راجل بجد : علاء صادق يرفض ان يكون زميلاً للجهلاء ويستقيل من مودرن على الهواء

[ندعوك للتسجيل في المنتدى أو التعريف بنفسك لمعاينة هذه الصورة]

فجر الاعلامي الكبير الدكتور علاء صادق قنبلة مدوية يوم امس بعد ان استقال على الهواء من برنامج هنا القاهرة والذي يذاع كل اسبوع في قناة مودرن سبورت حيث اكد علاء صادق في كلمته القصيره التي استمرت 30 ثانية انه يرفض المناخ الموجود في القناة ويرفض ان يزامل الجهلاء والذين لايعرفون خاصة بعد الهجوم الفاجر عليه.

وكان علاء صادق قد افتتح برنامجه قائلاً بالنص "السلام عليكم ورحمة الله وبركاته بعد ان كشف الساقطان عواراتهما على الهواء وتطاولا بفجور على صفوة المثقفين والشرفاء سأرحل .. لن ابقى يوماً بجوار امثالهما من الجهلاء .. اعزائي المشاهدين سأفتقدكم كثيراً الى اللقاء" ثم ظهر تتر البرنامج.

وكان علاء صادق قد اختلف مع وليد دعبس العضو المنتدب لقنوات مودرن سبورت في بعض الامور التفصيليه وابتعد عن برنامجه اليومي هنا القاهرة لمدة طويلة قبل ان يعود وليد دعبس الى مصالحته مرة اخرى ويوافق علاء صادق على العودة الى القناة مرة اخرى.

غير ان مدحت شلبي والذي يقدم برنامجاً يومياً في القناة قام بشن هجوم شديد على علاء صادق في اكثر من مناسبة وبطريقة رأها الجميع غير مناسبة لتكون اسلوب انتقاد لزميل له في نفس القناة واستمر الهجوم على علاء صادق بطريقة غير مناسبة لمدة طويلة.

الجدير بالذكر ان برنامج هنا القاهرة قبل ايقافة كان يحتل الصدارة في البرامج الرياضية الاكثر مشاهدة على القنوات الفضائية واستطاع علاء صادق وضع شعبيه كبيره لقناة مودرن سبورت في بدايتها باسلوبه اللاذع وانتقادته الساخرة.

كلكم أسوأ من بعض
اللي يفرح بس انها فضيحه لمودرن سبوبه
الله يمسيك بالخير يا جوزيه

بصراحة انا سمعت عن الكلام اللى قاله شلبى عن علاء صادق و اتضايقت جدا
اينعم انا غير مساند اعلاء صادق على طول الخط
بس بردو عيب نستخدم قنواتنا الفضائية للأغراض الشخصية و الاتهامات الباطلة
اعلام فاشل و نقاد افشل

كل دا اصلا بسبب ايه؟؟؟؟؟؟؟؟؟؟؟؟؟؟؟؟
ومين فيهم صح علاء صادق ولا الا ما يتسمى
من فيهم بقى بس انا اعتقد انه شلبى اللى فاكر نفسه بيفهم وهو حمااااااااااااااااااار

يا رباب مش معاكى .. ماينفعش نعمم .. علاء صادق مافيش وجه للمقارنة بينه وبين شلبى
حتى لو كان له أخطاء فمافيش حد كامل
لكن أخلاقياته ومصداقيته ماعليهاش خلاف
بعكس "خالتى بمبة" على رأى شبانة الآكل على كل الموائد (وهى نقطة الإتفاق بينه وبين معلوف)

أنا شفت بنفسى حلقة الردح اللى عملتها شلبية يا شاذلى
فرش ملاية على الهواء وشئ مقزز لأقصى درجة
وطبعا توقعت رد د.علاء بقوة .. لكن ماتوقعتش يكون قلم سخن للدرجة دى
ولما فكرت فيها إفتكرت المرة اللى فاتت لما إستقال من القناة المشبوهة بطريقة عادية بسبب برضه شلبية ويونس
ووقتها أشاعوا إقالته من القناة
وحتى لما دعبس باس إيده علشان يرجع .. قالوا ده هو اللى حفى علشان يرجعوه
فكان لازم المرة دى تكون الإستقالة على الهواء مباشرة خرسا للألسن

