وجيه أحمد : هدف كانو بيلارز الأول من تسلل واضح وهو نقطة تحول اللقاء !

وجيه أحمد : هدف كانو بيلارز الأول من تسلل واضح وهو نقطة تحول اللقاء !

صرح الحكم الدولي وجيه أحمد بأن الهدف الأول الذى أحرزه فريق كانو بيلارز فى الدقيقة الخامسة من بداية الشوط الثاني كان من تسلل واضح وهو خطأ فادح للحكم على حد تعبيره وكان نقطة تحول فى أحداث اللقاء الهام والذي أسفر عن خروج الاهلى من بطولة رابطة الأبطال الأفريقية.

وقال الحكم الدولي فى تصريحات تلفزيونية عقب اللقاء بأن الهدف جاء من تسلل واضح لأن وقت خروج الكرة من لاعب كانو بيلارز الذى سدد الكرة ليتصدى لها حارس الاهلى رمزي صالح ثم تذهب إلى مهاجم أخر والذي كان فى وموقف متسلل وقت خروج الكرة من زميله !

وأضاف بأن قانون اللعبة يوضح أن موقف اللاعب كان متسللا لأن التسلل يحتسب من وقت خروج الكرة من زميله وليس من وقت ارتدادها من حارس الاهلى رمزي صالح وهو خطأ فادح وقع فيه الحكم ليغير سير أحداث اللقاء تماما.

الجدير بالذكر أن الأهلي قد ودع مبكرا بطولة رابطة الأبطال الأفريقية بعد تعادله مع فريق كانو بيلارز النيجيري بهدفين لكل فريق بعد أن انتهت مباراة الذهاب بهدف لكل فريق ليخرج الاهلى بسبب قاعدة الهدف خارج الأرض بهدفين.

هدف من تسلل .. وضربة جزاء لفتحى .. وضربة حرة من داخل المنطقة على الحارس
وترك الحبل على الغارب للاعبى كانو لتمويت المباراة
وده برضه كان كلام كل المحللين وعلى راسهم محمد حسام
ويرجعوا بعد كده يقولوا التحكيم مالوش دعوة

لكن حتى لو كانوا إتحسبوا ماكانوش دخلوا .. اللى كان بيحصل إمبارح شئ غير طبيعى
"وعسى أن تكرهوا شيئا وهو خير لكم"
مشكورة للمتابعة أم الأمامير الغالية

لا يا شريف الغريب امبارح كان فى عدم انسجام اللعيبه مع بعض يا اما كانوا يدخلوا على الكوره مع بعض يا يسيبوها لبعض بالذات أحمد حسن و فلافيو

عموما الحمد لله على كل شيئ

معاك يا زعيم .. وأظن فلافيو كان بيشتكى لجوزيه من النقطة دى بالذات
أحمد حسن مش مقتنع بدوره وعايز يعمل كل حاجة لوحده .. حتى الأهداف
ولوحده مضيع أكتر من نص الفرص إمبارح
لكن برضه فلافيو والسيد وإينو وبركات وتريكة والعجيزى وفتحى .. كلهم جالهم فرص
وضاعوا بمنتهى الغرابه
الموضوع كان أكبر من مجرد عدم إنسجام

الموضوع بكل بساطة ان الفريق من تلات او اربع سنين كان فريق مرعب لان مكناش بنسمع عن مشاكل بين اللعيبة ولا لعيب متضايق انه قاعد على الدكة ولا لعيب بيتخانق مع مدربه وبيشتم فيه فى الاعلام..ودا فى حد ذاته ممكن يضيع اى فريق وقدامنا مثال فريق الزمالك لما شالوا اللعيبة اللى بتعمل مشاكل وكل همها مصلحتها الشخصية الفريق حاله انعدل شوية.

يا جماعة انا شايف ان الفريق كان كويس فى الماتش و كان فيه جمل تكتيكية من زمان مش اتلعبت مع بعض الدربكة فى اللعب
لكن انا حاسس ان فيه حالة نحس غريبة
حوالى 4 أهداف مؤكدة فى الشوط الأول و أكتر من 6 أهداف مؤكدة فى الشوط الثانى
بقترح ندبح عجل فى تدريب الفريق و يتوزع على فقراء الأهلاوية عسى ان يفك الكرب من الله

لو كنا كويسين بجد مكنش الكلام ده فرق معانا
الموضوع مش انسجام ولا نحس
الموضوع ان فيه حاجه غلط ومن فتره طويله لكن كان فيه مكابره
فكان لازم تيجي حاجه جامده تفوق المسئولين وتفوقنا
علشان كده باقول ان ده خير من ربنا علينا
وان شاء الله نفوق فعلا ونصلح الاخطاء

» وجيه أحمد : هدف المصري الثاني من تسلل واضح
» مسؤول في كانو بيلارز: لسنا خائفين من الأهلي
» كانو بيلارز النيجيرى يتأهل لملاقاة الأهلى فى دور الـ 16 لدورى الأبطال الأفريقى
» رسميا : كانو بيلارز النيجيرى يحدد يوم 18 أبريل لمواجهة الأهلى والقمة المصرية فى
» خلينا فى أفريقيا : الأهلي يعلن قائمته لمواجهة كانو بيلارز بدوري أبطال إفريقيا