جلبرتو يصنع هدفا ويحرز أخرا ! وفلافيو يحرز هدفا فى كوتديفوار

جلبرتو يصنع هدفا ويحرز أخرا ! وفلافيو يحرز هدفا .. وأنجولا تهزم كوتيفوار بباريس 2-1

صنع جلبرتو هدفا وأحرز فلافيو أخرا لتتقدم أنجولا علي كوتيفوار بكامل نجومها بقيادة ديديه دروجبا بهدفين للاشيء مع نهاية أحداث الشوط الاول من المباراه الوديه الدوليه التي تجمع المنتخبين بباريس في اطار استعدادات المنتخبين لأمم افريقيا - غانا 2008 -
جلبرتو وفلافيو بدأ اللقاء كأساسيين في تشكيل الفريق
جلبرتو يلعب في مركز الجناح الأيسر .. في الدقيقه 13 ومن الجانب الأيمن قام بتمرير بينيه للاعب ماكانجا الذي وجد نفسه وجها لوجه منفردا تماما بحارس الكوتيفوار ليحرز الهدف الأول لانجولا
فلافيو .. في الدقيقه 39 من عمر اللقاء ومن لعبة ( وان - تو ) بينه وبين اللاعب ميدونكا ينفرد بالمرمي ويحرز الهدف الثاني لأنجولا
الشوط الاول أنتهي بتقدم انجولا بهدفين دون رد
الشوط الثاني .. في الدقيقه 62 يحرز المنتخب الأيفواري الهدف الاول له في اللقاء .. هدف كوتيفوار جاء بنيران صديقه عبر جلبرتو ! فمن ضربة ركنيه يرتقي دروجبا برأسيه تصطدم بقدم جلبرتو وتغير أتجاهها وتمر الي الشباك لتعلن الهدف الايفواري الأول في اللقاء
المباراه استمرت سجالا بين الفريقين , حتي انتهت بفوز المنتخب الأنجولي بهدفين مقابل هدف
بهذا يكون جلبرتو قد صنع الهدف الاول لأنجولا , وفلافيو أحرز الثاني , وجلبرتو أحرز بالخطأ في مرماه

تمنياتنا لنجوم الأهلي بالتوفيق دوما ان شاء الله

ولادك رجاله يا اهلي

الحمد لله اننا اطمنا على جلبيرتو

و الاخ فلافيو بيجيب اجوان اهزه مع المنتخب امال ماله مع الاهلى

فلافيو شغال علي سنه ويريح سنه

الموسم بتاعه 2008

شكرا يا شريف على الخبر مع انك سبقنى فية

طول عمرهم رجالة مشكور شعلة الحماس الأهلاوى على المرور

وجارى الحبيب ذو الإنتاج فائق الجودة مستغرب إن فلافيو جاب جون فى كوت ديفوار ليه .. دا مستواه الطبيعى

طب ما متعب جاب 4 إجوان ماستغربناش ليه؟

الظاهر إنى هارجع أختلف تانى مع حبايبى على فلافيو (السنة اللى قبل اللى فاتت كنت الوحيد وسط كل اللى حوالية اللى شايف فيه لعيب وقت ما الكل كان بيشتمه)

في بيتها يا محمد إعتبره بتاعك يا باشا .. المهم الخبر يوصل
مشكور أخى لمرورك الجميل

يا شريف فلافيو مش دوب اوى يعنى

ربنا يخليك كلك ذوقك

لأ انا عمرى ما قلت عليه مش لعيب انا كمان كنت بشجعه و هو مش بيجيب اجوان بس لانه كان بيموت نفسه و ربنا مش بيوفقه و كمان كان صانع أهداف ممتاز و يا ما عمل اجوان لابو تريكه و متعب و حسنى بس اليومين دول زى عماد بيلعب من غير تركيز أو متعمد علشان يضغط على الاهلى يسيبه يحترف

بالعكس فلافيو من وجهة نظرى أحسن مهاجم أجنبى فى مصر وفى تاريخ الأهلى

اللاعب ده الوحيد اللى مابيفقدش كورة بسهولة ولو فقدها يبقى بفاول .. داغير ضغطه الدائم على دفاع المنافس ومجهوده طول المباراة .. وإجادة اللعب بالقدمين وبالرأس والرأس دى حدوته تانية

ومستواه منزلش غير لما مستوى تريكة نزل هو وخط وسط الأهلى بالكامل يعنى لما مابقاش فيه تمويل ولا حتى سند أو مساعدة من متعب

انا بحترم وجهة نظرك جدا
بس معلش من وجهة نظرى انا المتواضعة انة مش احسن مهاجم اجنبى فى مصر ولا حتى تاريخ الاهلى لان فى كان احمد فيليكس وايمانويل وكوارشى غير ان فيليكس دة من وجهة نظرى انا انة احسن واحد بيعرف ازاى يحافظ على الكورة تحت رجلة ويلعب بكلتا القدمين والراس كمان عندة حكاية ولا نسيت ايامة مع حسام حسن

ماتنساش إن فيلكس كان جنب حسام فى عزه يعنى مرتاح وماعليهوش ضغط فلافيو فعلا دلوقت مظلوم لوحده وبرضه تحكمه فى الكرة رائع

عموما دى حاجة عاملة زى المطربين والفنانين أمزجة وأذواق

مشكورين أحبابى حزوم ومحمد وصالح لإثراء الموضوع بتفاعلكم الرائع

اي خدمه يا ابو ندي عد الجمايل دي

جمايلك زادت يا صالح وماعدتش ملاحق أعد

» حسن يصنع هدفا وأندرلخت يتعادل
» في 3 أيام: فلافيو يحرز هدفين وجلبرتو يصنع هدف ويقودا أنجولا
» فى أول ظهور له مع الأهلي : طلعت يحرز هدفا ويقود أهلي 19 للفوز على المحلة فى عقر
» فتحي يصنع هدفا قبل أن يطرد .. وكاظمة يتأهل في كأس ولي العهد
» تشخيص أصابة الغزال الأنجولي جلبرتو وفلافيو سليم