خاص : الاهلي يعيد فتح ملف الحراس و إكرامي و الحضري في الصورة

بعد الأداء متوسط المستوي الذي ظهر به أمير عبد الحميد في مبارة الاهلي أمام باتشوكا ، فتح مجلس إدارة الاهلي برئاسة حسن حمدي ملف حراس المرمي للبحث عن حارس كفء لضمه في إنتقالات يناير القادمة .
يعتبر شريف إكرامي إبن النادي الاهلي و المرتبط بعقد مع فينورد .. أحد الأسماء التي ترددت بقوة داخل النادي و خاصة أن الكثير يري أن مستواه يؤهله لحجز مكان أساسي بسهولة وحماية عرين الاهلي .
كما علت أيضاً الأصوات التي تطالب بعودة الحضري و قد علم " aiwakora " أن الإقتراح بعودة عصام الحضري غير مرفوض وخاصة أن اللاعب إبدي إستعداده لأحد الرموز الأهلوية الكبيره أنه مستعد للعودة في حال رغبة الأهلي مع موافقته علي تقديم ما يلزم لمصالحة الجمهور و الإعتذار له و لكن يقف تعنت جوزية تجاه عودة عصام هي العائق الوحيد .
كما تم إعادة فتح بعض ملفات بعض أسماء الحراس المصريين من بينهم الهاني سليمان حارس الإتحاد السكندري و آخرون لإنتقاء الأفضل .
يذكر أن التضحية بأمير كحارس أساسي لن تكون سهلة لأن أحمد ناجي مدرب حراس المرمي يعتبر المدافع الأول عنه أمام أي هجوم و خاصة أنه يعتبر أي فشل لأمير فشل شخصي له

nooooooooooooooooooooooooooooooooooooooooooooo

لا اويد حتي لو معندناش حراس خالص

لا حضرى بعد اليوم لو هانلعب من غير حارس

الحضري لا ومليون لا
اكرامي ممكن بس مين هايبقي اساسي ومين احتياطي ولا هانخلق مشكلة جديدة
الهاني سليمان حارس كويس عديم الخبره يبقي ايه الفرق بينه وبين أحمد عادل

شوفوا: لا للحضري مهما حصل لكن برضه أمير سييء و مقعد إثنين أفضل منه إحتياطي له و بصراحة مش هنضحك على بعض (الهدف الأول و الثاني منه و أهداف إنبي مسئول عنها على الأقل الثالث و الهدف الثاني للقطن في الكاميرون و و و ..... ) بنحاول نقنع نفسنا إنه كويس لكن مهزوز و المحصلة النهائية إنه سييء ... إما ندي الفرصة لرمزي صالح أو أحمد عادل أو نتعاقد مع حارس خبرة و ثقة و لو شريف إكرامي.... و بالتوفيق للأهلي إن شاء الله

شكرا طاطا ونانو ووائل ورباب والحكيم علي المرور وابداء الرأي

أعتقد فتح الموضوع ده توقيته غلط تماماً
و أنا أصلاً بكدب الخبر ده لأن مجلس إدارة الأهلى مش بالتسرع ده
بس خلينا نرجع بذاكرتنا لورا هنلاقى ان الحضرى لما وقف من سنة 96 فى حراسة الأهلى كان مستواه وحش جداً فى الأهلى و المنتخب كمان و ياما دخل فيه أهداف ما تدخلش فى حارس مبتدئ و كلنا فاكرين هدف جورج وايا
الحضرى إبتداء من 2005 لما حصلت المشكلة بتاعة شارة الكابتن و ظهر على السطح فكرة إستبعاده من الأهلى و كمان ضم نادر السيد مع وجود خط وسط و خط دفاع قوى ده كله ساعد على ظهور الحضرى بمستوى عالمى بعد كدا
يبقى أحنا نصبر على أمير و أخطاءه و نعاقبه لو وحش بخصم فلوس أو يقعد شوية على الدكة و نلعب رمزى أو أحمد عادل و صدقونى كل اللى بيمر بيه أمير ده هيخليه ياخد خبرات كتيرة فى وقت صغير ان شاء الله
فكرة عودة اكرامى بردو فكرة كويسة و هو حارس يستحق انه يحرس عرين الأهلى بس اعتقد انه هيرفض يقعد احتياطى لأمير
فكرة عودة الحضرى مرفوضة لأن مش معقول يحرس مرمى الأهلى حارس الجماهير هتفضل تشتمه طول الماتش
أعتذر للإطالة

كلام جميل يا ادمن
ونورت الموضوع

» إكرامي يعرض ابنه "شريف" لخلافة الحضري
» ناجى يراهن على عودة أمجاد الحراس العمالقة
» تدريب الخميس:خروج جيلبرتو من المران وتقسيمة بدون الحراس
» أصدقاء الحضري لـAhlyNews.com: الحضري يعود مساء اليوم
» غزه تحطم مراره الحصار في حب الاهلي وتطلق رابطه مشجعي الاهلي في فلسطين