تحذير هام لكل عملاء فودافون !!!!

اخوانى و أخواتى أعضاء المنتدى الكرام وكمان اللى مش اعضاء المنتدى

بعد السلامات و التحيات إليكم هذا التحذير الهام
شركة فودافون عملت من فترة صغيرة عرض اسمه اصحاب بلس و كانت بتقول فى الإعلانات بتاعته انك تحدد أى 3 أرقام من أى شبكة أو حتى أرضى و هتكلمهم بـ 15 قرش يعنى ده أرخص سعر للدقيقة فى مصر
بما ان انا فودافون و كمان فى 4 أو 5 نمر بكلمهم بشكل شبه يومى أكثر من 5 إلى 10 دقايق فقلت أشترك و أحدد 3 نمر منهم و أخف شوية من إستهلاك الكروت و الرصيد
اتصلت بالرقم اللى همة حددوه عشان الاشتراك لاقيت العرض عبارة عن 3 فئات و همة
20 دقيقة بـ 3 جنيه شهرياً
40 دقيقة بـ 6 جنيه شهرياً
60 دقيقة بـ 9 جنيه شهرياً
طبعاً لحد دلوقتى الكلام منطقى و بحسبة بسيطة كدا 300 قرش ÷ 20 دقيقة = 15 قرش للدقيقة و 600 قرش ÷ 40 دقيقة = 15 قرش للدقيقة و هكذا ......
أنا إشتركت مبدئياً فى باقة 40 دقيقة بـ 6 جنيه شهرياً و حددت الـ 3 أرقام و بعتولى رسالة تهنئة بالإشتراك فى الخاصية و رسالة تأكيد للـ 3 أرقام
إكتشفت بعدها على طول أنهم سحبوا 6 جنيه من رصيدى قلت كويس يبقى معنى كدا انهم بياخدوا حقهم مقدم كالعادة و هتكلم بعد كدا للـ 3 أرقام دول من غير أى تكلفة
و فوجئت بعدها إنهم بيحاسبونى على المكالمات للأرقام دى بـ 15 قرش للدقيقة يعنى كدا ضرب على القفا و لا عرض و لا حاجة و لا سعر الدقيقة 15 قرش و لا يحزنون و كدا يبقى حساب الدقيقة يعمل 30 قرش
بصراحة كنت عايز أتصل بخدمة العملاء و أبهدلهم على العرض الزبالة ده بس رجعت قلت همة مش ليهم ذنب لأن بتوع التسويق أكيد همة أصحاب الفكرة دى فقررت انى افضحهم على النت و أحذر الناس منهم
بالرغم من إعتراف بقوة شبكة فودافون و تغطيتها الواسعة لكن حقيقى الحركة دى نزلتهم أوى من نظرى
أنا مش هغير فودافون لكن لازم يعرفوا اننا مش شعب ساذج و لا أهبل و لا بينضحك علينا
عشان كدا لازم الموضوع ده ينتشر على كل المنتديات و المواقع عشان نفضحهم و نعرفهم قيمتهم و كفاية عليهم أوى المليارات اللى بيكسبوها من الهوا
أعتذر للإطالة

للاسف انا اشتركت فى العرض دا وللاسف هما فعلا زبالة وانا قررت خلاص اشغل الخط الاتصالات عشان عروضهم احسن بجد

انا عملت العرض بردوا بس يا شاذلي انا كان مرة معيش رصيد خالص وكلمت نمرة من النمر واتصلت عادي وقعدت اتكلم 6 دقائق !!!!

abdelrahmaaan كتب:

للاسف انا اشتركت فى العرض دا وللاسف هما فعلا زبالة وانا قررت خلاص اشغل الخط الاتصالات عشان عروضهم احسن بجد

ياريت يا عبد الرحمن ننشر الموضوع ده على كل المنتديات عشان رد الفعل يكون قوى

nano كتب:

انا عملت العرض بردوا بس يا شاذلي انا كان مرة معيش رصيد خالص وكلمت نمرة من النمر واتصلت عادي وقعدت اتكلم 6 دقائق !!!!

