الاهلي يواصل نزيف النقاط ويتعادل مع بترول اسيوط في الدوري الممتاز

ملخص
واصل النادي الاهلي متصدر الدوري الممتاز نزيف النقاط للاسبوع الثالث علي
التوالي وسقط في فخ التعادل الايجابي 2-2 امام مضيفه بترول اسيوط في
الأسبوع الحادي والعشرين.



كتب: كريم سعيد- واصل النادي الاهلي متصدر الدوري الممتاز
نزيف النقاط للاسبوع الثالث علي التوالي وسقط في فخ التعادل الايجابي 2-2
امام مضيفه بترول اسيوط في الأسبوع الحادي والعشرين.


وكان الاهلي قد فشل في تحقيق أي فوز في الاسبوعين الماضيين حيث تعادل مع بتروجيت في السويس وخسر امام الاسماعيلي بالقاهرة.



ورفع الاهلي رصيده الي 41 نقطة يحتل بها المركز الاول في الترتيب، كما رفع بترول اسيوط رصيده الي 25 نقطة ليرتقي الي المركز التاسع.


وتقدم الانجولي امادو فلافيو اولا للضيوف في الدقيقة 21 قبل أن
يحرز بترول أسيوط هدفين متتاليين في الدقائق الأخيرة من الشوط الاول عن
طريق كل من وائل جمعة مدافع الأهلي بالخطأ في مرماه في الدقيقة 45 وهنري
اكيلي في الدقيقة الثانية من الوقت بدل الضائع.



وفي الشوط الثاني تمكن احمد حسن من ادراك التعادل للاهلي في الدقيقة 33.



وشهد الشوط الاول العديد من الأحداث علي رأسها لعب القطري حسين
ياسر المحمدي كأساسي مع الاهلي من بداية اللقاء ولكن تم تغييره في الدقيقة
36 وحل هاني العجيزي بديلا عنه، بالاضافة الي طرد احمد علي لاعب الاهلي
ايضا في الدقيقة 29.



بداية المباراة جاءت هادئة من الفريقين حتى الدقيقة 11 والتي شهدت أول تهديد لأصحاب الأرض علي مرمي الفلسطيني رمزي صالح.



وأطلق عطية صابر تصويبة قوية من احدي الضربات الحرة المباشرة ولكن الحارس الفلسطيني تمكن من التصدي لها بثبات.


احتاج الأهلي لعشر دقائق كاملة لكي يبادل بترول أسيوط الهجمات
ولكن لاعبي الفريق الأحمر ردوا بايجابية بالغة حيث تمكن فلافيو من خطف
الهدف الأول بضربة رأسية متقنة بعد كرة عرضية من مواطنه جيلبرتو.



واضطر الأهلي لإكمال المباراة بعشرة لاعبين فقط بعد طرد لاعبه الشاب احمد علي في الدقيقة 29 نتيجة حصوله علي انذارين.



وانقذ رمزي مرماه في مناسبتين متتاليتين، حيث انقذ مرماه اولا من تسديدة صابر القوية ثم انقذ انفرادا صريحا من جمعة مشهور.


والغي حكم اللقاء محمد فاروق هدفا لبترول اسيوط في الدقيقة 33
أحرزه سيد عبدالمغني من ضربة حرة غير مباشرة لم يلمسها أي من لاعبي
الفريقين وهي في طريقها للمرمي.



واضاع هاني عبدالله هدفا محققا للبترول في الدقيقة 41 عندما اطاح بالكرة فوق المرمي بغرابة شديدة وهو علي بعد امتار قليلة منه.



وفي الوقت الذي ظن فيه الجميع نهاية الشوط بتقدم الاهلي، تمكن اصحاب الارض من احراز هدفين متتاليين في الثواني الاخيرة للشوط.


حيث تولي جمعة مدافع الاهلي اولا مسؤولية احراز التعادل للبترول
بعدما وضع الكرة برأسه بطريقة الخطأ في مرمي فريقه في الدقيقة الاخيرة من
الوقت الأصلي.



