تحياتي للجميع ويارب تكونوا بأحسن حال وبخير
وكالعادة شفت حاجة في موقع الاسماعيلي دوت كوم وحبيت تشوفوها
والظاهر اني هبقى مراسل المنتدى في الموقع دة
وبصراحة انا احترت مع الناس دي وعاوزكم تشوفوا مصدقين لاي درجة ان جمهور الاهلي ساب الماتش مع النجم وطلع ينتظر جمهورهم عشان يضربهم
وليا ملاحظتين
اولهم ان الموقع دة غير موقع اسماعيلي اون لاين اللي نقلت منه نفس الخبر امبارح ودة دليل ان الموقعين بيزايدوا على بعض وكل موقع عاوز يظهر في صورة حامي الحما وبيزود شوية من عنده
والملاحظة التانية ان الناس دي كدبت كدبة وصدقتها بعد ماجمهورهم صدقها وهي انهم مضطهدين بجد
وان الامن كان بيضرب مع الجمهور الاهلاوي ونفسي اعرف شافوا كارنيهات الجمهور دة ازاي (دة اذا كان الجمهور الاهلاوي معاهم كارنيهات مشجعين) او على الاقل الامن ما عملش حاجة
وطبعا الموضوع واضح وضوح الشمس ان كل دة استعداء لجماهيرهم عشان تولعها في الماتش الجاي كانهم كانوا بيقابلوا الاهلي وجمهوره بالورود ولافتات الترحيب ونورتونا وشرفتونا
ولو حد اتكلم بعد ما يضربوا الفريق والجمهور يقولوا ما احنا انضربنا بعد ماتش انبي
عموما شوفوا الكلام بتاعهم الاول
قبل مباره الاهلى جماهير الاسماعيلى بركان على وشك الانفجار[ندعوك للتسجيل في المنتدى أو التعريف بنفسك لمعاينة هذه الصورة]نجحت اداره النادى الاهلى وجماهيره نجاح لم يسبق له مثيل فى اكتساب عداوه جماهير الاسماعيلى بشكل غير مسبوق
فمن خلال مراسلينا المنتشرينعلى ارجاء المدينه الهادئه قد لمسو حاله احتقان عامه وشديده وصلت للزروه بعد مباره انبى الاخيره والهجوم الهمجى والبلطجه المغلفه بغطاء رسمى من الاعلام المصرى من جماهير الاحمر على ممثلى جماهير النادى الاسماعيلى العائدين من مباره انبى الاخيره
حتى وصل الامر الى اصابات كثيره وصل بعضها الى حد الاعياء التام والغيبوبه ......
بالاضافه الى ما حدث للجماهير الاسمعلاويه من جماهير الاهلى فى القاهره خلال مباراه الاهلى والاسماعيلى فى قبل نهائى كأس مصر العام الماضى من احداث شغب همجيه وقذره قد نوهنا اليها هنا بالصور على صفحات الموقع ولم تتحرك حينها اى جهه سواء اعلاميه او على المستوى الكروى
[ندعوك للتسجيل في المنتدى أو التعريف بنفسك لمعاينة هذه الصورة]
وايضا على المستوى الادارى
فقد قامت اداره الاهلى بضم اكثر من لاعب من النادى الاسماعيلى وتحاول جاهده ضم اى لاعب يرتدى فانله صفراء ويلعب للنادى الاسماعيلى
والمفاوضات الدائره الان بواسطه كل اهلاوى ينتمى الى النادى الاهلى او اتحاد الكره مع بعض لاعبى الاسماعيلى الان خير شاهد ومحاولات اختطاف اكثر من ناشىء من ناشئى الاسماعيلى
كل ذالك جعل جماهير الاسماعيلى الغاضبه من كل شىء على وشك الانفجار فى مباره الاهلى والجميع يترقب هذه المباره للرد على ما حدث وهذا ما لمسناه من خلال مراسلينا والشىء المؤكد ان الرد سيكون قاسى وشديد على كافه المستويات
ونحن من خلال موقع جماهير النادى الاسماعيلى الرسمى نحذر من الان من كارثه متوقع خلال هذه المباراه
وشكرا لكل من ساهم فى وصول جماهير الاسماعيلى الوطنيه جدا لهذه الحاله سواء اعلام حكومى او خاص الذى دائما وابدا ما يصور جماهير الاسماعيلى على انها جماهير همجيه ومشاغبه ويغض النظر عن تجاوزات واعتدائات وبلطجه جماهير الاهلى المستمره
وشكرا لاتحاد الكوره الذى دائما وابدا ما يكيل بمكيالين
وعلى الجميع ان يتحمل مسؤليته عما سوف يحدث ونحذر منه هنا خلال هذه المباره اية رايكم بقى في الحالة دي؟؟؟؟؟
وشفتم حالات الاغماء والاعياء اللي اصابت الجمهور من الطوبة
وياريت تكونوا اخدتم بالكم انها طوبة واحدة بس والجزء المكسور بسيط جدا يعني لو زي ما بيقولوا هجوم كاسح كان الاتوبيس نفسه اتكسر وطبعا كانوا جابوا صور المصابين والجرحى وصور المفقودين والاسرى لو كان في والمشكلة انهم جايبين صورة واحدة ومكبرنها ومكررنها عاملين زي واحد ضارب واحد وبيقولهم دة عورني ولما سالوه عورك فين قالهم كسرلي ضفري الصغير
والله بجد انا احترت ومتوقع ان هتحصل مشكلة بسبب الهبل دة وهما اعلنوها صريحة ان في مشكلة هتحصل
وطبعا الجمهور الوطني زي ما الكاتب بيقول متحفز للقضاء على الاوغاد وربنا يستر على الفريق والجمهور
وكل اللي هقوله في النهاية ان الناس دي غارت جدا ان الاهلي بيلعب في النهائي وعدا ماتش سوسة بتعادل بعد ما كانوا متوقعين ان النجم هيغلب الاهلي زي ما كانوا بيتمنوا وبيدعوله بالنصر وكمان ان في نفس الوقت هما اتعادلوا مع انبي فقالوا نضحك على جمهورنا بالحدوتة دي مع اني اشك ان في اهلاوي كان عارف اصلا ان الاسماعيلي وجمهوره في القاهرة عشان يغلق الطرق والمحاور ويقيم الحواجز والمتاريس عشان يضربوهم بطوبة واحدة افقدت العشرات وعيهم
ومرة تانية تحياتي للجميع
الرئيسية 
التسجيل 
دخول 
