فقط و لا يكون همنا هو إظهار عيوب الآخر
لذلك أطلب منكم أخوانى و أخواتى أن تشاركونى الرأى فى تحديد القسم المناسب ليكون فى صدر البوابة
- هل يكون قسم الأخبار ---- حيث أن هذا القسم يتم فيه تجميع كل أخبار النادى الأهلى من كل المواقع الأليكترونية
- هل يكون قسم المقالات ---- حيث أن هذا القسم يحتوى على كل ما يكتبه الأعضاء من وجهة نظرهم الشخصية
- هل يكون قسم أبوتريكة ---- حيث أنه النجم الأول للنادى حالياً و يستحق منا كل التقدير و أن يكون واجهة لمنتدانا
- هل يكون قسم من الأقسام العامة ----- قسم المقالات و الخطب أو قسم السنة النبوية أو قسم الصور
- هل نبقى على قسم (و لنا حق الرد) ---- حيث أن أحد أهداف المنتدى هو الرد على أكاذيب و إدعاءات مواقع الزمالك و الإسماعيلى المختلفة
- أم نخصص قسم يكون للمديرين و المشرفين فقط يختارون المناسب و المميز ليوضع فى واجهة المنتدى من أى قسم

أرجو المشاركة فى التصويت و كتابة الآراء و المقترحات حتى نتفق على شكل مناسب لمنتدانا و يرضى الجميع

تخصيص قسم للمشرفين و المديرين ليختاروا المناسب من كل الأقسام هو الأنسب
حتى تكون البوابة متنوعة ومعبرة عن أفضل ما يحتويه المنتدى

مظبوط يا ادمن بوابه منتدانا لازم تكون حاجه لها علاقه باخبار النادى الاهلى فقط او ما يحتويه من المنتدى من كل جديد مفيد فى شتى المجالات
يعنى مش لازم تقتصر البوابه على قسم معين ولكن القسم الوحيد الذى يجب ان لاتتضمنه البوابه هو قسم ولنا حق الرد
****((وياريت ياريت ياريت مننزلش في القسم ده الا ما يسىء للنادى الاهلى من اى نادى اخر او شخص او.....الخ
يعنى من الاخر كده خلينا فى نادينا واخباره وملناش دعوه بنوادى اخرى ))****
هو مش المفروض ان البوابه تضم احدث الاخبار والمواضيع الموجوده بالمنتدى ولا ايه ؟
ولو كده صح يبقى ليه نعمل قسم خاص يعنى
ربنا يوفقك ادمن وللامام دائما ان شاء الله

أنا برضه مع المايسترو في رأيه بس خدو رأي شريف قبل التنفيذ لأنه بيمتلك حاسة فنية جميلة
مشكور يا آدمين يا متطور

sherifalwakkad كتب:: تخصيص قسم للمشرفين و المديرين ليختاروا المناسب من كل الأقسام هو الأنسب
حتى تكون البوابة متنوعة ومعبرة عن أفضل ما يحتويه المنتدى

انا معاك يا شريف في رايك لازم البوابه يوكن فيها افضل ما في المنتدي و يكون عن النادي الاهلي فقط

مشكورين شريف و نونا و أبو سيف و هانى
واضح ان فى إجماع على تخصيص قسم للبوابة و يوضع فيه مختارات من المنتدى
بس مبدئياً هكون أنا المسئول عن القسم ده و بعد كدا هتفق مع المشرفين على تنظيمه مع بعض

أؤيد رأي شريف والتركيز علي اخبار الأهلي افضل

مشكورة ROBOS على تشريفك للموضوع و رأيك
جارى الإعداد حالياً لإعادة تطوير شكل البوابة

واضح كده والله اعلم ياستاذ ادمن انه حضرتك عامل مفاجأة يعني ما شاء الله اكيد البوابه ديه هاتبقي حكايه
ياستاذ ادمن البوابه لازم تكون تخصصصصصصصصصص الاهلي او اي حاجه في المنتدي الا انها ماتكونش تخص الزمالك
يعني كنت متوقعه انه حضرتك تغيرها في فترة كاس الامم وتبقي تخص المنتخب لكن ماحصلش ودلوقتي الدوري هايرجع وطبعا هاترجع مواضيع الزمالك وهانرجع تاني نشوفهها في بوابة منتدي الاهلي!!!!!!!!!!

ياستاذ ادمن ممكن حضرتك مؤقتا تنزل اي قسم تاني للبوابه لحد ما حضرتك تعمل اللي حضرتك عايزه بجد اغرب حاجه انه منتدي اهلاوي تكون بوابته تخص الزمالك

ولا تنسوا ذكر الله

و الله يا بشمهندسة أنا بفكر فى كذا حاجة للبوابة و بالفعل أنا جاتلى فكرة إن نخصص قسم للبوابة يبقى فيه مختارات المواضيع اللى فى المنتدى يعنى المواضيع الذهبية المميزة
بس لحد دلوقتى مش لاقى طريقة انى اخد نسخة من المواضيع و تبقى فى البوابة بنفس إسم اللى رفعها و تفضل بردو فى نفس القسم الاصلى بتاعها
عموما يا بشمهندسة طلبك مجاب و أنا عارف انك طلبتى ده قبل كدا بس عايز انفذ التغيير بطريقة مش تزعل حد

» اقتراح:اضافة جدول التبادل النصي في البوابة