لجنة الكرة توافق على رحيل سعيود إلى ليرز البلجيكى

لجنة الكرة توافق على رحيل سعيود إلى ليرز البلجيكى

وافقت لجنة الكرة بالنادى الأهلى على إنتقال اللاعب الجزائرى أمير سعيود إلى نادى ليرز البلجيكى بعدما تقدم الأخير بطلب ضم اللاعب الذى انتقل للأهلى قبل بداية الموسم الحالى من أكاديمية الفتى العربى .

وعلم مراسل El-Ahly.com أن لجنة الكرة وافقت على إنتقال اللاعب إلى صفوف نادى ليرز بعد الأحداث التصاعدية بين الجماهير المصرية والجزائرية فى الفترة الأخيرة على خلفية الإعتداءات التى تعرض لها المصريين فى الخرطوم من قبل الجماهير الجزائرية .

وكان سعيود قد أبدى تخوفه من من تأثير العلاقات المتوترة بين الجماهير المصرية والجزائرية عليه بعد الأحداث الساخنة والدموية التى وقعت بين الجمهورين .

وأعتدت الجماهير الجزائرية على نظيرتها المصرية بشتى الأسلحة البيضاء عقب نهاية مباراة المنتخبين الفاصلة على بطاقة التأهل لمونديال جنوب أفريقيا 2010 والتى أقيمت فى الخرطوم .

وكان اللاعب قد قرر عدم الذهاب إلي تدريبات الفريق خلال الفترة الماضية بعد أن تلقي تهديدات علي هاتفه المحمول من جانب بعض المجهولين في الأيام الأخيرة التي تلت الأحداث بين مصر والجزائر في الفترة الأخيرة وذلك بالتنسيق مع هادي خشبة مدير الكرة في النادي لحين إتضاح الصورة بالنسبة لرد فعل الجمهور معه في الفترة القادمة بعد أن تعالت الأصوات بضرورة فسخ التعاقد مع اللاعب مع تصاعد وتيرة الأحداث إلي طريق مسدود في العلاقة بين البلدين

ماينفعش أحاسب لاعب صغير عمره 19 سنة على جريمة إرتكبتها بلده اللى مالعبش فيها من زمان وكان مؤدب تماما طول الوقت وتصريحاته مهذبة .. حتى إنه كان يتمنى من أندية الجزائر لو تقدر تكون نصف الأهلى فقط
لما تطردوا السفير إبقوا إتشطروا عليه
لما تحاسبوا السفير المصرى فى السودان والجزائر إبقوا حاسبوه
لما تحاسبوا إتحاد البيزنس اللى إتفرغ للتصوير والعمولات ونسى دوره فى الملعب وخارج الملعب
لما تحاسبوا الإعلام اللى سخن فى الأول وإستخبى وقت الضرب (أكتر من 200 إعلامى سافروا على نفقة الدولة لتغطية المباراة إعلاميا ورغم كل ده مافيش واحد منهم صور صورة واحدة تصلح لإدانة الجانب الجزائرى .. ودلوقت بيناشدوا الهواة يبعتوا اللى صوروه .. أمال إنتم كنتم بتعملو إيه؟)
لما تحاسبوا الدولة الجزائرية اللى تقاعست عن حماية المصريين فى الجزائر وتجاهلت اعتداء الجماهير على المصريين فى السودان .. برد يليق بدولة بمكانة مصر
لما تحاسبوا كل دول ممكن وقتها تحاسبوا لاعب ناشئ ينتمى للأهلى ومصر ولم يخطئ فى حق أى منهم بكلمة واحدة
لو ضرورى يبقى إعارة للتهدئة
لكن مستحيل يكون دايما الأهلى هو اللى بيدفع التمن والكل بيظهر على حسابه
تريكة شحتوت (الله يحرقه) كان بيلاعبه وهو مصاب لحد ماجاله شرخ إجهادى فى وجه القدم
ويركات وفتحى وشريف عبد الفضيل راجعين مصابين
وأحمد حسن مرهق تماما
وكمان نكملها ونستغنى عن سعيود ؟
لا تزر وازرة وزر أخرى
مشكورة للمتابعة وسعيد بعودتك أم الأمامير الغالية .. وآسف للإطالة

كل كلامك صح يا شريف بالنسبه للي حصل في السودان

بس كده احسن لسعيود بدل ما حد يضايقه ولا يعمل فيه حاجه
واحسن للاهلي كمان كده كده هو مش هيقدر يلعب ولا يركز في الملعب في الظروف دي

