صحفي ده ولا خالتي فرنسا ؟؟؟؟؟

[size=24]الزمالك.. إكسبايرتيم!!
[/size]محمود معروف
E-mail:mahmaroof@yahoo.com
"إكسباير" معناها انتهت صلاحيته.. و"تيم" معناها فريق.. وجملة "الزمالك.. إكسبايرتيم" يعني الزمالك فريق انتهت صلاحيته!! وطبعا أنتم تعرفون أن أي شيء انتهت صلاحيته لابد وأن يرمي في "......."!!!
من أول مانزلوا أرض الملعب بالملابس السوداء تشاءمت جماهيره وقالت مشجعة زملكاوية إلهي نلبس عليكم الأسود قريب يا بعدا انتم واللي اشتروا اللبس ده!
طالما أن اللاعبين وجهاز التدريب أخذوا معهم الملابس السوداء كان يجب أن يأخذوا معهم خمسين ندابة من أمام مشرحة زينهم وعشر سيارات لنقل الموتي يركبها اللاعبون والجهاز بدلا من الأتوبيس ويركب "النسوان" سيارة نقل مكشوفة يلطمن ويلطخن وجوههن ووجوه الفرقة وجهازها بالطين ويندبن "ماكانش يومكم.. يا حزاني.. يالابسين أسود.. ياللي خليتوا وش جمهوركم في الطين.. ياللي جبتوا لنا القلب والكبد والبروستاتا..!!
يا بياعين الماتشات.. ياللي بتقبضوا من هنا وهنا وهنا.. ياللي عايزين كل واحد منكم خمسة ستة مليون جنيه.. وأنتم ماتساووش علي بعض البتاعة اللي انضرب بيها جورج بوش في بغداد!!
تعالوا يا "......" اللاعبين شوفوا لعيبة بني عبيد بتوع الدرجة الثالثة الغلابة اللي عمر الواحد منهم ما مسك ميت جنيه صحيحة يا بتوع ميت عقبة يا تربية المحور!!
الحاج هيرماس رضوان رئيس النادي استقال من مجلس الشعب علشان يعمل فرقة كان كل حلمه أنهم يطلعوا من الدرجة الرابعة.. ومافكرش أبدا انهم هيطلعوا روح جمهور الزمالك وهيطلعوا فرقته من الكاس!!
حتي مدربهم الدكتور ماهر عبد الحليم الأستاذ بكلية التربية الرياضية جامعة المنصورة وخريج جامعة الإسكندرية يتقاضي في الشهر نصف ما يتقاضاه أقل لاعب منكم في اليوم ومش كده وبس.. ممكن يتوقف من شغله لأن رئيس الجامعة الدكتور أحمد بيومي شهاب الدين زملكاوي جدا.. وقطعا زمانه زعلان وبات متنكد وأكيد النهاردة هيستدعي الدكتور ماهر عبد الحليم ويعمل له قرار نقل لجامعة جنوب الوادي في سوهاج!!
وانت يا دكتور محمد عامر يا رئيس النادي وحياة أمين ابنك اصرف النظر عن التعاقد مع أي لعيبة جدد أو أي مدرب أجنبي ووفروا مرتبه "ربع مليون جنيه كل شهر".. هتصرفوا الملايين ليه؟ الفريق استبعدوه من بطولتي إفريقيا ورفضوا مشاركته في دوري أبطال العرب واعتذرتم عن بطولة شمال إفريقيا التي فضحنا فيها التوأم حسام وإبراهيم خصوصا إبراهيم الذي ضرب وشلت وبصق وسب الدين وكسر الكمبيوتر والميكروفون ودرع للجمهور واشعل النيران الخامدة.. وبقت فضيحتنا في العالم علي الفضائيات.
يا دكتور عامر.. احذرك من التعاقد مع مدرب أجنبي فالدوري ضاع وخسرتم الكأس وكل آمالكم وطموحاتكم ألا يهبط النادي للدرجة الثانية ويلعب رسميا مع بني عبيد وبني مزار وبني سويف وبني مر!!
خليكو لابسين أسود علي طول ولطخوا وشوشكم بالطين وادهنوا بالمرة وشوش الجهاز الفني.
الله يرحم الزمالك وأيام الزمالك.. أيام ما كان فيه رجالة بتخاف عليه وتصونه في عينيها

