البدرى : الطرد غير المستحق كلف الأهلى الكثير

ربنا يستر
بس الكلام دا مش ينفع
ازاى يعنى تشكر اللاعيبه على التعادل
المفروض انهم يكسبوا علشان دا الى اتعودنا عليه منهم
المهم قدر الله وماشاء فعل وربنا يستر

وصف الكابتن حسام البدرى المدرب العام و القائم بأعمال مدير الكرة فى النادى الأهلى و الذى كان ممثلاً للأحمر فى المؤتمر الصحفى الذى عقد عقب مباراة الأهلى و بترول أسيوط مباراة اليوم بالصعبة ، حيث أكد البدرى أن لقاء اليوم يعد من أصعب اللقاءات التى خاضها الأهلى فى مشواره خلال الدورى العام هذا الموسم.


و عقب البدرى على الكارت الأحمر الذى حصل عليه اللاعب أحمد على الظهير الأيمن الشاب قائلاً بأنه طرد غير مستحق حيث أن الإنذار الأول كان غير مستحق بالمرة ، و لكن الحكم محمد فاروق كان يرغب بهذا الإنذار أن يظهر للجماهير أنه متحكم فى سير المباراة بعد أن أنذر السيد عبد المغنى لاعب البترول قبل أشهاره الكارت الأصفر لأحمد على.


و إعترف البدرى بالإخطاء الدفاعية التى وقع فيها دفاع الفريق ، موضحاً أن ضغط المباريات لا يعطى للجهاز الفنى الفرصة من أجل تدارك تلك الأخطاء و علاجها.


و شكر البدرى لاعبيه على روحهم العالية و التى خاضو بها اللقاء غير متأثرين بالنقص العددى نتيجة الطرد و محاولتهم الفوز بنقاط اللقاء الثلاث حتى الرمق الأخير.

و أنهى البدرى حديثه مشيداً بحارس المرمى رمزى صالح و بالمستوى الرائع الذى ظهر به و إنقاذه لعديد الفرص الصعبة و الأهداف المؤكدة ، كما هنئ الكابتن محمد عامر و لاعبى بترول أسيوط على المستوى الجيد الذى ظهروا به أمام الأهلى.



محمد عامر: رمزى أمامه مستقبل باهر مع الأهلى

و من ناحيته أشاد الكابتن محمد عامر المدير الفنى لبترول أسيوط بمستوى رمزى صالح مشيراً الى أنه – أى رمزى – سيكون له مستقبل كبير مع النادى الأهلى.


و حول التحكيم رفض الكابتن محمد عامر التعليق ، موضحاً أنه يرفض الحديث عنه ، و لكنه أشار ألى أن فريقه دفع ثمن بعض الأخطاء التحكيمية التى أثرت عليه.

مينفعش كان لازم يكسبوا علشان يضمنوا صداره الدورى
المهم حصل خير
ولازم يفوقوا ويركزوا
ولازم برده يكسبوا يوم الجمعه وعندهم فرصه انهم يركزوا
ويصلحوا الاخطاء الى بيقول عليها كابتن حسام
وربنا يستر

من امتي بنتاثر بطرد ولا غيابات

صح يا طارق
طول عمرنا مفيش حاجه بتقف قدمنا
ولا طرد ولا غيابات ولا حكم ولا اى حاجه
اشمعنا المره دى
المشكله بجد لازم تتعالج بسرعه
والا ربنا يستر

sherifalwakkad كتب:

سوكا الاهلويه كتب:

ربنا يستر
بس الكلام دا مش ينفع
ازاى يعنى تشكر اللاعيبه على التعادل
المفروض انهم يكسبوا علشان دا الى اتعودنا عليه منهم
المهم قدر الله وماشاء فعل وربنا يستر

عندك حق يا سالى
لكن من وجهة نظرى
آخر 20 دقيقة عوضونى عن اللى حصل طول الماتش
وياريت اللى صدعونا بنقد الجهاز الفنى علشان العجيزى والمحمدى .. يهدوا شوية
ويسيبوا الراجل يشتغل هو والفرقة صح بعيد عن الضغوط
نورتى التوبيك عاشقة الأهلى

انا متغاظ اوى من البدرى ..متعجرف اوى فى كلامه ودايما عنده حجج وشماعات الا انه يعترف انهم مقصرين.

البدرى مش متعجرف ولا حاجه
بس البدرى بيحاول مش يشوه صوره اللاعيبه قدام الاعلام
بس انشاء الله خير والاهلى هيرجع احسن من دلوقت
تفاءلوا خير

ROBOS كتب:

مش مطلوب من البدري انه يهاجم اللاعيبه والجهاز الفني بعد أي ماتش نتيجته مش ولابد
بصراحه باشوف تصريحاته طبيعيه مع انها بتستفزني
الطرد حصل بعد نص ساعه كنا فيها سيئين برضه
يعني الفرق ان قبل الطرد كنا سيئين وبعده كنا سيئين جدا
اخر 20 دقيقه هي روح الأهلي ورغبه اللاعيبه في النصر
لكن لا خطه ولا تكتيك ولا تغييرات

خبيره خبيره يعنى بس انا مختلف فى حاجه انه لازم يعترف على الاقل بينه و بين نفسه ان الطرد مستحق و بالتالى مش يتكلم عن الحكم لانه كان احسن من غيره و يا رب يكون الجهاز الفنى وقف على المشاكل فعلا مش بيدور على شماعات زى التحكيم و ارض الملعب وواضح ان حالة اللعيبه و بعدها الطرد شل تفكير الجهاز و اللعيبه لحد ما فاقوا فى اخر 20 دقيقه (زى ما بتقولوا اصلى مقدرتش اشوف الشوط التانى أعصابى ماستحملتش)

لالالالالالالالالالا
الانذار الاول مش يتحسب خالص
والطرد فعلا بياثر على اى فريق
واثر علينا دا الاهلى كان قبل الطرد وحش
وبعده كمان المشكله مش فى الطرد المشكله
المشكله فى اللاعيبه
وربنا يستر

خط الوسط كان وحش
دا عيب فى اللاعيبه نفسهم
احمد فتحى لعب و احمد حسن لعب
وحسام عاشور معذور لسه راجع من الاصابه
ربنا يستر والمشكله تعدى على خير
ومش ملاحظه حاجه اول مره نتفق على حاجه

صح يا رباب
المره دى بجد كتير قوى
ان شاء الله الى جى احسن