لا يا نوران اعتقد انك غلطانة جربى تانى و استعلمى عن رصيدك قبل و بعد و قوليلى

انا جربتها وفعلا سحبوا من الرصيد
واصحابى كمان عملوها وانسحب من رصيدهم
الظاهر ان موبينيل زباله وفودافون كمان زباله

طيب دي حركه نصب زي الفل في حركه نصب تانيه لنفس الشركه المحترمه بس حركه ملعوبه بجد
هم عاملين عرض في شهر ابريل ان بيوصل رساله لبعض العملاء تدعوهم للاشتراك في العرض ده
العرض ان اللي يشترك ويتكلم دقيقتين يعطوه اتنين مجانا ولو خمس دقايق يعطوه خمسه
بحد اقصي تلات مرات في اليوم وده لاي موبايل من اي شركه
المهم ان العميل بيتصل برقم ويسحبوا منه تمن ادخال الخدمه ويقولوا له مبروك انت كده مشترك وزي الفل
وبعدين لما يعمل مكالماته يلاقي ده كلام فارغ وما اشتركش في الخدمه ولا حاجه( وده حصل معايا ومع اتنين صاحباتي كمان)
بحجه انه مش من الارقام المحظوظه اللي هم اختاروها من الاول وبعتوا لها رساله
يعني عميل متطفل علي العرض ودخل من غير دعوه(ومش مهم انه خبط وهم قالوا له اتفضل)
واحده صاحبتي اتصلت بخدمه العملاء ولما اللي بترد عليها اتورطت وقالت لها أصلك ما وصلكيش رساله قالت لها طيب ليه قولتوا لي انت كده مشتركه بتضحكوا علي الناس يعني
طبعا اتلجلجت وقالت لها اسفه مضطره اصحح كلامي الموضوع ان كان فيه خطأ في نظام الخدمه علشان كده كان الرد ده بيتقال للكل وتم اصلاح الخطأ ده من ربع ساعه

فعلا يا شاذلي
طب حد يعرف نلغي الخدمة ازي

المفروض نشتكى فى جهاز الرقابه على الاتصالات انا علشان عميل قديم و المقالب دى اتعملت فيا كتييييييييييييييير مش باشترك فى اى عروض ليهم

يا جماعة عايزين نفضحهم
لازم نخاطب جهاز المراقبة على الاتصالات زى ما بيقول حازم
عايزين نسيحلهم عالنت كله من الآخر

وانا معاكم
انا كنت متخيله انها شركه محترمه
طلعت زباله زى موبينيل
البلد كلها زباله

إهدى شوية يا سوكا
أكيد فى 5% لسة مش زبالة

ولا حتى 1%
نفسى اغير كل حاجه فى بلدنا
انا جالى احباط
البلد بايظه فى كل حاجه
ولا سياسه ولا رياضه ولا ثقافه ولا اخلا قولا تدين ولا اى حاجه
مفي شغير نصب وسرقه ومصالح

طب مش عايزين نخرج من موضوعنا يا سوكا
يلا عايزين نشاط فى فضح شركة فودافون

أم نبيل وبس
نسيحلهم يا باشا
حد يستجرى ينصب على كبير العيلة
ياللا يا أهلاوية .. شدوا حيلكوا شوية

Admin كتب:: طب مش عايزين نخرج من موضوعنا يا سوكا
يلا عايزين نشاط فى فضح شركة فودافون

ما هو دا موضوعنا يا ادمين
هم مش فالحين فى اى حاجه
ولما جم علشان ينصبوا علينا
معرفوش
موضوعنا هو النصب ودا موجود فى كل مكان
الكوره والسياسه والتجاره والاقتصاد لحد ما وصلت لشركات الموبايل
يبقى هو دا موضوعنا ولا لاء؟؟؟؟؟؟؟؟؟؟

ماشى يا سوكا انا موافقك فى كل اللى بتقوليه ده
بس انا قصدى اننا نركز دلوقتى فى محاولة علاج الحالة اللى قدامنا و بعدين نبقى نناقش الموضوع الكبير
ممكن نعمل توبيك مخصوص لمناقشة النصب بكل أشكاله ألوانه فى كل قطاعات البلد

محاوله علاج
ههههههههههههههههههههههههههه
احنا بنحلم
احنا فى بلد كل الامراض الى فيها مزمنه ومفيش لها علاج

يسعنى ايه يا سوكا
مش هعرف اخرج من العرض و كل شهر هياخدوا من رصيدى 6 جنيه عافية

هههههههههههههههههههههههههههههههههههههه
مش عارفه بقى
انا لو منك اتصلبيهم واشتمهم
بس اكيد فى طريقه علشان تخرج من العرض الزباله دا

» الكول تون من فودافون متجدد باستمرار
» لجنة الكرة غاضبة من بلال والسبب.. فودافون!!
» فودافون تختار أبوتريكة سفيراً عن أعمالها الخيرية
» تحذير الرسول من مرض الجذام
» تحذير بجد مش هزار .....للاهمية