حسين على يجتمع بالقيعى ويطلب الرحيل رسمياً

حسين على يجتمع بالقيعى ويطلب الرحيل رسمياً

أخر تحديث فىالخميس 01, يناير 1970 , 02:00

كتبه : محمد يسري مرشد , فى الثلاثاء 10, مارس 2009 , 13:26

اجتمع صباح اليوم – الثلاثاء – لاعب وسط الأهلى حسين على والمهندس عدلى القيعى مدير لجنة التسويق والاستثمار بالنادى الأهلى وذلك على هامش المران الصباحى للاعبين المستبعدين عن قائمة مباراة الأوليمبى والذى أقيم فى التاسعة والنصف من صباح اليوم .

[ندعوك للتسجيل في المنتدى أو التعريف بنفسك لمعاينة هذه الصورة]

وعلم AhlyNews.com أن حسين على طلب رسمياً من المهندس عدلى القيعى الرحيل عن الأهلى بنهاية هذا الموسم وقدم اللاعب الغاضب للقيعى بعض العروض التى تلقها لاعب بتروجيت السابق والمنتقل فى بداية الموسم الجارى من النادى البترولى إلى الأهلى عقب منافسة شرسه مع الزمالك .

وطالب القيعى لاعب الوسط الشاب بالتحلى بالصبر وإنتظار الفرصة ولكن حسين على أكد للقيعى أنه حسم موقفه وأتخذ قراره النهائى بالرحيل عن النادى الأهلى عقب وصول العلاقة بينه وبين مانويل جوزيه المدير الفنى للفريق الأحمر إلى طريق مسدود .

الجدير بالذكر أن حسين على لايكف عن الإدلاء بالأحاديث الصحفية وهو ماتسبب فى إستبعاد اللاعب عن قائمة الفريق وخاصة فى الفترة الأخيرة ، وكان الكابتن حسام البدرى قد طالب اللاعب بالإمتناع عن الإحاديث الصحفية وهو نفس الأمر الذى طلبه البدرى من زميله حسين ياسر المحمدى و ألتزم به الأخير الذى كان يواجه نفس موقف على ليعود المحمدى إلى قائمة الفريق ويظل حسين على خارجها .

متابعة : صفوت عبد الحليم

بصراحة حقه يطلب يمشى ..وكمان انا اساسا بشوف ان حسين على دا اقل واحد بيرغى للصحافة شىء غريب فعلا لما هما مش عايزينه جابوه ليه والزمالك كان خلاص هايضمه ..بجد انا مش فاهم حاجة.

جابوه ليه ؟؟؟؟
اجابه السؤال ده واضحه جدا في حاله حسين علي بالتحديد
علشان ما يروحش الزمالك
المشكله انه فعلا ملوش مكان بصرف النظر عن مستواه
وبصراحه من ايام ما كان في بتروجيت مش باشوفه فلته
ربنا يوفقه في مكان تاني يلاقي فرصته فيه
شكرا لمرورك يا عبد الرحمن

لو دى بجد وجهة نظر الجهاز الفنى وادارة النادى انهم مش عايزينه يروح الزمالك يبقى دا شىء بجد حقير ومش محترم وماتبقاش منافسة شريفة ولو ان الزمالك بيعمل كدة كمان بس الموضوع كدة قلب بقى لعب عيال وحرب تعاقدات بدل ما نشوف مين اللى يفيد الفريق ونجيبه بقينا نشوف من اللى هايدعم المنافس ونجيبه عشان نضعف المنافسين.

انا مش لاقيه سبب تاني في حاله اللاعب ده بالذات
يعني كل لاعب تاني اتقال انهم جابوه للسبب ده ممكن نلاقي سبب او حجه
الا لاعب في المكان اللي مليان لاعيبه وسنهم صغير يعني حجه تقليل الاعمار ومستقبل الفريق مش هاتنفع حتي في الحاله دي
وفعلا الزمالك بيعمل كده ويمكن كمان هم اللي بدأوا
بس اهي بدأت تقلب علي دماغنا

السبب دلوقتي خلاص مبقاش مهم
دلوقتي هو لو عايز يمشي يبقي خلاص ده حقه ربنا يوفقه

مع السلامه و ربنا يوفقه و رأيى ان التعاقد معاه من الاول كان غلط

كده اجماع
يبقي ربنا يوفقك يا كابتن في اي فريق تاني
ما عدا في ماتش الأهلي

» أبو تريكة يجتمع بمانويل جوزيه ويطلب منه المشاركه
» خاص : مصطفى طلعت وعبد الرحمن ينتقلا رسمياً للأوليمبي .. والبلقاسي يوقع رسمياً
» حسن مصطفي يطلب الرحيل رسمياً من الأهلي
» خاص : حسين علي يقترب من التجديد رسمياً لبيتروجيت بعد زيادة ا
» حسين ياسر: لا أفكر مطلقاً في الرحيل .. واسئلوا النصر السعودي !