طبعا فهمتى كدة اللى حصل يا سالى
وأحب أعرفك إن سبب المشكلة فى الأساس
إن علاء صادق تجرأ وكشف جهل شلبية وجميع أعضاء إتحاد الكوسة على الهواء
لما قالوا إن هدفين يصعدوا بمصر لكأس العالم
وإتضح إن مافيش ولا واحد فيهم قرأ اللايحة .. وماحدش قراها فى مصر كلها غير علاء صادق
فكان جزاؤه منتهى السفالة وقلة الأدب من شلبية ووصلة ردح ماتطلعش من حوش بردق

نورتوا التوبيك بزيارتكم الجميلة أحبابى
ملكة المنتدى رباب .. وكبير العيلة أبو العسولة .. وأجدع أهلاوية سوكا

انا عارفه موضوع الاهداف بتاع المنتخب
وللاسف شلبى وزاهر طلعوا حمير مع الاعتذار للحمار
بس بجد شلبى ومعروف ودعبس دول عالم زباله وقناه زباله
انا كنت بس بشوف القناه دى علشان خاطر علاء صادق والخطيب
والحمد لله الاتنين مشوا منها

فعلا يا سوكا .. ماظنش بقى فيه سبب تانى يدعونا لمشاهدة القناة دى
وبإذن الله تقفل زى مودرن2 ماقفلت

sherifalwakkad كتب:: يا رباب مش معاكى .. ماينفعش نعمم .. علاء صادق مافيش وجه للمقارنة بينه وبين شلبى
حتى لو كان له أخطاء فمافيش حد كامل
لكن أخلاقياته ومصداقيته ماعليهاش خلاف
بعكس "خالتى بمبة" على رأى شبانة الآكل على كل الموائد (وهى نقطة الإتفاق بينه وبين معلوف)

أنا شفت بنفسى حلقة الردح اللى عملتها شلبية يا شاذلى
فرش ملاية على الهواء وشئ مقزز لأقصى درجة
وطبعا توقعت رد د.علاء بقوة .. لكن ماتوقعتش يكون قلم سخن للدرجة دى
ولما فكرت فيها إفتكرت المرة اللى فاتت لما إستقال من القناة المشبوهة بطريقة عادية بسبب برضه شلبية ويونس
ووقتها أشاعوا إقالته من القناة
وحتى لما دعبس باس إيده علشان يرجع .. قالوا ده هو اللى حفى علشان يرجعوه
فكان لازم المرة دى تكون الإستقالة على الهواء مباشرة خرسا للألسن

طبعا فهمتى كدة اللى حصل يا سالى
وأحب أعرفك إن سبب المشكلة فى الأساس
إن علاء صادق تجرأ وكشف جهل شلبية وجميع أعضاء إتحاد الكوسة على الهواء
لما قالوا إن هدفين يصعدوا بمصر لكأس العالم
وإتضح إن مافيش ولا واحد فيهم قرأ اللايحة .. وماحدش قراها فى مصر كلها غير علاء صادق
فكان جزاؤه منتهى السفالة وقلة الأدب من شلبية ووصلة ردح ماتطلعش من حوش بردق

نورتوا التوبيك بزيارتكم الجميلة أحبابى
ملكة المنتدى رباب .. وكبير العيلة أبو العسولة .. وأجدع أهلاوية سوكا

معلش يا مايسترو هأختلف معاك شويه
في البدايه أنا مش بأساوي علاء صادق بشلبي
لأن علاء صادق صحفي شاطر وموسوعه رياضه وله كتب رياضيه بيتقال أنها كويسه_ماقريتهاش بصراحه- فنقدر نتكلم عليه كإعلامي نوافقه أو نخالفه
لكن شلبي والاسكافي وأبو عايق وبندق وأبو بجامه وغيرهم دول أقل من الكلام عنهم ...ممكن بس نضحك عليهم