ثم تبعه اكيلي بضربة رأسية اخري في الدقيقة الثانية من الوقت بدل الضائع لينتهي الشوط بتقدم البترول 2-1.




جاءت بداية الشوط الثاني استكمالا لنهاية الشوط الاول حيث استمر
هجوم اصحاب الارض في محاولة لزيادة رصيد الاهداف والذي كاد ان يتحقق في
فرصتين لهاني عبدالله.


وسدد عبدالله كرتين قويتين في بداية الشوط كاد أن يدخلا مرمي
الأهلي لولا براعة الفلسطيني رمزي صالح.
علي الجانب الاخر اعتمد الاهلي علي ارسال الكرة الي البديل العجيزي في
الجهة اليسري الامر الذي اعتاده مدافعي بترول اسيوط وتمكنوا من القضاء علي
أي تواجد هجومي للاهلي.


ومن احدي الهجمات المرتدة، استلم فلافيو الكرة خارج منطقة بترول
اسيوط في الدقيقة 33 ومرر الكرة الي العجيزي الذي فشل في التسديد لتعود
الكرة الي فلافيو الذي يرسلها مرة اخري الي احمد حسن الذي يسدد بناجح في
المرمي محرزا هدف التعادل للاهلي.


بعد هدف التعادل بقليل، كاد جيلبرتو ان يضيف الهدف الثالث للاهلي
بعدما انطلق في الجهة اليسري وسدد كرة صاروخية ولكن لسوء حظه وقف القائم
الايسر امام تسديدته.

ربنا يستر
انا كدا بدأت اخاف
ياااااااااارب متخليش حد يشمت فينا
ولازم بسرعه يشوفوا حل
علشان تعرفوا ان المشكله مش فى اميرولا شادى ولا اسامه حسنى
المشكله فى الفرقه كلها والماتش دا ابسط دليل
ودا مش يخلينى انكر ان رمزى جون جامد جدااا
وله مستقبل كبير جداااااااااااااااااا

دا مش فرق توقيت
بس انا كنت واثقه فى اللاعيبه الى موجوده
بص لما كانوا بيلعبوا بتشكيل التانى الى احنا عارفينه
مش كنت خايفه
اهو لعب بالناس الى انت عايزنهم وقعد امير وشادى
ولعب حسين ياسر والعجيزى ورمزى
ومحصلش حاجه بل بالعكس الاداء زفت
ربنا يستر

هارجع واقول تانى مانويل زفتيه بيعتمد على مهارات فردية لاتنين او تلات لعيبة ولما بيغيبوا او مايكونوش فى مستواهم الاهلى بينكشف ..ودا بيخلينى اشك فى قدرات الراجل دا الفنية.

لالالالالالالالالالا يا عبد الرحمن
الراجل عمل الى عليه
ولعب كل الناس الى انتم عايزنهم
لعب رمزى وحسين يا سر والعجيزى وسمير واحمد على
يبقى المشكله مش فى الراجل دا المشكله فى اللاعيبه الى موجوده
واعتقد ان جوزيه محدش يتكلم عليه
الراجل جاب بطولات محدش يجبها وبيعمل الى عليه
بس ربنا يستر

ماشى يا ايمن هنشوف

هوا يا سوكا اى 11 لعيب بينزلوا وخلاص؟؟ فين التكتيك بتاع المدرب فين تحركات اللعيبة فين الالعاب اللى بيدرب عليها اللعيبة دى عشان توصل للمرمى من اقصر الطرق ..بصراحة انا بحس ان جوزيه دا بلاص كبير لما بركات وتريكة بيغيبوا ومن قبلهم متعب..مع انه عنده لعيبة جامدة كتير بس هو بيتكشف لما الاسماء دى مابتلعبش او لما تكون مش موفقة.

