بكاء هستيري لأبو تريكة عقب نهاية المباراة

فور انتهاء المباراة : أبو تريكة يدخل في نوبة بكاء هستيرية .. والخطيب وسليم يسألان اللاعبين "ماذا حدث"؟

كتب : الأهلى.كوم

</TD>
<td width="11%">[ندعوك للتسجيل في المنتدى أو التعريف بنفسك لمعاينة هذا الرابط]</TD>
<td width="38%">

Saturday, December 13, 2008

</TD>
<td width="38%">

عدد مرات القراءة : 5616

</TD></TR></TABLE>

<table cellSpacing=2 cellPadding=2 width="20%" align=left border=0><TR>
<td class=images>

window.google_render_ad();
</TD></TR></TABLE>

رسالة طوكيو لـEl-Ahly.com - برعاية انتر سبورت : دخل محمد أبو تريكة نجم الفريق الأول لكرة القدم بالنادي الأهلي في نوبة بكاء شديدة بمجرد انتهاء مباراة الأهلي وباتشوكا المكسيكي في بطولة كأس العالم للأندية باليابان والتي انتهت بفوز البطل المكسيكي بأربعة أهداف مقابل هدفين.

ولم يتمالك أبو تريكة نفسه بمجرد انتهاء المباراة وأجهش في البكاء في الوقت الذي ساد فيه الصمت والهول على جميع اللاعبين بسبب الخسارة غير مصدقين أنهم فرطوا في الفوز الذي كان بين متناولهم عقب تقدمهم في الشوط الأول بهدفين دون مقابل.

ومن المنتظر أن يعقد الكابتن محمود الخطيب نائب رئيس مجلس ادارة النادي الأهلي ورئيس البعثة والكابتن طارق سليم عضو لجنة الكرة جلسة عاجلة مع اللاعبين لمناقشة أسباب التحول المفاجيء في النتيجة وانقلاب المباراة من فوز سهل الى هزيمة كبيرة.

وسيحاول الخطيب وسليم الشد من أزر اللاعبين والتأكيد على أهمية تحقيق الفوز في مباراة الخميس المقبل في مباراة تحديد المركزين الخامس والسادس من أجل الحفاظ على ماء الوجه خاصة وأن العودة بالمركز السادس لن يكون أمراً مقبولاً بالمرة من الجمهور الأهلاوي.

أخبار الأهلي في اليابان برعاية انتر سبورت

حسبي الله ونعم الوكيل فيكم

حد شاف الماتش يا جماعه
يعني ازاي نبقي غالبين 2 - 0 وبعدين يدخل فينا 4 في شوط واحد
يعني الدفاع السبب برده ولا تغيرات غلط ولا حصل ايه بالظبط ؟؟؟؟؟؟؟؟؟؟؟؟؟؟؟

انا شفتة يا رانيا دخلوا جونين في الشوط التاني بعدين لعبنا وقت اضافي في اول شوط جابوا جون وفي الشوط التاني جون اخطاء دفاعية بلهبل وكمان وسط الملعب ضاااااااااايع غير تغيرات جوزية المتخلفة

المشكلة النهاردة مش كانت اخطاء الدفاع ولا حتي أمير برغم انه مسئول 100% عن الجون التاني
رأيي ان المشكلة الحقيقية كانت خط الوسط النهاردة كان زي الزفت وأسوأ واحد في الملعب هو اللي استمر لاخر الماتش اللي هو حسام عاشور
أحمد حسن برضه فيه مشكلة مش فاهمة ايه اللي بيحصل له ولا دي فذلكة ولا ايه
ملحقناش نشوف فتحي وجلبيرتو لما نزلوا في وسط الملعب لأن التغيير كان سريع جدا
تريكة وبركات مش في مستواهم وده العادي برضه في الفترة اللي فاتت بالنسبة لتريكة لكن بركات كان عندي امل كبير فيه
فلافيو هايعمل ايه لوحده ... مش معقول مفيش مهاجم في الأهلي عاجب جوزيه يثبته جنب فلافيو
طريقة اللعب كانت غلط في غلط خلتنا مضغوطين طول الماتش
التغييرات سيئة جدا جدا وجوزية تقريبا بيتفرج زينا أو مش لاقي حاجة يعملها
لما نزل فتحي وبعده جلبيرتو في نص الملعب ايه السرعة اللي عمل بها باقي التغييرات دي طول الوقت بيحاول يصح غلطة واحدة بمليون غلطة تانية
باتشوكا فريق كويس مش سئ زي ما بيقولوا سريع وقوي طيب حتي كنا ندافع صح ونقدر نوزع مجهودنا علي الماتش كله سمحنا لهم يعدمونا العافية في الشوط الاول ومكناش قادرين نمشي مش نجري في باقي الماتش

فيه حاجة مهمة نسيتها
انذار أبو تريكة
بالرغم من ان الكورة دي كانت فاول فعلا لكن اعتقد ان من كثر قوعه وتمثيله الحكم اخد موقف منه
مفيش حد يواجه الراجل ده بانه ماشي في سكة جمال حمزة

