نادر العشري لـEl-Ahly.com : رفضت كل العروض حبا في الأهلي

أبدي نادر العشري نجم غزل المحلة سعادته باقترابه من تحقيق حلم حياته بالانضمام للأهلي في الفترة المقبلة بعد المفاوضات الجادة التي دخلها المسئولون في القلعة الحمراء مع اللاعب خلال المرحلة الماضية بعدما طلب الجهاز الفني ضرورة التعاقد مع لاعب يجيد أداء مهام الليبرو عقب تجدد القطع في الرباط الصليبي للنجم الكبير عماد النحاس .

وقال العشري في تصريحات خاصة لـEl-Ahly.com أنه تلقي في الفترة الأخيرة عرضا جادا من أحد الأندية الإماراتية فضلا عن عرض أخر من الزمالك وإنبي ولكن رغبته الأولي تبقي في الانتقال للأهلي خلال المرحلة المقبلة حيث يري أنه بقطع هذه الخطوة سيكون قد بدأ مشوارا جديدا مع التألق في كرة القدم باللعب مع فريق كبير.

وأضاف أنه يكن كل الاحترام للأندية التي أبدت رغبتها في التفاوض معه ولكنه يحلم باللعب في الأهلي منذ الصغر لأسباب كثيرة لعل في مقدمتها جو الاستقرار الذي يميزه ويؤهل اللاعبين لحصد الألقاب كما حدث في السنوات الأربعة الأخيرة .

وعن لعبه في مركز الليبرو قال اللاعب أن الشيء الذي لا يعلمه الكثيرون هو أن هذا هو المركز الذي بدأ فيه حياته الكروية قبل أن ينتقل فيما بعد لمركز خط الوسط بصفوف غزل المحلة مشيرا إلي تفضيله هذا المركز حيث يظهر من خلاله قدراته الكبيرة في الملعب .

وشدد اللاعب علي التزامه الكامل بالعقد الذي يربطه مع المحلة حيث لن يأخذ أي خطوة بغير موافقة مسئولي الفلاحين خاصة وأنه يدين لهم بالفضل بعد الله سبحانه وتعالي فيما وصل إليه من مستوي جعله هدفا لأندية كبيرة في مصر وأخري إماراتية .

أيا كان مستواه أظن هايبقى أحسن من شادى
ولو إن الحل الأمثل فى رأيى رجوع أحمد حسن لمركز الليبرو
مشكورة عصفورتنا الرقيقة للمتابعة

الموضوع ده صعب حاليا يا مايسترو لان هيبقي في اخطاء كتيرررررررررررر ولسة عقبال ما يتعودوا علي احمد حسن وره ولا قصدك احمد فتحي ما علينا اي واحد منهم هتبقي مشكلة واحنا مش ناقصين نخسر نقط اكتر في الدوري لازم نفوز كل الموجلات
مشكور لمرورك

ان شاء الله قريبا في الاهلي

ربنا يوفقه لو جه فعلا

لا يا نوران .. أنا أقصد أحمد حسن

لاعب خبرة ويقدر يلم ورا المساكين ولياقته عالية وبيبنى هجمه صح

ويقدر يزيد فى الهجمات .. والتسديد عنده رائع

هو فيه مواصفات لليبرو أحسن من كده ؟

يعني فعلا تقصد أحمد حسن بالكبير
بس هو أحمد حسن لعب في المكان ده قبل كده ؟؟؟؟؟؟؟؟؟؟؟؟
فكره غريبه يا مايسترو بس مبررااتك منطقيه جدا
ليه لأ هي دي الأفكار اللي بتغير الدنيا مش كده

لا يا رباب .. مالعبش فى المكان ده قبل كده
لكن أنا شايفه فى المكان ده للأسباب اللى ذكرتها
ده غير إن أحمد حسن فى المواجهات الفردية كمان متفوق
هى على رايك فكرة غريبة .. بس ليه نفكر تفكير تقليدى .. ولا إيه يا خبيرة

مش لازم طبعا افكار تقليديه ومبرراتك معقوله جدا
بس مش لازم اللاعب يكون متعود علي المكان اللي يلعب فيه
يعني أحمد حسن عمره ما لعب ورا كده
لعبه كله اما وسط مهاجم او مدافع او يمين لكن دفاع صريح كده
مش عارفه يكون شكله ازاي
ده عكس اسلام الشاطر في الماتش اللي لعب فيه ليبرو كان كويس
بس اسلام اساسا مدافع ولعب مساك قبل كده
ولا ايه رأيك ؟؟؟؟؟؟؟؟؟؟؟؟؟

وجهة نظرك معقولة
لكن اللى بفكر فيه (مجرد حلم شخصى)
أحمد حسن يبقى ليبرو بمواصفات بيكنباور
يعنى ليبرو حر فى الملعب مش قشاش ورا المساكين
تخيلى فى النص فتحى وحسين على والمساكين جمعة وشادى (أو السيد)
ووراهم حر أحمد حسن .. ممكن وسط المتاريس دى يتحرر ويزيد لقدام يضغط ويبنى هجمة برؤية سليمة
مع زيادة مع المهاجمين أحيانا وتسديدات صاروخية متقنة
فيه إيه أحلى من كده

كلام جميل ..... كلام معقول ............ما اقدرش اقول حاجه عنه

لكن ............ مش عارفه ليه عندي احساس دايما أن أحمد حسن بيميل للعب قدام اكتر
انا ساعات باحس انه نفسه يبقي مهاجم صريح مش بس وسط مهاجم
يعني رجوعه لورا ده ممكن يتعبه جدا ويضايقه وما يعطيش فيه اللي احنا متصورينه
محتاجه تجربه الفكره دي

نادر العشري أفضل الموجودين و يا رب يجي الأهلي و بالتوفيق له و للأهلي إن شاء الله

مشكورين لمروركم

» عادل لـEl-Ahly.com : أدرس بعض العروض لتحديد مستقبلي وعلاقتي بالأهلي أكبر من ا
» الأهلي يضع نادر العشري تحت المنظار لضمه في يناير
» خاص لـEl-Ahly.com : الأهلي قد يصرف النظر عن التوأمة مع مارسيليا بسبب التباطؤ
» البلقاسي لـEl-Ahly.com: لم أعلم بمفاوضات الأهلي إلا مؤخراً.. ومدافعا الأولمبي
» باجنيد لـEl-Ahly.com : البث التجريبي لقناة الأهلي يبدأ مع مب