جوزية يجدد طلبه بسرعة ضم ليبرو في إنتقالات يناير

hazemsoliman كتب:

يا مسهل يا رب بس فعلا بادور على حد عدل مش لاقى

انا اعرف لاعب موهبة حقيقية ياحازم هو في جدة حاليا ليبرو خطير ومهارات ولا اروع وسرعة محصلتش
ومش هياخد كتير يادوب مليون ونص يورو واسمه الاول (وائــــــــــل )

بجد انا زهقت مفيش حد في مصر كلها ينفع ليبرو كل اللاعيبة على قدها حتى الاسماء المكتوبة في الموضوع متشجعش كلهم لعيبة على قدهم خصوصا ليبرو الشمس دا بجد مت على نفس من الضحك الشمس اللي بيتغلب من طوب الارض في الدرجة الثانية نجيب الليبرو بتاعه طيب مبالمبره نجيب ليبرو المريخ كمان احتياطي له

شكرا رباب على الموضوع

ROBOS كتب:

انا موافقة يا وائل علي شروطك المالية
بس علي شرط
لك المليون يورو ولحبابيبك اعضاء المنتدي النص مليون يتقسم عليهم بالتساوي
وافق واحنا نبدأ نعمل لك حملة دعاية ما حصلتش

نص مليون بحالهم ايه الطمع دا
ياسلام يارباب يعني انا العب واعرق واتبهدل وانتم تاخدوا ثلث المبلغ طيب قول 10 يورو لكل واحد كدا تكون مقبولة

اظن ان اقربهم نادر العشري مع انة مش كويس اوي يعني بس محتاجين كمان مساك يا جماعة مش ليبرو بس لان شادي لازم يعتزل خلاص ووائل سنة كمان وهيخلص

ممكن نجيب ليبرو افريقى قوى مش لازم يكون مصرى لان تقريبا مصر مافيهاش الا اتنين ليبرو دلوقتى واحد مصاب ربنا يشفيه والتانى بيلعب فى الزبالك وهو قرفان

sherifalwakkad كتب:

waelzewela كتب:

ROBOS كتب:

انا موافقة يا وائل علي شروطك المالية
بس علي شرط
لك المليون يورو ولحبابيبك اعضاء المنتدي النص مليون يتقسم عليهم بالتساوي
وافق واحنا نبدأ نعمل لك حملة دعاية ما حصلتش

نص مليون بحالهم ايه الطمع دا
ياسلام يارباب يعني انا العب واعرق واتبهدل وانتم تاخدوا ثلث المبلغ طيب قول 10 يورو لكل واحد كدا تكون مقبولة

بقى كده .. طيب خليك فى جده بقى
داحنا كنا هانسيبلك المليون يورو بس علشان تتجوز وأمرنا لله
لكن مادام مش عاجبك إنت حر
قال 10 يورو قال

اي دا بأه دا بأه دا بأه دا بأه ده ماشي ياشريف طيب ايه رأيك القيعي لما يكلمني هقله يانا ياشريف في الاهلي ....وبعدين تعالى هنا يااستاذ فين العزومة ولا هو كلام بس على الفاضي اصلا انت موقوفه عضويتك لحد ماتعمل العزومة وانبسط ياجميل كنت خد ال10 يورو واسكت

بالنسبة لليبرو مفيش حد ينفع في مصر كلها ولا حتى هاني سعيد هاني بيلعب كويس بس في المنتخب عشان خطة حسن شحاتة دفاعية اكتر وبتعتمد على تراجع لاعبي الوسط مع الدفاع والدليل انا لمنتخب لما بيهاجم ويفتح خطوطه بيكون سهل يحرز فيه اهداف وبالنسبة لليبرو من افريقيا ففيها مخاطرة فاغلب اندية ومنتخبات افريقيا اضعف خطوطها دفاعها
رأيي مثل ما قال دكتور مراد سابقا نحاول ان نبحث عن اي ليبرو في قطاع الناشئين ونصبر عليه بس يارب يلاقوا

