كيف تعرف الباسوورد الخاصة بايميل صديقك ؟

بداية يجب ان تعاهدنى وتعاهد نفسك ان تستخدم هذة الطريقة لخدمة الناس واصدقائك وفقط... لا ان تؤذى بها الناس والسلام
نبدأ يلا

1- يجب عليك ارسال ايميل الى صديقك المستهدف وتحدثة فى موضوع مغرى للغاية لتجعلة يرد على رسالتك

2- ضع عنوان رسالتك : I NEED YOU

3- انهى رسالتك بهذة الجملة : DO YOUR BEST, ITS MY COMMAND

4-بعد ذلك ارسلها الى صديقك

5-انتظر ردة عليك

6- الان وبعد وصول رسالتة اليك أعمل : Select All ثم انسخها والصقها فى ملف و سجلها باسم Word

MY HACKY FRIEND

7- دلوقتي أعمل ريستارت للجهاز

8- بعد الريستارت قم بفتح برنامج الاى سى كيو

9- اضف هذا الرقم عندك 651242155547

10- ارسل الى هذا الرقم ملف الرسالة التى ارسلها لك صديقك

11-اغلق الجهاز و بعدين يا سيدي

12- انزل هات 5 فتوات وروح لصاحبك اعجنة من الضرب لحد ما يقر ويعترف بكلمة السر

13 - بذلك تكون حصلت على كلمة السر وابقى ادعى لى بقى

نشكركم لحسن المتابعة ونرجوا ان نكون قد افدناكم

ولا تنس ان تصالح صديقك بعد العلقة واى مشاكل تقابلك اتصل بى

ثم أنت كنت عايز تعرف كلمة السر بتاعت صاحبك ليه يا أخى كده عيب أليس هذا بالفضول

أبو الغالى
السلام عليكم
I NEED YOU
-------------------------------------------------
-------------------------------------------------
-------------------------------------------------
DO YOUR BEST, ITS MY COMMAND

يالا بقى مستنى ردك

ملحوظة هامة : ماتتأخرش فى الرد .. أصلى مأجر الفتوات بالساعة مش بالعلقة

أشمعنا أنا يعني ده أنا بيبني و بينك حوالي 70 كيلو
أقولك : روح لحازم أو الواد كمال سامو و لو الشرقية قريبة ليك مليانة من المنتدى
مشكور مايسترونا اللذيذ

أقول لكم الحقيقه انا اتعمل فيا مقلب اسوأ من كده من غير فتوات و لا حاجه واحد بعت لى رساله كأنها مبعوته من ادارة الياهو بتسألنى على اليوزر نيم و الباس وورد بتاعتى علشان فيه مشكله فى الحساب بتاعى علشان يحلوها و الحساب لا يغلق و بمنتهى العبط عملت REPLY و بعتهم له و بعد كده لقيت كل اصحابىو فى الشغل بيتصلوا بي بيقولوا لى انت ايه للى وداك نيجيريا و ايه حكاية الفلوس دى اتارى ابن اللذين بعت من الميل بتاعى لكل اصحابى انى سافرت نيجيريا و فلوسى اتسرقت و مش معايا فلوس ارجع و كمان تليفونى اتسرق و طلب تحويل 6 الاف دولار علشان اعرف ارجع بس الحمد لله محدش اتخدع و ربنا ستر