جوزيه يرفض العجيزى ويتمسك بأحمد حسن

مفاجأة من العيار الثقيل، اعترض الخواجة البرتغالي 'مانويل جوزيه' المدير الفني للأهلي على ضم 'هاني العجيزي' لاعب بلدية المحلة الذي يسعى مسئولو الأهلي للتعاقد معه، وتردد أنه وقع على عقود مبدئية لـ'عدلي القيعي' مدير لجنة التعاقدات بالأهلي تمهيدا لإتمام الصفقة بشكل رسمي في يناير المقبل.

وأكد 'جوزيه' في الاجتماع الأخير له مع أعضاء لجنة الكرة أن الفريق لايحتاج 'العجيزي' نظراً لإمكاناته الفنية المحدودة، فضلا عن رغبته في ضم 'أحمد حسن' مهاجم المحلة لكونه أفضل من حيث الإمكانات الفنية والبنيان الجسماني والخبرة والتعود على اللعب مع الكبار في الدوري الممتاز، بالإضافة إلى أن مركزه الأساسي رأس الحربة.

وأكد 'جوزيه' للجنة الكرة أنه من الصعب الاعتماد على لاعبين مغمورين دفعه واحدة في خط الهجوم بالإضافة إلى 'رضا الويشي' المنضم حديثا للفريق هذا الموسم قادما من السكة الحديد، ولذلك طلب التعاقد مع 'حسن' في فترة الانتقالات الشتوية مهما كان الثمن حتى يقوم بتجهيزه للموسم المقبل نظرا للرغبة الجامحة للثنائي 'فلافيو' و'متعب' في الرحيل لخوض تجربة الاحتراف الأوروبي.

في الوقت نفسه طلب 'جوزيه' من لجنة الكرة سرعة التعاقد مع 'محمود سمير' صانع ألعاب الترسانة الذي يراه 'جوزيه' خليفة 'أبوتريكة' سواء من الناحية الفنية أو الأخلاقية.

المثير أنه رغم اعتراض الخواجة البرتغالي على صفقة 'العجيزي' إلا أن مسئولي الأهلي يحاولون حسم الصفقة دون موافقته، وتواجههم بعض الصعوبات المادية نظرا لمغالاة 'محمود الشامي' رئيس نادي البلدية في المقابل المادي، حيث اشترط الحصول على 3 ملايين جنيه، بينما لم يتجاوز عرض الأهلي المليون ونصف المليون جنيه

بتقصد محمود سمير لاعيب الترسانة لو هو فعلا اللعيب دة جامد ويستاهل انة يجى الاهلى وعلى فكرة فى لاعيب برضة جامد اسمة محمود دياب (بيبو) ودة لاعيب حكاية لسة جى من اليمن وكان بيلعب فى الناشئين عندة 25 سنة وبيدرب مع الشباب مع فتحى مبروك ويارب يوقع
مشكور الغالى ابو ندى

و الله يا جماعة أنا كمان رأيي إن العجيزى إمكانياته ضعيفة (و جداً كمان)و أحمد حسن هداف و بالذات لو عماد إحترف و يوفر مكان للاعب أجنبى فى مركز آخر و محمد سمير صانع ألعاب ممتاز أنا إتفرجت على ماتش الترسانة مع فريق آخر(تقريباً أسمنت السويس)مخصوص علشان أتابعه و هو لاعب ممتاز(و الله هندبس فى العجيزى و هنداوى و أى لاعب من هؤلاء قليلى الموهبة إحنا ماصدقنا بدأنا نتخلص من الصفقات المضروبة بتاع زمان نقوم نجيب صفقات مضروبة تانى)

أحب أسأل سؤال إيه المفاجأة اللى من العيار الثقيل فى الكلام ده ؟ مين اللى شايف العجيزىإنه كويس و يستاهل الأهلى؟ هو إحنا لو إشتريناه نبقى بنعاند الزمالك ولا بنعاند نفسنا ؟و مين اللى شايف إن أحمد حسن المحلة مش كويس؟ و الله بلدية المحلة هى مستوى العجيزى و يبوس إيده وش و ضهر و مايطمعشى فى أكتر من كده(يعنى يجي إيه جنب فلافيو ولا متعب يبقى لو واحد منهم مشى نجيب لاعبين فى نفس مستواهم مش العجيزى)

شبعنا من الاخبار الى بتنشرها الجرايد وهدفها التوزيع نفسنا فى تعاقدات بجد وتكون جامده يناير خلاص على الابواب ومش شايف غير كلام وبس ونية الاهلى فى التعاقد مع فلان وعلان لدرجة انهم تعاقدو مع نص لاعبى مصر بالكلام بس فين التعاقدات وفي اللعيبه السوبر شبعنا من اللعيبه اشباه احمد عادل انا حاسس ان الاهلى مش هيجيب الا احمد فتح الى بالفعل انضم للاهلى وان كنت اتمنى انى اكون غلطان والايام الجايه تثبت عكس كلامى

ياريت يجى محمد عبدالشافعى بجد لاعيب ممتاز وكمان صغير مش اسامة محمد دة خلاص كبر احنا عاوزين فريق بطولات لسنين مش سنة ولا اتنين ونرجع تانى ندور على لاعيبة