الحضرى يطلب "الصفح والغفران"...في المشمش

الحضرى يطلب "الصفح والغفران" .. ويؤكد إقامته لدعوة قضائية ضد جوزيه!

بدأ عصام الحضرى حديثه فى برنامج "بالمصرى" على شاشة On TV بتقديم اعتذار إلى الكابتن حسن حمدى رئيس النادى الأهلى ونائبه الكابتن محمود الخطيب قائلا بالنص:" أبنكو غلط وبيطلب الغفران."

[ندعوك للتسجيل في المنتدى أو التعريف بنفسك لمعاينة هذه الصورة]

أكد عصام الحضرى حارس مرمى المنتخب المصرى وفريق سيون السويسرى أنه بصدد رفع دعوى قضائية على مانويل جوزيه مدربه السابق بالنادى الاهلى، بعد وصف الاخير للحضرى بأنه قادر على بيع أهله مقابل المال فى حواره مع جريدة سوبر الاماراتية.

وأشار الحضرى إلى أن عدم استمراراه ضمن صفوف الأهلى كان بسبب وجود المدير الفنى البرتغالى للفريق مانويل جوزيه ،والذى رفض الحضرى مجرد ذكر أسمه.

أضاف الحارس المصرى أنه سيحصل على ما يقرب من 15 يوما للراحة سيقضيها خارج مصر ما بين بعض الدول الخليجية والأوروبية ثم سيعود إلي مصر في منتصف الشهر ليحسم ملف النادي الذي سيلعب له في الموسم القادم."

وأكد عصام الحضرى على أنه فى حالة عودته مجددا للنادى الأهلى فسوف يفنى عمره فى خدمة النادى معلنا أنه أخطئ مرة ولن يكرر خطأه مرة ثانية.

وأنهى الحضرى حديثه معتذرا للمرة الألف – على حد قول مذيعة البرنامج- للكابتن حسن حمدى والكابتن محمود الخطيب متمنيا أن يتم الصفح عنه ليعود مجددا إلى بيته الذى يعترف بأنه صاحب الفضل بعد الله سبحانه وتعالى فى صنع أسم الحضرى وشهرته. الحارس المصرى أنه سيحصل على ما يقرب من 15 يوما للراحة سيقضيها خارج مصر ما بين بعض الدول الخليجية والأوروبية ثم سيعود إلي مصر في منتصف الشهر ليحسم ملف النادي الذي سيلعب له في الموسم القادم."

وأكد عصام الحضرى على أنه فى حالة عودته مجددا للنادى الأهلى فسوف يفنى عمره فى خدمة النادى معلنا أنه أخطئ مرة ولن يكرر خطأه مرة ثانية.

وأنهى الحضرى حديثه معتذرا للمرة الألف – على حد قول مذيعة البرنامج- للكابتن حسن حمدى والكابتن محمود الخطيب متمنيا أن يتم الصفح عنه ليعود مجددا إلى بيته الذى يعترف بأنه صاحب الفضل بعد الله سبحانه وتعالى فى صنع أسم الحضرى وشهرته.

اعتذارات فى كل القنوات و الجرائد
و مع ذلك
لا رجوع

أضاف الحارس المصرى أنه سيحصل على ما يقرب من 15 يوما للراحة سيقضيها خارج مصر ما بين بعض الدول الخليجية والأوروبية

المعتذر بيدور على نادى يلمه و بيعمل فيلم

قبله اعتذر ابراهيم سعيد و غلطاته كان ممكن تغتفر

الى يخون مره يخون الف
وجوزيه مش غلط لما قال عليه كدا
وبعدين دا مكنش قصده زى ما فهم الزفت دا
وان شاء الله مش هيرجع تانى

معلهش ياجماعة هختلف معاكم انا واثق مليون المية ان كلامه دا كله بسبب انه وقع في نادي صغير ومعرفش يحترف في نادي اكبر زي ما كان متخيل وانه عرف انه لازم يرجع مصر وطبعا هو عارف انه مفيش زي الاهلي في مصر وافريقيا كلها عشان كدا بيعمل المستحيل عشان يرجع الاهلي حتى انه طنش عرض الاسماعيلي رغم انهم هيموتوا عليه من الاخر هو راجع عشان مصلحته في الاهلي وبس ودا اللي هو متاكد منه مش عشان اي شي تاني لا حب الاهلي ولا جماهيره ، لكن مع كل دا لما نفكر بالعقل احنا كمان ونفكر في مصلحة الاهلي الاهلي بيمر بمرحلة احلال وتجديد وواضح كدا ان الفريق بيعاني فصراحة مع وجود واحد زي الحضري اللي على راي جوزيه انسان خائن ولكنه احسن حارس مرمى فاعتقد انا لاهلي محتاجه ولو لموسم واحد على بس ما الفريق يتبني من جديد ويقف على رجليه ويكون فيه دفاع قوي يقدر يحمي مرمى الاهلي