لكن علاء صادق له أخطاء كتيره قوي تخليني اتحفظ علي حكايه مصداقيته وأخلاقه
مثلا اقرب حاجه في السنه اللي فاتت الحمله الطويله العريضه اللي عملها علي مجلس اداره الأهلي وجهاز تنس الطاوله وعلاء مشرف
حلقات وحلقات من الشتيمه والإهانه وأنهم بيتقبلوا رشاوي ومتواطئين وكلام يودي في داهيه وبمجرد ما ردوا عليه في مجله النادي أنه بيعمل كل ده لمصلحه خاصه ببنت أخته اللاعبه في النادي في تنس الطاوله بلع كلامه ومعلقش ولا كأنه مصدعنا شهر عن مخالفات وتجاوزات وفضايح
ازاي بعد واقعه زي دي أثق في مصداقيته...علي فكره فيه غيرها كتير ومن زمان من أيام ما كان ماسك مجله نادي الاسماعيلي
طيب استضافته وكلامه مع رئيس الاتحاد الجزائري وانه يقول له مبروك التأهل ومدربنا فاشل واتحادنا فاشل
ويا ريت محدش يقول لي شحاته وحش ومستوانا مش كويس...مفيش حاجه تبرر اللي قاله وتخيلوا لو ده الأهلي وفي منافسه علي بطوله ومهما كان موقفه أو مستواه أو مدربه وطلع أكتر واحد أهلاوي في الدنيا وقال الكلمتين دول...هايكون موقفنا منه ايه
شمت الجزائريين فينا
شتيمته للحكام وصحيح اننا قرفانين منهم لكن نتخيل كده موقف أولادهم وهم شايفين واحد بيقول علي أبائهم صرصار وحشره ..انقد زي ما تحب قول سئ قول ما يصلحش...لكن احترم أدميه الناس وصورتهم قدام أهلهم
نفس الأسلوب في شتيمه مجلس اداره الأهلي وحسن حمدي بالاسم برضه شتيمه من نوعيه الفشله النايمين علي ودانهم وطبعا تغيير الكلام ده بعد يومين والله أعلم بالأسباب
موضوع خناقته مع شلبي نفسها هو مكنش فيها مثال الأخلاق لأنه هو كمان شرشح لشلبي علي الحياه والمحور والنيل سبورت وقال عليه الغراب المتصابي واللي صابغ شعره والجاهل وغيره
يعني هو كمان فرش الملايه بس جايز ملايته أصغر من ملايه شلبي..فرق كفاءه في الردح مش أكتر
بعد الأمثله دي وغيرها كتير ومن زمان اسمحلي اتحفظ شويه علي حكايه أخلاقه
اعذرني بس بما اني غاويه راديو ومتبعه من سنين للشباب والرياضه عايزه أقول لك ان من يوم ما كان هو اللي بيقدم تحليل ماتشات الدوري من حوالي 3 سنين وأنا واخده منه موقف ولا يمكن أثق تاني لا في أخلاقه ولا مصداقيته

أسفع علي التطويل....بس ساعات بأحب أرغي

معاكى حق يارباب
هو فعلا جه عليه وقت كان بيتكلم باسلوب وحش على اداره الاهلى
بس دا مش يمنع انه على الاقل احسن الوحشين
المهم سيبك منهم
وياااااارب احنا نكسب النهارده

الحمد لله كسبنا
يشكروا انهم كانوا شايفين بعض
احنا بقي خلاص لا شايفين ولا بنتنفس
ادعوا لنا أحسن بنشطب خلاص

» علاء صادق: إيدي ماييه أدار مباراة القمة لصالح
» مشرف يقاضى علاء صادق
» علاء صادق : الحكم تعجل بعصبية فى طرد فرانسيس
» علاء صادق يفتح النار ويؤكد: الأهلي يتعرض لعملية تدمير مدروسة
» علاء صادق يتهم شحاته بمسانده -الهارب - الحضري