ههههههههههههههههه لا لا مش قدرة هموت علي نفسي من الضحك وبجد صعبانين عليا جدا جدا
بس المفروض متبقاش مفاجئة ليهم لان ده المتوقع مدام هما كل ده لسة فاكرين انهم القطب التاني للكرة المصرية!!!!!!!!!!!!!!!!!!!!!!!!!!!!!!!
بس الجمهور الوحيد المكنش متفاجئ من الحصل احنا جمهور الاهلي لانة كان فاهم كل حاجة من الاول مش قلت لكم احنا غرهم اخر حااااااااااااجة

الله يسامحك يارباب كدا تشتمي خالتي فرنسا
اللهم لا شماتة من سوء نيتهم بياخدوا فوق دماغهم ..تحياتي رباب

ما يصعبشي عليكي غالي يا نانو
بصي كل لما تلاقيهم صعبانين عليكي ادخلي اي موقع زملكانوي واقري الهبل اللي هناك هاتلاقيكي بقيتي فرحانه فيهم
أو أقولك ادخلي موقع في الجول مدونه زملكاوي واقري مقاله اسمها " عفوا هذا زمن الزمالك "
وانت ساعتها لا يمكن يصعبوا عليكي ابدا
هاتعرفي انهم يستاهلوا اللي هم فيه واكثر بكثير

waelzewela كتب:: الله يسامحك يارباب كدا تشتمي خالتي فرنسا
اللهم لا شماتة من سوء نيتهم بياخدوا فوق دماغهم ..تحياتي رباب

خالص اعتذاري لخالتي فرنسا وجميع العاملين والعاملات في مهنه الشرشحه(مش اسمها كده ؟؟؟ )
واضح ان ظهر لهم منافس خطير ناقصه ملايه يفرشها وبس
الحقيقه دي مش اول مره استغرب من اسلوب معروف الاسكافي في الكتابه والفاظه المنتقاه بعنايه شديده من معجم الردح الوجيز ده غير بعض تلكساته اللي محتاجه بلاغ للنيابه
لكن الكلام المره دي ردح علني مش مقاله ........مش عارفه ده محدش بيقوله ايه اللي انت كاتبه ده ؟
شكرا يا وائل لمرورك وتعليقك

بصراحة مكنتش واخد بالى من الموضوع ده على مدار أكتر من أسبوع
بس حقيقى ده مش أسلوب صحفى خالص و عيب يكون ده صحفى فى جريدة قومية
أينعم هو زمالكاوى و لا يحاسب على ما يقول لأن الزمالكوية رفع عنهم القلم
لكن بردو يراعى ان فى اطفال بتقرا الكلام ده
بس مشكلة الأخ معلوف ده انه بعد أول فوز قادم للزمالك سيهلل و يطبل للزمالك و كأنه فاتح عكا و يا سلام لو الفوز ده على الأهلى
مشكوووووووووورة رباب على الموضوع المضحك

هو في أطفال أهلهم بيسمحوا لهم يقروا الكلام ده

ده لازم يبقي عليه لافته " للكبار فقط "

شكرا يا أدمين لمرورك

» اعمال عنف جزائرية في فرنسا عقب الهزيمة من مصر
» شوف عضو مجلس اداره الاسماعيلي بيضرب صحفي في الاستاد
» ليكيب : لماذا لا تتجه فرنسا للكنوز الكروية المصرية؟
» راديو فرنسا:الأهلي ينضم لقائمة صانعي الأساطير
» هنري يقود فرنسا لفوز ثمين والاقتراب خطوة كبيرة من نهائيات يو