بعد اعتراض عدد كبير من اعضاء الأهلي .. مجلس الادارة يلغى التعاقد مع هيفاء وهبى

بعد اعتراض عدد كبير من اعضاء الأهلي .. مجلس الادارة يقوم بإلغاء التعاقد مع هيفاء وهبي

اثار خبر التعاقد مع هيفاء وهبي من اجل احياء حفل الربيع في الأهلي وهو الخبر الذي انفرد به الموقع يوم أمس ونشرته بعض الجرائد اليوميه صباح اليوم حالة من الاستياء الشديد بين اعضاء النادي الاهلي بسبب اعتراضهم الشديد على تواجد هيفاء وهبي في النادي الاهلي واحياء حفلة الربيع في سابقة هي الاولى داخل الجزيره... وهو الامر الذي جعل بعض اعضاء مجلس الادارة يشعرون بحالة من الاستياء لأنهم لم يعلموا بخبر التعاقد مع المطربه اللبنانية سوى من الجرائد صباح اليوم.

وبالفعل علم El-Ahly.com ان بعض اعضاء مجلس ادارة الاهلي قد قاموا بالاتصال بالكابتن حسن حمدي وابلغوه استياء شديد في النادي وبين الاعضاء من قرار التعاقد مع المطربه .. الطريف في الامر ان رئيس النادي ايضا لم يكن يعرف بخبر التعاقد مع المطربة... وبالفعل توجه حسن حمدي صباح اليوم الى النادي وعقد اجتماع باللجنة المسئولة عن حفل الربيع ووجه لهم اللوم الشديد واصدر اوامره بعدم تفعيل التعاقد مع المطربه والغاءه على الفور والاكتفاء بخالد سليم وحمادة هلال ورامي صبري وتعميم الخبر في جميع الجرائد بأن من سيحي حفل الربيع في الاهلي هم هؤلاء المطربين فقط.

الجدير بالذكر ان حفلة هذا العام سوف تعتبر الحفلة الاولى التي تقام في النادي بدون اي نجم كبير في الحفلة حيث سبق لمحمد منير واليسا ان قاموا باحياء حفلة الربيع في الاعوام السابقة... وسوف تقوم قناة الاهلي بإذاعة الحفلة على الهواء مباشرة.

ايوه كدا هو دا الكلام الصح
الرجال فقط
هههههههههههههههههههههههه

وضاعت السبوبه يا هيفا
علشان فلوسنا حلال ما راحتش للفنانه العظيمه دي
كويس جدا اللي عمله حسن حمدي ده برافو عليه

معلش بقى يا هيفا
خيرها ف غيرها .. فرصة تانية
نورتوا التوبيك بمروركم الجميل وردودكم الأجمل
الغيورة سوكا .. الخبيرة رباب

فرصه تانيه بس مش معانا احنا خااااااااااالص

كانو يخلوها
دنا كنت هروح انا وبنات صحابى
وكمان هى فاضية بتحضر لفرحها
الى هيحيية عمرو دياب

كنت بحسب التعاقد اتلغى عشان الأعضاء رافضين ان شخصية زى دى تدخل النادى بمبلغ زى ده
و كفاية انها هتنجس النادى بلبسها الفاضح و اغانيا المسفة
و عموماً 50 ألف دولار اتوفروا مفروض يوزعوهم على الغلابة أحسن

لية انا كان نفسي اشوفها وهي بتقع اصلها لازم تقع في كل حفلة وانا اقعد اضحك عليها كل ما اعرف يلا احسن خسارة في شكلها اصلا

اتقوا الله يا إدارة الأهلي.... واحدة زي دي دخولها النادي تدنيس للنادي و تكريم لشخصية لا تستحق إلا كل الإحتقار

عاجبكوا كده
ممكن تكون القطه زعلت مننا
ومحدش يقدر علي زعل هيفاء

خلاص سا سوكا ماتقلقيش .. مش جاية
معلش يا أيمن متعوضة .. إبقى روح حفلة لها فى أى مكان تانى
ماهو الأعضاء هم اللى رفضوا برضه يا شاذلى .. وماتفتكرش البديل هاياخد أقل كتير
عسل ملحوظة الوقوع دى يا نوران
وحشتنى ردودك القوية يا حكيم
على رأيك يا طاطا .. دى مين يجيله قلب يزعلها دى .. هههههههههههه

نورتوا التوبيك يا أحلى أهلاوية .. أحلى من هيفا كمان

» عاجل :الأهلى يلغى التعاقد مع المغربى بن جلون ويقيد رسميا الجزائرى سعيود بدلا منه
» خاص لـEl-Ahly.com : مجلس الادارة يحفظ هيبته ويرضي جماهيره
» خاص : مجلس الادارة يعتمد اللائحة الجديدة بزيادة مكافآت الفوز
» مجلس الإدارة وحده صاحب قرار إذاعة المباريات، و إستياء كبير
» مش بس بنمضي لاعيبتهم لأ وكمان اعضاء مجلس ادارتهم