جيلبرتو في انجلترا للاختبار بأحد الأندية الانجليزية للانضمام اليه في يناير

جيلبرتو في انجلترا للاختبار لأحد الأندية الانجليزية للانضمام اليه في يناير المقبل

توجه الأنجولي سبستياو جيلبرتو نجم النادي الأهلي الى انجلترا لأداء الاختبارات الفنية والبدنية لدى أحد الأندية الانجليزية لمدة أسبوع بالرغم مما أعلن من قبل الجهاز الفني من أن اللاعب توجه الى بلاده في أجازة لمدة أسبوع من أجل الاطمئنان على أسرته.

وعلم El-Ahly.com أن النادي الأهلي كان قد تلقى عرضاً رسمياً من أجل ضم اللاعب خلال فترة الانتقالات الشتوية وذلك قبل بطولة كأس العالم للأندية التي أقيمت مؤخؤاً في اليابان وتم ارجاء البت في العرض لحين انتهاء البطولة.

وخلال تواجد الفريق في اليابان حصل جيلبرتو على موافقة البرتغالي مانويل جوزيه المدير الفني للنادي الأهلي من أجل السفر عقب العودة للقاهرة الى انجلترا من أجل أداء الاختبارات وبالفعل سافر اللاعب عقب نهاية البطولة.

ومن المنتظر أن تحسم الاختبارات التي يخضع لها اللاعب موقفه سواء بالرحيل عن الفريق في يناير المقبل ليصبح الأجنبي الثاني الذي يترك النادي بعد التونسي أنيس بوجلبان أو ليستمر بين صفوف النادي الأهلي

الاستغناء عن جليبرتو في الوقت ده غلط
في ظل انخفاض مستوي سيد معوض
علي الاقل ننتظر لنهاية الموسم
وجلبرتو لازم يقدر الموقف وكفاية ان الاهلي وقف معاه ساعة اصابته

خسارة كبيرة للأهلى رحيل جلبرتو

ولكن نتمنى له التوفيق
شكرا شريف باشا

و الله نتمنى للراجل التوفيق و نسيبه يحترف و نستفيد بالمقابل المادى و ممكن نشترى باك تانى أصغر سواء محلى أو افريقي
لأننا لو اجبرناه على اللعب للأهلى و رفض عرض الإحتراف هيلعب من غير نفس و هيبقى عالة على الفريق

خسارة خسارة كبيرة ... ده أخطر ونج في الأهلي و هو اللي بيقوي الهجوم بتاعنا و كروساته دائما بالمقاس!!!

حقيقى خسارة
لكن تصرف الأهلى بالسماح له بالسفر للإختبار سليم
لو فشل لإصاباته السابقة يبقى الأهلى عمل اللى عليه وماوقفش قدام مستقبله
ولو نجح وتمسكوا بيه يدفعوا قيمته الحقيقية وتمنه فى رأيى يساوى 10 لاعيبة
لكن لو رفضنا العرض هايلعب فعلا من غير نفس ومش هانستفيد منه
نورتوا التوبيك أحبابى الأفاضل
المميز دقدق .. نجم التوقعات وائل .. كبير العيلة أدمين .. الحكيم مراد

انا من رأيى دايما السماح للاعب اللى عاوز يحترف باداء الاختبارات و لو نجح ربنا يوفقه لان دى نقطه بتسيب جوه اللاعب اثر ايجابى لو فشل فى الاختبار ان النادى ماوقفش فى طريقه و يرجع للنادى و هو عاوز يرد له الجميل يعنى شوفوا عماد متعب مثلا اصر على الرحيل و لو على سبيل الاعاره لانه حس ان الاهلى واقف فى طريقه و كان مش مركز و بيلعب بنص مخ بديل تألقه و عودته للتهديف فى السعوديه

طبعا جيلبرتوا خساره كبيره و احنا فى نص موسم مش كويس للفرقه اصلا لكن رب ضارة نافعه و نشوف أحمد عبد الحميد ده و غيره

هو ده الكلام يا زعيم
وأظن جه الوقت اللى نجرب فيه عبد الحميد أحمد ونشوفه
نورت التوبيك بزيارتك ورأيك السديد جارى الحبيب

موافقه علي رأي المايسترو والزعيم
هو فعلا لو الموضوع تم يبقي خساره كبيره لنا لكن ممكن نستفيد ماديا
وكمان نشغل اللي عندنا غير اللاعب الناشئ اللي لعب السنه اللي فاتت كانوا معجبين به جدا
جلبيرتو لاعب محترم وباتمني له التوفيق

انا رائي من رائي الشاذلي

احمد عطوة يا رباب
انا معاكم انة ياخد فرصتة لو عايز يحترف وبعد كده نشتري في يناير ونج شمال واظن معروف هو مين طبعا تقريبا اسمة اسامة محمد صح بتاع بتروجيت وده اقرب واحد للاهلي

تمام التمام يا أحلى أهلاوية
نورتونى بمروركم وردودكم الجميلة أحبابى
الخبيرة رباب .. العصفورة نوران .. الأسد طاطا

» ابن جوزيه يطلب جيلبرتو للاختبار في البرتغال
» جيلبرتو وفلافيو يطيران الى كينيا للانضمام لمنتخب بلادهما
» عيون الأندية الانجليزية تنتظره في جنوب أفريقيا : هل تنتهي علاقة فتحي بالأهلي بنه
» خاص لـ AhlyNews.com : لاعب دولى بأحد أندية البترول يوقع للأهلى
» خشبة: الباب مفتوح أمام حسام غالي للانضمام للأهلي