انا محتار ومحتاج مساعدتكم بسرعة

السلام عليكم

اخوانى بصراحة انا محتار وعاوزكم تساعدونى انا عاوز اجيب موبيل جديد بس فى حدود 500ج ومحتار فية ناس بتقولى جيب n82 كورى وناس تقولى الدمعة وناس 6630 وناس c250 ولانى معنديش اى خبرة فى الموبيل عاوز اعرف اعمل اية خايف اجيب الكورى يطلع زى الصينى الى نازل دة ويبوظ بسرعة ويضرب سماعة وسوفت وغيرة ممكن تفيدونى بس بسرعة ارجوكم وياريت حد يقولى العدة ومكوناتها اية وتمنها ....

والسلام عليكم

أظن لو تقدر تكمل عليهم حوالى 200 أو 300 جنيه كمان وتجيب N70 فنلندى يكون أفضل يا نجم
لكن لو ماينفعش برضه الدمعة من أقوى الأجهزة اللى نزلت فى النوكيا
وال6630 جميل وأثبت كفاءة
من رايى تبعد تماما عن الكورى وحتى الألمانى .. لو نوكيا يبقى فنلندى وبس
وفيه بعض أنواع الأريكسون رائعة وإمكانياتها كبيرة وسعرها كويس
كنت اتمنى أفيدك أكتر يا ستار
لكن من سنتين وأنا بعيد عن سوق الموبايل فمش قادر أقولك كلمة محددة 100%

فعلا يا ستار زى ما شريف قال لك ال6630 انا مجربه معايا بقاله 3 سنين زى الفل و كمان الدمعه من الاجهزه الكويسه جدا و اذا كان قصدك بالكورى الLG فهو ايضا جهاز كويس و نازل منه موديلات فيها امكانيات عاليه
و فيه توبيك فى القسم هنا فيه موقع ممكن تعرف منه امكانيات الموبايل و سعره التقريبى

hazemsoliman كتب:: فعلا يا ستار زى ما شريف قال لك ال6630 انا مجربه معايا بقاله 3 سنين زى الفل و كمان الدمعه من الاجهزه الكويسه جدا و اذا كان قصدك بالكورى الLG فهو ايضا جهاز كويس و نازل منه موديلات فيها امكانيات عاليه
و فيه توبيك فى القسم هنا فيه موقع ممكن تعرف منه امكانيات الموبايل و سعره التقريبى

أفتكر يقصد النوكيا الكورى يا زعيم مش الLG
الصينى والكورى مغرق السوق النهاردة وماحدش ضامنه .. لأن لسة ماعداش عليه وقت كافى للإختبار

مشكورين اوى ياجماعة على الافادة دى مشغريب على اهل المنتدى وانا قررت اشترى 6630 بس الى يعرف سعرة يقولى وشكرا

سعره بيعمل حوالى من 300 - 400 تقريبا بحسب الحالة
وممكن تخش على إعلانات مصراوى المبوبة وتشوف فيها بنفسك يا نجم

انا رأيى تشوف تليفون صينى اسمه k300 شكله وامكانياته حلوين جدا وفى حدود الفلوس اللى معاك وجهاز قوى وبيستحمل عن تجربة ناس اصحابى