Admin كتب:

هرجع و أقول تانى قطاع الناشئين عندنا مليان مدافعين ليه ما يحصلش انتقاء لأفضل العناصر و يتم تصعيدهم للفريق الأول و ليكن مثلاً 2 شباب فى مركز الليبرو و نبدأ نركز معاهم فى التدريبات و المباريات لحد ما واحد فيهم يجيب مستوى كويس و نثبته
هو ده الحل الوحيد فى حالة عدم التعاقد مع هانى سعيد
انا سمعت طراطيش كلام كدا ان هيبقى فيه صفقة تبادلية بين الأهلى و الزمالك
هيبدلوا حسن مصطفى بهانى سعيد
و الله اعلم

معاك في تصعيد اثنين ناشئين يا Admin ونصبر عليهم بس يارب يلاقوا ومش معاك في موضوع الصفقة التبادلية والله حسن مصطفى خسارة يروح مننا وهاني سعيد مش هينفع مع الاهلي هاني بطيء والاهلي محتاج ليبرو سريع هاني مع المنتخب بس لان خطت المنتخب دفاعية اكتر فالدفاع بيكون مليان عكس الاهلي اوقات بيكون 3 او 2 بس في الخلف لما الاهلي بيهاجم

sherifalwakkad كتب:

ماهو محمد سمير يا خوانا من قطاع الناشئين
وصابرين عليه من سنتين ومافيش فايده
الحل الأضمن إننا نغير فى المراكز .. فتحى أو أحمد حسن أو عاشور ممكن يلعبوا ليبرو
ولو حتى متقدم قدام المساكين .. لحد ما ربنا يسهل ونلاقى ليبرو كويس
وكده نحل كمان مشكلة الوسط المتخم باللعيبة

دا اللي بقول عليه ياشريف ان القطاع نفسه اثبت فشله في تقديم لاعبين وعشان كدا لازم يتنسف ويتكون من اول وجديد من غير مجاملات ... فكرة احمد فتحي او عاشور يلعبو ليبرو متقدم صعبة تنفيذها في وسط الموسم لانها محتاجة استيعاب ولو تتذكر اللي حصل في مباراة الشرطة لما طلع وائل جمعة وانفتح خط الظهر
رأيي بس ماحدش يضرب طوب انا فاكر ان رامي عادل كان ليبر كويس اوي في المقاولون ودا مركزه الاصلي اللي تألق فيه ومكانش بيلعب مساك ابدا مانجرب يلعب ليبرو ويكون امامه وائل واحمد السيد او شادي خاصة وان دا المتوفر حاليا

sherifalwakkad كتب:

ياعم وائل إنت بتتكلم فى إيه بس .. الناس بتتكلم فى نص مليون يورو .. وإنت تقوللى عزومة
وماتضيعش نفسك .. الأهلى ماعندوش يا أنا يا فلان
عايز تقول الكلمة دى .. روح إلعب فى مركز شباب ميت عقبة

اصل عزومتك ياشريف تسوى عندي مليون يورو وبعدين بيقلك عصفور في اليد شفت بخل قد كدا

صحيح ياشريف هو مركز شباب ميت عقبة دا الزمالك سابقا

Admin كتب:

أحترم رأيكم كلكم يا جماعة بس لو كدا يبقى احنا نقفل قطاع الناشئين كله أحسن
نوفر مرتبات اللاعيبة و لبسهم و مرتبات المدربين كمان
المشكلة اننا ديماً بنسمع عن فرق شباب و ناشئين الأهلى أبطال الجمهورية و دورى القطاعات طب فين دول بقا
و انا على فكرة ضد فكرة ان قطاع الناشئين فاشل لأنه لو فاشل مكنش خرج حسام و إبراهيم حسن و سيد عبد الحفيظ و هادى خشبة و أمير عبد الحميد و أحمد السيد و محمد فاروق و أحمد سمير فرج و هشام حنفى و حسام عاشور و أحمد بلال و عماد متعب و محمد فضل و هانى سعيد و حسن مصطفى و أحمد صديق و حسام غالى و غيرهم كتير مش فاكر اساميهم دلوقتى
فيها ايه لما نتنازل عن البطولات سنة واحدة فى سبيل تكوين فريق جديد و النزول بمتوسط أعمار الفريق ككل
دلوقتى احنا عندنا شادى 31 و بركات 32 و تريكة 30 و وائل 35 فلافيو 30 أحمد حسن 33 أحمد السيد 28
عايزين نشوف أعمار 23 و 24 و 25 كتير فى الفرقة لأن همة دول اللى هيكونوا فريق قوى و مستقبل كبير للفريق

