عاجل جدا جدا جدا شوبير يعرض صور مخله يقول انها لالتراس اهلوى

قام الكابتن احمد شوبير بعرض صور مخله لشباب
وفتيات يتناولوا الخمور ومخدر الحشيش وقال ان هولاء هم اعضاء رابطة
الالتراس الاهلوى وقام سرد بعض من حوارتهم على الايميلات وصرح شوبير بانه
لن يتوانى على مهاجمة الالتراس حتى لو تعرض للسباب الجماعى فى المدرجات

شوبير ده انسان قليل الادب
وبيلعب في ملفات قذره
انا بجد حاسس باشمئزاز وانا بشوف الحاجات دي

اسوأ ما يمكن ان يتعرض في برنامج عن الرياضه
هاكرر رأي كنت باقوله للباشمهندس محمد في توبيك رامي عادل

ليه شوبير عنده تصور أو عايز يخلينا نتصور أن الالتراس دول حاجه مختلفه عن باقي الشعب
يعني كل اللي عرضه ده شباب وناس كتير بيعملوه
غلط وشئ فظيع طبعا
بس مش معني انهم بيشجعوا كوره أو بيشجعوا أي نادي أنهم يبقوا حاجه مختلفه عنن باقي الناس
دول مجرد مشجعين بييجوا من جامعاتهم ومدارسهم علي الماتش ويخلصوه ويروحوا بيوتهم
جامعات ومدارس زي كل اللي في مصر وبيوت زي كل بيوت مصر
دول مجرد مشجعين لا هم ملايكه ولا هتي رياضيين نطلب منهم اخلاق معينه

شوبير حول موضوع الاسماعيلية كلها علي جمهور الاهلي

وطبعا لازم ضيوفه يعوموا علي كلامه
وعمرهم ما هيدخلوا حد له رأي مخالف

شوبير من زمان معروف بالموضوع ده حتي التليفونات بتكون مفبركة
سيبك من الموضوع ده يا رباب انا معاكي لغاية لما تاخدي الوسام

يالا بينا نطلق حمله من المنتدى لمحاربة شوبير على كل مواقع ومنتديات الاهلى ونحمل لافتات مهذبه فى الاستاد لمهاجمة شوبير بس بالادب

شوبير اقل من ان الواحد حتي يفكر فيه

شكرا يا باشمهندس
تصور ما قريتش مشاركتك دي الا بعد ما قريت تهنئتك في التوبيك التاني
اصل كنت مشغوله باكتب خبر تبرع شوقي في توبيك غزه

علي فكره يا توماتيو مش محتاجين حمله
شوبير كده كده بيتهري شتيمه علي كل موافع الاهلي

لا بد من وقفة مع كاره نفسه شوبير

الراجل بيهاجم الألتراس ومش عارف يعني إيه ألتراس
جهوول حاااقد
Laughing

يا أهلا بالعضو الجديد mag911
الحكايه مش شوبير وبس الموضوع وسع قوي
المقاله دي من موقع في الجول
المرضى الجدد!
الخميس، 8 يناير 2009 - 11:32

وصل جهل الجماهير وغضبها وعصبيتها ونرجسيتها وطغيانها وديكتاتوريتها وحماقاتها إلي أقصي مدي, وما حدث في إستاد الإسماعيلية في لقاء الإسماعيلي والأهلي الأخير, ما هو إلا حلقة في سلسلة بدأت منذ ما يقرب من ثلاثة سنوات, لابد وأن يكون جرس إنذار قبل أن تفلت الأمور أكثر من ذلك, وأن تكون هناك وقفة لإيقاف الظاهرة التي تخطت حدود التعصب, ووصلت الي درجة قلة الأدب.

ما حدث في إستاد الإسماعيلية لم يكن جديدا ولا مفاجأة, بل أن هناك مسئولين كانوا علي علم بما سيحدث, ولكن العصبية والتعصب أعميا القلوب قبل العيون, وكل طرف يتحدث عن الطرف الأخر وكأنه عدو وليس مجرد خصم, ولا بالغ إذا قلت أن هناك مسئولين في الأندية الكبيرة يزكون ظاهرة العنف في الملاعب كنوع من الدفاع عن كيانهم, ويفضلون أن ينفس هؤلاء الصبية المتعصبين غضبهم وتعصبهم وحنقهم وجهلهم علي الفريق المنافس, بدلا من الوقوف في وجوههم وردعهم.