يا ايمن انت المفروض لعيب كورة وعارف يعنى ايه تحركات لعيبة من غير كورة وجمل تكتيكية المدرب بيحفظها للاعبيه ..وبصراحة انا مش شايف اى حاجة من دول فى اداء النادى الاهلى الموسم دا ولو على الخامة فى فرق تانية لعيبتها اقل بكتيييير من لعيبة الاهلى (منتخب مصر) وادائها الجماعى احسن بكتير زى بتروجت ولا الحدود ولا انبى دى فرق بتلعب بفكر مدرب والفكر بتاع المدرب بتاعها واضح..لكن قوللى كدة ايه الفكر اللى عمله جوزيه ..من اول الموسم واحنا بنكسب براس فلافيو وسرعة بركات ..ولا انا كلامى غلط؟؟

abdelrahmaaan كتب:

هوا يا سوكا اى 11 لعيب بينزلوا وخلاص؟؟ فين التكتيك بتاع المدرب فين تحركات اللعيبة فين الالعاب اللى بيدرب عليها اللعيبة دى عشان توصل للمرمى من اقصر الطرق ..بصراحة انا بحس ان جوزيه دا بلاص كبير لما بركات وتريكة بيغيبوا ومن قبلهم متعب..مع انه عنده لعيبة جامدة كتير بس هو بيتكشف لما الاسماء دى مابتلعبش او لما تكون مش موفقة.

بلاص كبير!!!!!!!!!!!!
حرام عليك يا عبد الرحمن
واعتقد ان فى ماتشات كتير تريكه وبركات مش لعبوا واحنا كسبنا
انت ليه بتركز بس على الوحش وتسيب الحلو
واعتقد ان فكر جوزيه موجود
ولو شوفت الحفله بتاع تريكه وهو بيتكلم هتعرف انه جوزيه عبقرى وفنان
وهو اكيد لعب الناس الى شيفها كويسه مع بعضها فى التمرين بس هم الى مش موفقين
ويمكن تقول ان جوزيه قريبى بس انا بحب الاهلى بكل الى فيه وبيكم انتم كمان

طيب انا راضى ذمتك فين الحلو اللى فى الاهلى لما يخسر الكاس ويفقد 7 نقط من 9 فى الدورى ويبقى على حافة الهبوط والتنازل عن القمة فين بقى الحلو اللى ممكن يخلينى اتفائل

الحلو هو اننا نتناقش مع بعض
انت عايز اكتر من كدا حلو؟؟؟؟؟؟؟؟؟؟؟؟؟

بس صدقنى مجرد كبوه وهتعدى ان شاء الله
وانشاء الله هنرجع
واعتقد بعد الماتش دا كل اللاعيبه هيطلع عنيها
وعلى فكره ماتشات الكاس كان تريكه وبركات موجودين وخسرنا
المشكله مش فى حد معين المشكله فى الفريق كله
ومتخفش ان شاء الله خير على مسئوليتى الخاصه

ايه دا هو الحلو كدة علطول مافيش غدا ولا ايه؟؟

اكيد فى غدا وعشا
بس لما الاهلى يكسب اول ماتش

بس اقل من كباب وكفته انا ماكلش

هههههههههههههههههههههههههههههه
لالالالالالالالالالالالالالالالالالالالالالا
اتغدى بقى بعيد عنى
انا ممكن اعزمك على اكل خفيف اصل انا بعمل رجيم

انتى جيتى فجمل وانا كمان واللهى بعمل ريجيم بس اللى يجى من الصعايدة فايدة برضو هههههههههههههههههه

صدق وحط فة بطنك بطيخه صيفى
وان شاء الله كبوه وهتعدى
واكيد مجلس الاداره مش هيرضى بالى بيحصل دا
واكيد برضه الجهاز الفنى هياخد موقف ويتكلم مع اللاعيبه
وممكن يعملوا زى ما حصل قبل كدا ويلعبوا بالناشئين ونكسب
قولوا انتم بس ياااااااااااااااارب

احسن حاجه في الماتش ده الجمهور وتشجيعه لاخر لحظه

أم سيوفه كتب:

انا زعلاااااااااااااااااااااااااااااااااااانه جداااااااااااااااااااااااااااااااااااااااااااا

ليه كده يا يام سيوفه انا معاكي ان الوضع يخنق بس ده نادينا ويمر بمرحله صعبه ووجب علينا الدعم والمسانده لا الحزن للالتفات لما سبق
وادعيلي والنبي عشان نتتجتي الاسبوع ده