البدرى : ندرس منح ابو تريكة شارة " الكابتن "

البدرى : ندرس منح ابو تريكة شارة " الكابتن "

اكد حسام البدرى المدرب العام و مدير الكرة بالنادى الاهلى ان الاهلى له تقاليد خاصة فيما يخص شارة الكابتن و النظام القائم داخل الفريق حاليا يقضي بمنح شارة الكابتن إلي أقدم اللاعبين .

قال البدرى فى تصريحات خاصة لــkorabia.com انه فى حالة عرض اسم ابو تريكة من قبل الاعبين سيقوم بدوره بعرض الامر على لجنة الكرة خصوصاًوأن هناك مميزات تضع محمد أبو تريكة علي قائمة المرشحين لحمل شارة الكابتن بعيداً عن الأقدمية فهو يمتلك مقومات القيادة داخل وخارج الملعب ومحبوب من جميع زملائه ومتعاون وهو ما سيسهل من مهمته كثيرا.

و اوضخ ان ابو تريكة قدم الكثير للنادى الاهلى طيلة فترة تواجده و سطر اسمه بحروف من ذهب فى تاريخ الكرة المصرية و كذلك هناك محمد بركات و وائل جمعة

أبوتريكه لا خلاف علي اخلاقه وموهبته
ويستحق يبقي كابتن النادي الأهلي ويبقي تاريخه فيه اللقب ده
بس بصراحه مش باحس انه قائد(قبل ما حد يزعق لي :باحس انه طيب وهادي ازيد من اللازم واكتر من المطلوب في قائد مجموعه)
عكس اللي باشوفه في أحمد حسن مثلا
المهم ان ده ما يعملش مشاكل في الفريق

حقه طبعا وأقل من حقه كمان
أنا موافقه جدااااااااااااااااااااااا
وبعدين يا رباب يمكن هو هادي ومبيدخلش في حاجه عشان محدش يزعل منه
ويبقي بيتجاوز حدوده
لكن هو لاعب محبوب من الفرقه كلها
ولو بقي الكابتن هيبقي حافز ليه انشاء الله انه يرجع لمستواه الحقيقي
ابو تريكه وبركات يقدرو يدو سنتين او تلاته كمان انشاء الله

أبو تريكه خجول وده مش من الصفات المطلوبه في القائد
قائد يعني يبقي عنده القدره علي التوجيه للمجموعه والتأثير فيها والكلام باسمها
لازم يكون حازم وجرئ
أنا مش ضد أبو تريكه طبعا...............حاشا وماشا
جايز فعلا تكون شخصيته الحقيقيه مالقيتش الفرصه تظهر
أنا بس بأحكم من اللي شايفاه

هو فى رايى الأفضل حاليا
بركات بيهزر كتير وأحمد حسن لسة جديد وماقدمش اللى يستحق عليه الشارة
نورتوا التوبيك بزيارتكم الجميلة وآرائكم الواعية
الأختين الحلوين .. رباب ورانيا

انا مع رباب (من غير ضرب) تريكه ممكن يكون كابتن روحى للفرقه يعنى هو من غير ما يكون كابتن و لا حاجه و فى وجود شادى لما بيحس بهبوط المستوى بيعزم الفرقه عنده و بيتكلم معاهم و هما بيسمعوا كلامه علشان فعلا بيحبوه بس اللى خايف منه لما يحسوا انه مفروض عليهم الحقد و الحسد يشتغلوا من رأيى ان وائل يستحق بعض التكريم و أحمد حسن (مع اعتراضى على الفكره) هو اللى هايفرق معاه موضوع الشاره ده فى الاداء و العطاء

انا شايفه بقى ان تريكه كويس ويستحق اكتر من كدا
بس الى لازم ياخدها هو وائل جمعه
وعلى فكره انا بحب تريكه جدااااااااااااااااااا
ولو جمعه مش موجود فى الملعب يبقى تريكه

أعتقد يا جماعة ان ابناء النادى همة الأحق بيها
انتو ناسيين اسامة حسنى و أحمد السيد و لا ايه
و لو مش ولا واحد من دول يبقى مفروض وائل جمعة لأنه أقدم لاعب فى الفريق الحالى
ابوتريكة ينفع يبقى قائد روحى للفريق و أحمد حسن قائد ميدانى فى الزنقات
ياريت التفكير يبقى فى الاتجاه ده عشان الحساسيات بين اللاعبين

» محمد فضل : شارة الكابتن من حق وائل جمعة رغم أنى الأقدم
» اتصال هاتفى من جوزيه وصديق يرتدى شارة الكابتن !
» جوزيه يهدد بسحب شارة «الكابتن» من شادى محمد
» خاص : أبوتريكة يرفض شارة " كابتن " الأهلى !
» لجنة الكرة تكلف البدرى بإنهاء ملف تجديد "الصخرة"!