عايز أعلق على ماتش الأهلي و باتشوكا ... مش معقول جوزيه يجامل أحمد حسن على حساب الأهلي و يصبر عليه و مايرضاش يغيره أكثر من نصف ساعة مضغوطين لغاية ما نتعادل و خاصةً إن حسام عاشور كان سييء جدا هو كمان و يقعد حسين علي و إينو يتفرجوا (و طبعاً كان مستبعد بوجلبان) و كمان فرحنا إنه نقل أحمد فتحي و بعده جيلبرتو لنصف الملعب و لم تمر دقيقة واحدة و قام بتغييرهم ..... أنا مش زعلان قوي من الخسارة لكن كان ممكن نفوز و السبب في الهزيمة هم: جوزيه السييء في هذا الماتش و الهافات ديفندرات السيئين أحمد حسن و حسام عاشور اللي ظلموا المدافعين جدا النهارده..و طبعا أمير (هدف أول تعبان و حائط صد واقف خطأ في الهدف الثاني)... و أحترم فريق باتشوكا جدا خاصة خط الوسط و الهجوم و طبعاً مديرهم الفني اللي تفوق على جوزيه المنتشي بنفسه ... و آسف جداً على الإطالة

آسف جدا ... شكرا لمروركم الجميل

انا مخنوق

معلش يا بشمهندس علشان جوزيه هو اللي يفوق لنفسه ... اللعيبة مش غلطانة هو اللي تأخر في تغيير أحمد حسن و لما غير عك الدنيا و بوظ الفرقة و لازم يدي اللعيبة المستبعدة فرصة و ينزل بمتوسط أعمار الفريق علشان عجزنا فعلا ... و شكرا لمرورك الجميل

انا قرفان وزهقت ومخنوق ومتنيل بستين نيله

تحليل رائع وواعى من الخبيرة والحكيم
لكن إسمحولى .. اللى شفته ماكانش الأهلى .. ومن أول الماتش مش من الشوط التانى
عمرى ما شفت الأهلى بالرعب والتقل ده حتى وهو بيلاعب برشلونة وريال مدريد
أى مواجهة مشتركة داخل الملعب بتكون لصالح باتشوكا
لا لياقة ولا قوة ولا سرعة ولا حاجة
اللى بيتكلموا عن عامل السن مش هو السبب
أسوأ لعيبة (بعد حسن) فى المباراة كانوا الصغيرين .. فتحى وحسام عاشور
أمير ماكانش فى يومه .. جلبرتو كان فى أسوأ حالاته
خط الدفاع كان زى الزفت ومرعوش
اللاعب الوحيد السريع فى الملعب كان بركات (31 سنة)
أول مرة أشوف جوزيه عاجز قدام أشباح لعيبة
التحكيم فرق معانا فى النتيجة صحيح بإلغاء هدف بركات اللى كان هايخلص الماتش
لكن مين يقدر يقول إننا كنا نستحق ولو حتى التعادل
لكن المهم النهاردة نتجاوز السقطة ونفوق ونقف بسرعة
مشكور حكيم المنتدى للمتابعة .. وآسف أنا كمان للإطالة

شكرا لمرورك الجميل يا أخ شريف ... بس جوزيه هو الأسوأ و هو اللي عمل فينا كده

ايووووووووووووووووووووووه يا شريف

اخيرا حد قال اننا سيئين من اول الماتش

مش الشوط التاني بس

كنت هاتجنن من اللي بيتقال اننا لعبنا الشوط الأول كويس

احنا اصلا ما لعبناش لا كويس ولا وحش

وحتي لو جون بركات اتحسب كانوا هايتعادلوا ويفوزوا

احنا مكناش موجودين

ماتزعلوش يا أهلاويه

اليوم ماكانش يومنا واللاعيبه كلهم وحشين
كان جوزيه هايعمل إيه هايغير الفرقه كلها
أمير كان سئ وشادى وأحمد السيد ووائل جمعه اللى قولنا عليه انه كان كويس تسبب فى الهدف الرابع بغباء وقضى على أى أمل للأهلى وسئ معوق اللى نزل وجاب الخير كله معاه وخط الوسط يا حسرتاه على خط الوسط اللى ماحضروش الماتش كان مع المتفرجين .
أتمنى عودة الأهلى سريعا وأن يفوق من الغيبوبة التى فيها ويبحث عن مدافعين جيدين

رب ضارة نافعة و يمكن المباراة دي تفوق لجنة الكرة و جوزيه و يتعاقدوا مع مدافعين و ينزلوا بمتوسط أعمار الفريق اللي فعلا بقى عجوز و مايقدرش يجاري قوة الشباب ... و شكرا لمرورك الجميل يا أخ وائل

ربنا يسامحهم انا كنت ماشى النا بتضحك على فى الشارع و انا عمال الطم مع كل هدف و ابرطم و ازعق زى المجانين لان كنت باسمع الماتش فى الشباب و الرياضه و المعلق هشام فتحى ده كنت حاسس انه من المكسيك سايب الماتش وعمال يهيص لمدرب باتشوكا و ذكاؤه و تغييراته (بغض النظر انه معاه حق لكن ساعة الماتش كان مستفز جدا)

طبعا بعد التحليلات الواعيه من الخبيره و الحكيم و المايسترو مفيش حاجه اقولها غير يا رب استر علينا من اللى جاى

» شعبيته بلا حدود : فريق الطائرة الكينى يتابع تدريبات الأهلى ويهتف لأبو تريكة
» اختبار طبى لأبو تريكة غداً لتحديد موقفه من لقاء القمة
» اختبار طبى لأبو تريكة اليوم لتحديد موقفه من لقاء القمة
» في مران الخميس : عودة الدوليين للمشاركة .. واللاعبون بقيمون إحتفالاً لأبو تريكة
» خاص - جوزيه لأبو تريكة : كلما تقدمت في العمر ضع محمد بركات أمام عينيك