هيا بنا جميعا يا أهلاوية نشجع النجم الساحلى

كتب : شريف الوقاد

هيا بنا جميعا يا أهلاوية نشجع النجم الساحلى

نعم أنا مع الزملكاوية والإسماعيلاوية وسأشجع النجم الساحلى بدءا من مباراة السوبر الأفريقى بإذن الله
الزملكاوية والإسماعيلاوية بدأوا وأدوا دورهم والحمد لله وشجعوا النجم فى مباراة الأهلى
ونحن سنكمل المسيرة ونشجعه فى مباراة السوبر والبطولة القادمة من كل قلوب الأهلاوية
إقتنعت تماما بوجهة النظر الزملكاوية الذين شجعوا النجم لمجرد كراهية الأهلى
ولكن هل سيشجعونه دائما .. أم أنها كانت مباراة
نحن سنشجعه دائما .. حتى لوثبت أنه تآمر ورشى العربون للفوز بالبطولة
إخوانى الأهلاوية أنا لم أفقد عقلى .. ولا أدبر لأن أقلب الكلام فى النهاية وأسب النجم أو حتى الزمالك
ولنفهم معا السبب لأن إخواننا أعماهم حقدهم حتى عن مصلحة ناديهم (نعم ناديهم هم وليس الأهلى)
تصنيف الأندية الأفريقية الأخير ذكر أن الأهلى لازال الأول برصيد 68 نقطة
والثانى الزمالك برصيد 47 نقطة .. والثالث النجم الساحلى برصيد 45 نقطة وصل لها بعد المباراة الأخيرة !!!!!
هل فهمتم ماذا أقصد ..
كل مشجع زملكاوى شجع النجم كان يشجعه على الإقتراب من مكانة الزمالك التى حافظ عليها سنوات طوال
وها هى الآن تهتز تحت قدميه بفضل الحكم الذى دافع عنه الزملكاوية أنفسهم .. وتشجيع الزملكاوية أنفسهم
لم يبق له سوى نقطتان ليزيح الزمالك من المركز المفضل لديه .. المركز الثانى ويجلس مكانه خلف الأهلى وبفارق كبير من النقاط يستحيل على أيهم الإقتراب منه
ومن نفس المبدأ الزملكاوى (عدو عدوى صديقى) أكرر دعوتى لكل الأهلاوية مؤازرة وتشجيع النجم فى مباراة السوبر والبطولة القادمة لإزاحة الزمالك عن المركز الثانى وإعادته لحجمه الطبيعى فى المركز الثالث أو حتى الرابع بعد كوتوكوالذى يهدده أيضا فالفارق بينهما 4 نقاط يعنى بطولة واحدة كونفيدرالية ويزيحه .. أوالخامس بعد الترجى اللى فاضلله 5 نقاط يعنى بطولة أبطال أو كونفيدرالية وسوبر ويرميه برة
وطبعا لا يخفى على الزملكاوية قبل الأهلاوية صعوبة تأهل الزمالك للبطولة القادمة لأن مركزه فى الدورى حاليا (الخامس) يوديه "صنايع إنتساب" .. مش كونفيدرالية حتى
الأهلاوية زهقوا من إقتران إسم الزمالك ولزقته الدائمة مع الأهلى .. كل ماحد يتكلم عالفرق الكبيرة ويجيب سيرة الأهلى لازم يلزق جنبه الزمالك بدون داعى علشان الزملكاوية ماتزعلش
الحكومة تقولك لازم ندعم الزمالك علشان يبقى فيه منافسة .. طب ماتدعموا كل الفرق ووسعوا دائرة المنافسة
عموما دا موضوع تانى .. وله وقته
وأظن أنا وضحت وجهة نظرى وأدعوا كل الأهلاوية معايا
إرفعوا أعلام النجم والترجى وكوتوكو وشجعوهم بكل قوة السنة الجاية
عرفوا إخواننا اللى شجعوا النجم ورفعوا أعلامه نتيجة أفعالهم ومادام مش باكيين على ناديهم هانبكى عليه إحنا ؟؟؟