زي ماقال شريف يا شاذلي احنا مش بننادي نقفل القطاع احنا بس مخنوقين من مدربين كتير موجودين وملهمش لازمة في القطاع بامارة ايه ه موجودين ونادي بحجم الاهلي مش قادر يطلع ليبرو ياراجل دا الاهلي بقاله 3 سنين بيدور على باك شمال يسند جلبرتو مش عارف ومتقولش جوزيه ولا اي مدير فني السبب لانه مبيعتمدش على الناشئين لا الناشئين انفسهم مستواهم وحش والدليل انهم لما بيخرجوا من الاهلي مبنسمعش عنهم تاني لازم يتغير فكر القطاع ككل لازم التريكبة والمفهوم نفسه يتغير لازم ناس بتفهم صح في اختيار اللاعبين تمسك القطاع ..اما موضوع الجماهير تصبر سنة ونخسر بطولات الى ان نكون فريق جديد فالموضوع باذن الله مش محتاج لان الوضع الان مختلف عن الوضع ايام بونفرير واوليفيرا فوقتها الاهلي كان يعاني من نقص اللاعبين المميزين في اماكن كثيرن اما الان والحمدلله فالفريق متماسك وقوي لكنه بيعاني حاليا في مركز واحد وهو الليبرو لكن انا معاك ان اعمار الفريق كبرت بس المهم العطاء بركات 32 سنة ماشاء الله لكنه اكتر لاعب في الدوري المصري سرعة ونشاط وكذلك احمد حسن لكن دا مايمنعش تدعيم الفريق بلاعبين صغار كالعجيزي يستووا مع اللاعبين الكبار ويكبروا وسطهم ويتحملوا المسئويةل بعدهم بس هم فين هي دي المشكلة لازم نعترف ان قطاع الناشئين بالاهلي حاليا هو قطاع فاشل ويجب هدمه واعادة بناءه من جديد

[quote="sherifalwakkad"][quote="waelzewela"]

sherifalwakkad كتب:

هههههه إنت بتاكلنى بدل الغدا يا وائل
والله شكلك هاتطلع دمياطى فى الآخر ومكسوف تقول
عموما ماتحاولش .. النص مليون كاش وعلى الترابيزة لأعضاء المنتدى
وإلا هاتتعمل حملة فى المنتدى ومظاهرات لمنع الإدارة من التعاقد معاك
أما عن مركز شباب ميت عقبة فهو فعلا كان زمان إسمه الزمالك
بس لسة فيه مشكلة فى إعتماد الإسم الجديد
مراكز الشباب مش موافقة يلعب معاها

دمياطي ما افتكرش انا شرقاوي بس ملعوب في جيناتي شوية ... وبعدين ولا حملة ولا غيره
مش عايزين تدفعولي مليون ونصف هروح لبيسو حبيبي واقنعه اني بلعب في الدرجة الثالثة في الدوري الاسباني وهتشوفوا هيعملي عقد زي اجوجو وكمان عربية هامر زيه وهتشوفوني بالفانلة البيضاء يااهلوية وبكرة تندموا

يخرب بيت عقل شيطانك ياشريف موتني ضحك على موضوع مراكز الشباب مش موافقة الزمالك يلعب معاها
بس انا سمعت غير كدا ان الزمالك معترض على المشاركة عشان مش راضيين يدوله لقب مركز شباب القرن