سيذكر التاريخ بكل أسف أن ظاهرة الـ "الألتراس" بدأتها جماهير الأهلي بدعم غير مباشر من مسئولي النادي الكبير, ومن ورائهم سارت بقية الجماهير "بثقافة القطيع", ويعلم مسئولي الأمن أسماء من يقفون وراء هؤلاء الصبية المتهورين التي لا تخطي أعمارهم العشرينيات من عمرهم, إلا أن أجهزة الأمن تعطي "ودن من طين وودن من عجين", لاسيما وأن زعيم الألتراس في النادي الاهلي هو ابن مسئول كبير في الاتحاد الافريقي لكرة القدم, ولا تريد جهات الأمن الدخول في متاهات.

صبيان الألتراس لا يتورعون عن فعل أي شيء من أجل تنفيس مرضهم النفسي الذي يعانون منه, ورفع هؤلاء شعار "ضرب الخصم علي أرضه" كنوع من حماية فريقه, وهو أحد مظاهر الغابة التي يعيشون فيها, وكأنهم دولة داخل الدولة, وتصوروا أنه لا يجرؤ أحد علي الوقوف في وجوههم, وسيلقون في كل مرة الحماية بداعي إنهم صغار السن ولا يعون ما يفعلونه, ولكن هذا التبرير غير حقيقي, ولكنهم مجموعة "صيع" يحتاجون لم يعيد تربيتهم من جديد!

الحقيقة تقول ان بينهم خارجون عن القانون, ولابد وان تتحمل جهات الامن مسئوليتها, ولا تتعامل معهم علي اعتبار انهم مجرد صبية طائشون, الا ان هذا التفسير تسطيح للأزمة, لانهم بالفعل مجرمون سواء من الناحية الجنائية أو الاخلاقية.

اسألوا عن حالات "السكر" التي تحدث في المدرجات, ناهيك عن حالات الإدمان, وهو ما ثبت علي أحد المقبوض عليهم في معركة الصورايخ بالاسماعيلية, عندما تم ضبطه بـ 100 جرام من الهيروين كما نشر في وسائل الاعلام, طبعا هذا كله ليس له علاقة بكرة القدم وتشجيعها, ولكن له علاقة بالأمن والقانون.

الحقيقة تقول ان بينهم خارجون عن القانون, ولابد وان تتحمل جهات الامن مسئوليتها, ولا تتعامل معهم علي اعتبار انهم مجرد صبية طائشون, الا ان هذا التفسير تسطيح للأزمة, لانهم بالفعل مجرمون سواء من الناحية الجنائية أو الاخلاقية
لاشك ان الاندية ونجوم كرة القدم لعبوا دورا لا ينكر في طغيان الجماهير بهذه الدرجة, عندما بدءا رحلة النفاق لهذه الجماهير, وترجع الفضل لها في كل انتصار أو بطولة, لدرجة ان هؤلاء الصبية صدقوا هذا النفاق الممجوج من اندية ولاعبين افتقد الكثير منهم للثقافة, كما ساهمت القنوات الفضائية ومخرجي البرامج الرياضية في هذا الشغب, حينما حرصت في بداية ظهورها علي ابراز لافتات التعصب في المدرجات, فزاد عدد المرضي في المدرجات.

أحداث الشغب التي حدثت في الإسماعيلية لن تكون الأخيرة طالما أن المسئولين ظلوا علي "طناشهم" , فقد شهدت الشهور الاخيرة أكثر من واقعة منها ما حدث في صالة نادي الزمالك في مباراة الأهلي والزمالك في كرة السلة, وقبلها حرق أحد جماهير نادي الزمالك أمام الصالة المغطاة لإستاد القاهرة, بالإضافة الي تكرار ما حدث في إستاد الإسماعيلية في المباريات الأخيرة بين الأهلي والإسماعيلي.

ما يحدث من مظاهر شغب في الملاعب يرجع بالدرجة الأولي الي التعصب الذي كاد أن يختفي في وقت من الأوقات, ولكن ابشر الجميع بمزيد من التعصب والشغب, بعد ظهور قنوات الأندية التي بدأت تعرف طريقها للإعلام المرئي, لأن كل قناة تلعب علي مشاعر جماهيرها, بصرف النظر عن الموضوعية المهنية.

- متي يعود محمد أبوتريكة للملاعب؟! أتمني عودته في أسرع وقت لأنه قيمة فنية كبيرة للكرة المصرية, والمنتخب المصري في أشد الحاجة له في الفترة المقبلة, وعليه أن يعود كلاعب كرة فقط, بعيدا عن الأشياء التي شغلته في الأونة الأخيرة, بعد ان صنع تاريخه ونجوميته في اربعة سنوات فقط, هو ما لم يحدث مع أي نجم اخر, وهذا دليل علي نقاء سريرته!