امير ورمزي مبشرين لكن ما نقدرش نعتمد عليهم في الوقت الحالي خاصة في ظل خط دفاع ضعيف ، فانا مش شايف فيها اي حاجة ان الاهلي يفكر هو كمان في مصلحته بعيد عن اي عواطف

إسمحلى أنا كمان أختلف معاك يا وائل
رغم وجاهة الفكرة وتماشيها نظريا مع عالم الإحتراف
لكن عمليا ماينفعش
أولا مستحيل جمهور الأهلى هاينسى اللى حصل وده هايعمل شق لصفوف الجماهير ويفقد الأهلى أقوى أسلحته
ثانيا .. كان اولى سامحنا حسام وإبراهيم حسن .. أو إبراهيم سعيد اللى كنا محتاجينه أشد من الحضرى
ثالثا .. لو رجع مش هانقدر نسيطر على الفريق وكل يوم ممكن حد يكرر عملته وهو عارف إن الناس طيبة وهاتغفرله
رابعا .. ماينفعش يرجع فى نفس السنة اللى مشى فيها جوزيه وشادى محمد
زى مانكون بنعترف إنهم غلطانين وهو مظلوم
خامسا .. هل يستحق حارس عمره 37 سنة (مواليد يناير 73) التضحية بمبادئ النادى الأهلى
سادسا وأخيرا .. أقسم بالله أننى لم ألحظ أى مستوى مميز له مؤخرا (يمكن العيب فى النظارة)
ماتش الجزائر يتحمل مسئولية هدفين ويشارك فى الثالث
ماتش البرازيل مسئول عن هدفين برضه
ماتش زامبيا مسئولية الهدف العرضى (مشكلته القديمة فى العرضيات اللى كانت عنده زمان رجعت تانى)
وحتى ماتش إيطاليا ماشفتش حظ زى ده فى حياتى
مهاجمين إيطاليا كانوا بيشوطوا فيه
فهل مبرر رجوعه هو تالقه (الزائف) فى مباراة واحدة من آخر خمس مباريات
وامامه دفاع منتخب مصر وخط وسطه بالكامل
نحن لم نغفر لأمير عبد الحميد ماتش بتروجت حتى اليوم
وعلى نفس المبدأ .. فتألقه الرائع فى مباراة جالطا سراى يكفى ليكون حارس مصر الأول الفترة القادمة
مشكورة خبيرتنا الجميلة للمتابعة ومشكورين أحبابى للحوار الثرى
وآسف للإطالة

انا كنت عيزة يرجع بصراحة بس المايسترو بجد حلل الموضوع صح اصلا متش ايطاليا ده كان كلة حظظظظظظظظظظظظظ ودعاء والدين وخطة الاهلي وفكر جوزية يعني من الاخر شحاتة ده ابن محظوظة
واظن ان امير ورمزي وعبد المنعم قادرين اووووووووووووي انهم يشيلوا الاهلي كويس جدا

معلهش ياشريف هختلف معاك رغم تحليلم الرائع

لكن مين قال ان عدم الموافقة على رجوع حسام وابراهيم كان صح افتكر الاهلي خسر قد ايه لما مشيوا وشوف الزمالك كسب قد ايه لما اخدهم ، بص ياشريف انا صراحة بعد موضوع لقب القرن اللي كاد يروح من الاهلي رغم انجازاته الرهيبة بسبب قرار اداري خطا وانا عندي عقدة من موضوع المبادي والاخلاق والكلام ده ، الصح ان اللي يفيدك ويكسب الفريق تعمله ايا كان
ثم فعلا لازم نعترف ان عندنا مشكلة كبيرة في مركز حراس المرمى والكلام دا مش كلامي لوحدي اسمع كلام حسن حمدي امبارح في البيت بيتك هو نفسه اقر بدا واقر انه عشان يجيب حرسا من الفئة أ محتاجين فلوس كتير والنادي مش هيقدر عليها فيبقى ايه المشكلة ييجي الحضري وهو هيقبل باي مبلغ ويحرس مرمى الاهلي لمدة سنة على مالفريق يجمد شوية ونعرف له خطة وخط دفاع ومفيش مانع امير او رمزي يقف معاه في المباريات السهلة يكتسب خبرة براحته

