النحاس يجرى عملية الرباط الصليبى بنجاح

علم AhlyNews.com أن عمدة الدفاع الأحمر عماد النحاس قد أجرى عملية الرباط الصليبى اليوم بنجاح ، و علم مراسلنا أن العملية قد تم إجرائها فى مستشفى مصر الدولى.

[ندعوك للتسجيل في المنتدى أو التعريف بنفسك لمعاينة هذه الصورة]

أجرى الدكتور أيمن عبد العزيز العملية للمدافع المخضرم ، و التى كان من المقرر لها أن تتم فى المانيا على يد الخبير الألمانى شيرهوف .

و حالت عدم قدرة هادى خشبة عضو لجنة الكرة بالنادى الأهلى الحصول على تأشيرة دخول اللاعب لألمانيا دون سفره ، و كان شيرهوف قد راسل إدارة الأهلى مطالباً أياهم بسرعة سفر اللاعب لألمانيا مبكراً قبل أعياد الكريسماس.

والله يا نحاس بجد من غير مجاملة انت كنت راجل الاهلي الوحيد واول ما حصل الاصابة بانت جدا ان الاهلي ودفاعة من غيرك مفيش ولا واحد منهم عارف يهبب حاجة خالص انت الكنت ظابط الدفاع بجد ربنا يشفيك

ربنا يشفيه ويقوم بالسلامة
بس غريب قوي انه يعمل العملية في مصر
ده معناه ايه يعني ؟؟؟؟؟؟؟؟؟؟؟؟؟؟؟

معناه ان الدكاترة المصريين ممتازين و لا يقلوا بأي حال من الأحوال عن الخبير الألماني و ليس معناه فقدان الأمل في العودة للملاعب و الإكتفاء بعمل العملية في مصر أما من الناحية الطبية و هو السبب الرئيسي فلابد من عمل العملية في أسرع وقت بعد الإصابة بحيث تكون النتائج أفضل و الأنسجة مهيأة للإلتئام بدرجة أكبر فإذا تأخر الحصول على التأشيرة فالأفضل التبكير بعمل العملية داخل مصر (من كتر حبي لك يا عمدة مش قادر أفقد الأمل في عودتك للملاعب ان شاء الله)

طيب يا دكتور من غير زعل
مش قصدي حاجة أنا بس كنت باسأل
علي فكرة انا موافقة علي كلامك ان مصر فيها دكاترة ممتازين
وخصوصا تخصص العظام وده بناء علي تجربة شخصية شفت فيها عبقريتهم بجد

مش زعلان و الله ... أنا عارف إنك شكيتي انه خلاص انتهى و انهم ريحوا دماغهم و قالوا يعمل العملية هنا و خلاص (لكن الرباط الصليبي و وتر اكيليس و التمزقات دي كل لما تتعالج بعد القطع مباشرةً الإلتئام بيبقى سريع ونسبة النجاح بتبقى عالية جدا ان شاء الله ) .... و بالمناسبة مصر فيها دكاترة عظام أفضل بكتير من الخبراء العالميين لكن في الخارج بيتفوقوا علينا بالمنظومة المتكاملة لأن مش بس العملية وحدها هي المهمة (العلاج التحضيري قبل العملية و العلاج و التأهيل بعد العملية لا يقل أهمية عن العملية نفسها ) و للأسف في مصر العلاج قبل و بعد العملية مستواه متدني و كأن العملية فقط هي المهمة!!

تمام يا دكتور وصح كلامك
الرعاية قبل وبعد العمليات الجراحية عامل أساسي لنجاحها أو فشلها
وللأسف مستوي التمريض ومشرفات التمريض عننا سئ جدا كارثه بجد
ربنا يشفي جميع المرضي

شكرا ليكي يا أخت روبوس و أتمنى ما تكونيش زعلانة من ردي الأولاني... و ربنا يشفيك يا عمدة و يشفي كل مريض يا رب

مش زعلانة .........بالعكس
قليل لما بقيت الاقي حد بيثق في اي حاجة في البلد
ربنا يشفي العمده ويوفقك يا دكتور ان شاء الله

شكرا رباب ومراد ونانو علي التفاعل مع الموضوع
وانا مع معاجلة اللاعبين في مصر

» عاجل : إصابة عماد النحاس بقطع فى الرباط الصليبى
» محدث : شبح الرباط الصليبى يطارد إينو .. ومتعب يصاب بالخلفية
» أحمد ماجد:إكتشفنا سلامة الرباط الصليبى لمتعب بالصدفة !
» اينو: لم أجر عملية الرباط الداخلى .. وزملائى والجمهور لم يتركونى لحظة
» إصابة النحاس بالرباط الصليبى مجدداً