- محمد بركات أصبح الورقة الرابحة للأهلي في العام الأخير, ولعب دور "حمال" الفريق, وأثبت إنه النجم الأول في القلعة الحمراء, وتعرض لظلم شديد في الاستفتاءات التي تمت هذا العام, لانه بالفعل كان يستحق الترشيح علي الاقل ليكون الافضل!!

- يبدو أن عصام الحضري دخل النفق المظلم, ومازال يبحث عن نفسه!

- عودة الزمالك مازالت بعيدة!!

اللي كاتب المقاله عبقري الجمهوريه : وليد الحسيني

وده رد من الردود اللي علي المقال المستفز

يا عم مين اللي قالك ان الالتراس منهم الشمامين ولا السوابق انا اصحابي كليات محترمه و شباب يعرفوا ربنا و التراس .....الله ينتقم منك , يعني الالتراس هما اللي خاربينها لكن الباقيين كويسين و بعدين لو الاتراس مجموعه من الشباب من هواة ضرب الخصم على ارضه عشان عندهم مرض نفسي امال الالتراس اللي استقبلوا لاعيبة الاهلي في المطار بعد اليابان عشان يواسوهم دول كانوا ايه؟ التراس بشرطه , هم تقيل و اللي كان رايح و معاه 100 جرام هروين , ليه بيرضع هروين و كمان مش عارف ان فيه حاجه اسمها تفتيش و اذا كان التفتيش مش موجود مع الالتراس امال اللي دخلهم الصواريخ بعد بداية الماتش ب40 دقيقه يبقى ايه ؟؟؟

راجل حتي خسارة ذكر اسمة القافلة تسير والكلاب تعوووووووووووووووووووووي
وجمهور الاهلي احسن جمهور غصب عن عين الكل
واهلا بالعضو الجديد

شوبير بيموت ويولع الدنيا في بعضها

من السيء والمسي ان يعرض تلك الفضائح على الفضائيات وان يعرض المخترم احمد شوبير تلك الفضائح على الفضائيات المصريه ويعريض الشباب الى تلك

انا عايز دليل واحد إن تلك الصور لألتراس أهلاوى, لقد شاهدت الحلقة والصور اللتى عرضها (إبن الاهلى) ويقول إنها لجمهور الاهلى ولم أعثر على أى شىء لة صلة لا من قريب ولا من بعيد بجمهور الاهلى المحترم.

شكرا على مروركم وانا الخصش شوبيى فى انه ممكن يبيع ابوه علشان الفلوس والمنصب

اسف لعدم استكمال الحوار ولكن من الحزن ان يكون المحترم شوبير ان يكون عرضه لشتيمه والتهزيى هذا لانه يبحث عن الشهره الاكثر مثل المعتوه الذى يصيح =فى الشارع فيراه الناس وينجذبو ايه سلامى اليك ايه المعتوه شوبير

الالتراس تسير وشوبير يعووووووووووووووووووووووووي

هو فاكر ان اخرنا الشتيمه وحياه امه لنعرفه يعني ايه التراس
اقسم بالله ما يعرف حاجه عنهم

اللذيذ ان الرد عليه يجي من خالد الغندور في برنامجه الفاشل الرياضه اليوم
طبعا مش حبا من الغندور في الالتراس
لكن ضرب في شوبير وشلبي كمان
بكره نتفرج علي الحرب الجديده دي

أهلا بالأعضاء الجدد نورتوا المنتدي

موضوع: شوبير السبت يناير 10, 2009 10:37 pm

اية الى حصل لشوبير انا مصرى عايش فل خارج واهلاوى جدا سبت مصر من 3 سنين كان كويس اية اليجادالانتيخابات ولا اية؟ ممكن حد يجاوبنى

مدام دخل البيزنس في الكورة يا احمد يبقي يلا السلامة علي الكورة
نورت المنتدي يا احمد

منور المنتدى يا احمد والسبب طبعا ان شوبير من انصار القرش الابيض ينفع فى اليوم الاسود

شوبير ما بيحبش في الدنيا الا شوبير

» الأهلي يعرض 8 مليون جنية لضم المحمدي
» خاص.. القيعي يعرض لاعبين أفارقة على جوزيه..
» حسام غالي يعرض نفسه على الزمالك
» أبو تريكة يقول إن مشجعي الأهلي وراء بقاءه مع الفريق
» شوبير لـFilGoal.com