كمان سن الحضري بالنسبة لحراس المرمى مش كبير ومش من ماتش بحكم عليه الناس كلها بتشهد له انه احسن حارس في افريقيا حاليا انا عارف ان اخلاقه زي الزفت وانه اسوا لاعب لكن كل دا ممنعش جوزيه يحكم عليه انه احسن حارس مرمى عشان كدا رغم كل مسائوه كان جوزيه بيشركه اساسي لانه رجل محترف وعارف ان في النهاية مكسب الفريق هو الاهم
فليه مسنتفدش منه خصوصا واحنا السبب في تالقه وليه نتركه غيرنا زي الاسماعيلي يستفيد منه خصوصا واحنا محتاجينه

ياجماعة لازم نعترف ان الاهلي بيمر بمرحلة تغيير جلد ودي مرحلة مش سهلة ابدا ومش ناقصة انك كمان تدخل المرحلة دي ومش معاك لعيبة قادرة تشيل الفريق في الفترة دي

تحياتي واسف للاطالة واحترامي لارائكم

أنا مختلفه معاك يا وائل لو سمحت لي
جايز يكون كلامك صح في موضوع حسام وابراهيم لكن لا حسام ولا ابراهيم ولا حتي ابراهيم سعيد عملوا اللي عمله الحضري
الحضري الأول في اللي عمله ولازم يكون الأخير ولو ما تعاقبش عقاب كافي علي عملته هاتبقي مصيبه
خليك مكان أي لاعب تاني واوزنها:قدامه لاعب سافر قعد في سويسرا سنه ونص واخد فلوس وشهره وكان ممكن تمشي معاه ويروح نادي أحسن وفلوس أكتر ولما زنقت معاه رجع تاني لناديه الكبير ويا دار ما دخلك شر...يبقي ليه ما يعملوش زيه وأهي الناس بتنسي وتسامح
الحضري ما هربش وبس الحضري أهان النادي وشتمه وادعي عليه بالباطل في أوراق رسميه وحاول يضحك علي الكل ولاخر لحظه بيظهر في أي برنامج يهين النادي وقياداته زي ما عمل مع القيعي وكل ده المفروض ننساه لمجرد انه طالع يعيط لنا
طيب نضمن منين انها مش لعبه جديده؟؟؟وهايعيد اللي عمله من الاول بعد ما الأهلي يتنازل عن قضيته مثلا
احنا فعلا في مرحله صعبه ومحتاجين لاي لاعب مستواه متميز لكن أنا شخصيا أفضل أصبر علي فريقي اللي من اكتر الحاجات اللي بحبها فيه هي حكايه الأخلاق والمبادئ دي

بص يا وائل انت قولت كلمه بصراحه مش عجبتنى جدا
عندي عقدة من موضوع المبادي والاخلاق والكلام ده ، الصح ان اللي يفيدك ويكسب الفريق تعمله ايا كان
مينفعش انا الى اعرفه ان الرياضة اخلاق وقيم ومبادىء قبل اى حاجه
واللى الحضرى عمله استحاله يخلى حد يسامحه ويغفر له الى عمله
وبصراحه مش ينفع ان حد يغلط ويشتم وفى الاخر نسامحه
انا معاك ان ربنا بيسامح بس الى زى الحضرى استحاله يكون انسان محترم
واحنا طول عمرنا عارفين انه بيحب الفلوس بس انه يبيع النادى الى عمله بعد ربنا سبحانه وتعالى
دى تبقى نداله
عامه انا عارفه انك اهلاوى ومش هترضى ابدا ان يبقى موجود فى الاهلى لاعب مش محترم
وان شاء الله الحضرى يفضل كدا ومش يلعب فى اى نادى تانى ابدا
وانا معاك ان الاهلى محتاج حارس مرمى بس اعتقد اننا زى ما استحملنا الحضرى ومصايبه نستحمل امير ورمزى وان شاء الله يكونوا كويسين واعتقد انهم يعنى مش وحشين قوى للدرجه دى
بس فى النهايه الاهلى مش بيقف على لاعب مهما كان هو مين
وانا مستعده اخسر بطولات وماتشات بس احافظ على مبادىء واخلاقى واحترام الناس واحترام نفسى
والاهلى فوق الجميع
ومتزعلش يا وائل لو كنت قولت كلمه ولا حاجه ضايقتك من غير ما اخد بالى

شكرا لمروركم وللمناقشه الجميله

» كاظمة "سماكة" يطلب مشاركة فتحي أمام برشلونة
» الأهلى يرسل فاكساً رسمياً الى حرس الحدود يطلب فيه ضم "أوكا"
» الأهلي يطلب من جماهيره "كرم ضيافة" الاتحاد .. وإقب
» الأهلي يرحل الآن فقط من الإسماعيلية "سابقا" وغزة "حاليا"
» المقاولون يطلب عودة رامى عادل مجدداً لقطيع "ذئاب الجبل"