أما حسن شحاته بلاش تجيب سيرته اصله راجل بركه
يعني لعب زفت وتغيرات غريبه ومنزل لعيبه مصابه
يقوم الناس تضرب في السودان
فينشغلو باللي حصل وينسو اسوأ ماتش اتلعب في تاريخ المنتخب
لا ومش بس كده دول كمان بيكرموه ويعطوه 6 مليون جنيه
الراجل ده حظه [ندعوك للتسجيل في المنتدى أو التعريف بنفسك لمعاينة هذه الصورة]
نورت التوبيك يا ابو السكره
وتسلم ايدك علي الخلفيه الرووووووعه [ندعوك للتسجيل في المنتدى أو التعريف بنفسك لمعاينة هذه الصورة]
وكل سنه وانت وكل المسلمين طيبين

لا يا شريف انا مش معاك خالص
لو تفكر كدا بعقلك هتلاقى ان المصريين دلوقتى رافضين كل ما هو جزائرى
شفت موقف عمال مطابع مجلة اكتوبر و رد فعلهم على غلاف مجلتهم اللى ناشر بالبنط العريض (مبروك للجزائر) و صورة للعلم الجزائرى
رد الفعل من جمهور الأهلى تجاه سعيود هيكون مش ظريف فما بالك بجماهير الفرق المنافسة
و الأهلى أصلاً محدش سايبه فى حاله و الكل بيتصيد اخطاؤه
هيقولوا الزمالك موقفه احسن من الأهلى لأنه رفض التعاقد مع لموشيه لكن الأهلى ابقى على سعيود
انا شايف ان ده الحل المثالى لسعيود بس ممكن يكون اعارة لنهاية الموسم بلاش بيع نهائى و بعدين ممكن يرجع لما تهدى الأجواء

بشكرك على لفتة ان الاعلام المصرى ما صورش حاجة تدين الجزائر
فعلاً يا شريف انا حتى الآن لم ارى اى صورة او فيديو يدين الجزائر
كل الصور لأتوبيسات متكسرة و ناس متعورة لكن فين اللى كسر و مين اللى عور؟؟؟؟
مفيش فيديو واحد لشخص جزائرى داخل الملعب شايل علم الجزائر و فى ايده سيف او سكينة
مفيش فيديو واحد لمناصرين الخضر قبل او بعد الماتش لما اعتدوا على مشجعين مصريين
اعلام فاشل و ادارة اتحاد كورة ضعيفة و متخاذلة

سعيد بوعيك وقرايتك للأحداث يا أم الأمامير
كويس إنك مامشيتيش فى الزفة زى غيرك
هما دول الأهلاوية

ويا كبير العيلة إحنا مش مختلفين
لو لاحظت الردود هاتلاقى إننا كلنا متفقين على مبدأ الأعارة للتهدئة
لكن البيع لأ .. لأنه خسارة .. وظلم للاعب فى مقتبل حياته
وجمهورنا هاينسى
أما الزمالك فبيفاوض حاليا لاعب كاميرونى من وفاق سطيف
واشكرك أنا كمان على كلامك الجميل
فعلا البلد دى مش هايتصلح حالها إلا لو إعلامها كله إتنسف
يهيجونا عليهم ويسخنونا ويهيجوهم علينا ويسخنوهم
وساعة الضرب كله يستخبى ومايقومش بدوره الأساسى اللى بيقبض عليه فلوسه من جيبنا
وبعد ما العركة تنفض يولول ويخرط على قلبنا بصل ويهيجنا من جديد

لكن الأهم للأسف قيادتنا
اللى خلتنا مستباحين من طوب الأرض
كانوا فين لما إسرائيل قتلت اللى قتلتهم على الحدود .. وقالوا عادى .. خطأ غير مقصود
كانوا فين لما تم إهانة المصريين فى الكويت ودول الخليج
كانوا فين فى أزمة جلد وحبس الدكاترة المصريين فى السعودية
كان فين وفدنا البرلمانى اللى خلع جرى فى أول طيارة ونفد بجلده
وكان فين سفيرنا فى السودان ساعة الضرب
ده طلع ساعتها وقال فى التليفزيون إن مافيش جزائرى واحد فى الشارع
وعلى فكرة التسجيل ده من أهم الأدلة اللى بيستند عليها الجانب الجزائرى

الجيش الجزائرى وحليفه السفير الحجار لما حبوا يحرجوا بوتفليقة وياخدوا بنط على قفاه
مالقوش أسهل من مصر
دولة وإعلام مسخرين لصالح القيادة
وليس قيادة وإعلام مسخرين لصالح الدولة .. كما هو الحال فى اى مكان محترم
لقد هان علينا أمرنا .. فهان أمرنا على الناس

الأسود فى محبسها .. تنبح عليها الكلاب

إن هانت عليك نفسك فهي على الناس أهون

» خاص : لجنة الكرة توافق على رحيل جمعة للسيلية القطري .. اللاع
» لجنة الكرة توافق على سفر النحاس للعلاج
» لجنة الكرة بالأهلي توافق على بيع حسين ياسر للريان
» على ذمة وكالة أنباء الشرق الأوسط.. لجنة الكرة توافق على ضم ح
» لجنة الكرة توافق على احتراف احمد ممدوح فى جالاكسى