الله اكبر عليك يا ابو ندي يا عسل

والله كده انت خرستهم

تسلم لى يا صالح يا شعلة الحماس الأهلاوية

الله يا يخليك يا شريف

انت مقولتليش انت منين من الزقازيق

كان يشرفنى أبقى من الزقازيق يا صالح

لكن أنا من طنطا

مواليد القاهرة جذور أسوانى جنسية طنطاوى .. حاجة ملخبطة كدة

ياباشا دول أصلهم معدومى الفهم

شكرا على المقال وأكثر من أمثالك

مشكور أخى وائل مرورك الكريم وردك الأكرم

كرم شرقاوى بقي

انا اسف يا شريف

انا اتلخبط بس

وائل هو اللي من الزقازيق

وانا لعلمك بحب طنطا اوي

وخصوصا رحاب السيد البدوي

ولا يهمك يا سيدى وطنطا بتحبك أكتر

وبترحب بيك دايما

والله انت دايما سابق بخطوه

أعملك ايه أهلاوى بأه

مقال 100% وهدف أهلاوى جديد بقلم أهلاوى شديد

مقال رائع يا شريف

كلامك كله فى الصميم

بس اللى زى دول مش يهمهم يبقوا فى المركز الرابع أو الخامس

إنت نسيت إنهم لحد دلقوتى مقتنعين إنهم نادى القرن الحقيقى

مشكوووووووووووووووور شريف

دايما كدة رافعين معنوياتى ومشرفيننى أحبائى حازم وأدمين

1000 شكر لتشريف موضوعى بزيارتكم

تسلم إيدك اليمين يا ابو ندى (( ياريت متطلعش أعسر ))
أيه يا عم ده مصمم ديكور و لاه صحفي خبرة 20 سنة رغم أن المقال أستفزني جداً
و بعدين أنا عرفت أفاقك الواسعة دي جت منين :
جذور أسوانية
و جذع أقصد مواليد القاهرة
وفروع يااااه معلش و مقيم في طنطا يعني ثقافات مختلفة معى أني مبحبش اللي بيحصل فيها و خاصة عند ما يسمى بالسيد البدوي من شركيات و خرفات ما أنزل الله بها من سلطان
بس نفسي أعرف حد يسيب القاهرة و يعيش في طنطا مع كل الأحترام لطنطاوية و الغرباوية (( علشان حازم ميزعلش بس ))

حبيب جلبى الغالى أبو الغالى

دايما يا رب مشرف مواضيعى بمرورك الجميل وردودك الأجمل ومناقشاتك السخنة

مش أعسر يا سيدى .. وحكاية الجذع دى جاية من الميلاد (مواليد الظاهر) وجزء من التربية هناك وأغلب عائلتى هناك برضه وطبعا بأنزل عليهم دايما للزيارات أو العمل

وعايش فى طنطا من وأنا صغير .. وعلى فكرة مش هاناكفك المرة دى على موضوع اللى بيحصل عند السيد البدوى لأنى ضده على طول الخط ولعلمك معظم الطنطاوية مؤمنين إن ده شرك والعياذ بالله .. المشكلة إن اللى بيعمل كدة الزوار وأغلبهم من الأرياف ومهما حاولت تفهمهم مافيش فايدة .. على فكرة كتير من القاهرة بييجوا يعملوا زيهم يعنى المسألة مش واقفة على بلد .. أقل ناس (بتتبارك) بالسيد البدوى ودى مفاجأة الطنطاوية ..

على فكرة صحيح أنا ماإخترتش الحياة فى طنطا .. بس دلوقت بأحمد ربنا كل مانزل القاهرة إنى ماعشتش فيها (إنتوا طايقين حياتكوا هناك إزاى ياراجل) اليوم بيضيع كله فى مشوار واحد حتى لو معاك عربية .. دا غير جفا غريب بين الناس وبعضها حتى الإخوات والقرايب .. صحيح فرص الشغل والفسح أحسن بكتير .. بس اللى يستحمل

أقولك هات سيف طنطا يومين وإن رضى يرجعلك يبقى لك الكلام .. ماتنساش تبوسهولى

يا جامد قوي يا شديددددددددددددددددددددددددددددددددددددد

مقال رائع استاذ شريف

بس مشكلتى انى مش بعرف اشجع غير الاهلى وبس

اما الزمالكاويه

هم اللى جابوه لروحهم يستحملو بقى الاضرار

جزيت خيرا استاذ شريف

الى مزيد من التقدم

مشكور أخى الحبيب طاطا فتى الأهلاوية لمرورك الجميل وردك الأجمل

أما أختنا الفاضلة نونا فدايما محيرانى فى الرد عليها من جمال ردودها

شرفتى الموضوع بزيارتك الكريمة يا نونا

مقال جامد

مشكور حبيبى مادو الأهلاوى المرعب لمرورك الجميل

والحمد لله تحققت نظريتى وتراجع الزمالك للمركز الثالث .. ولسة

لكل داء دواء ... إلا الحماقة أعيت من يداويها

يا جماعه انا غير موافق علي هذه الفكره فليس معني ان جمهور الزمالك لا يعي ما يفعله ان نكون مثله و ننساق ورا هذه التفاهات نحن نشجع الاهلي و الاهلي فقط و ليكن الزمالك ثان او ثالث او عاشر فهذا لا يعنينا في شيء المهم الاهلي الاول و بعدين انا شايف انهم عندهم حق يشجعوا النجم فهم يا عيني لم ياخذوا بطوله منذ سنوات اما الاهلي فهو مختلف
دعونا نشجع الاهلي و الاهلي فقط و ليذهب النجم و الزمالك الي الجحيم

يا هانى المقال دا أنا كتبته بعد مباراة النجم والردود هيا اللى رجعتهوالهدف منه كان الرد على أعلام تونس وتركيا بشكل عقلانى يوضح ضحالة تفكيرهماللى خلاهم يشجعوا منافسهم الحقيقى لمجرد الشماتة فى الأهلىودا مكتوب خصيصا لمنتدى الرد على الزمالك والإسماعيلى وليس مقالات الأهلويةمشكور أخى لمرورك الكريم ولا تحرمنا رأيك الراجح دائما

شكرا اخي شريف و اتمني لك التوفيق و النجاح دائما

» خروج النجم الساحلى من البطوله الافريقيه
» جوزيه عقب مباراة أنيمبا: الأهلى لعب ضد شبح النجم الساحلى ..
» النجم الساحلى يودع دورى رابطة الأبطال
» حسام البدرى يوقع بروتوكول تعاون مع النجم الساحلى
» هل ما يبكينا جميعا هدف واحد