الاهلى يقترب بشدة من إنهاء صفقة كاميليو مهاجم القطن

<H1>محدث : الاهلى يقترب بشدة من إنهاء صفقة كاميليو مهاجم القطن


أخر تحديث فىالثلاثاء 02, ديسمبر 2008 , 18:05
كتبه : ضياء الدين محمد , فى الثلاثاء 02, ديسمبر 2008 , 17:47


علم AhlyNews.com أن النادى الأهلى إقترب بشدة من جلب مهاجم القطن الكاميرونى داودا كاميلو ، ليصبح اللاعب الأجنبى فى الاهلى خاصةً بعد أن تأكد رحيل أبو جلبان عن صفوف الفريق خلال يناير القادم.








و علمنا أن مسئولوا القطن الكاميرونى طلبوا مبلغاً و قدره 550 الف دولار من إجل الإستغناء عن اللاعب ، و لكن مسئولى الأهلى نجحوا فى تخفيض المبلغ الى 350 الف دولار.



الجدير بالذكر أن اللاعب تلقى العديد من العروض من أندية خليجية و عرض من نادى هولندى ، و لكن رغبة اللاعب فى الإنتقال الى بطل أفريقيا أجبرت مسئوليه على القبول بأنتقاله للأحمر.



و كنا فى AhlyNews.com قد علمنا عن عقد جلسة مع اللاعب داخل النادى أثناء مباراة الاهلى و جاسكو الودية و لكننا لم ننشر ما لدينا من المعلومات حتى لا تفشل الصفقة و حتى لا نؤثر على مهاجمى الفريق و لاعبيه الأجانب قبل مباراة نهائى دورى أبطال أفريقيا.



و من المنتظر أن يعلن الأهلى عن صفقة ضم كاميليو "الذى كنا قد أعلننا فى AhlyNews.com من قبل [ندعوك للتسجيل في المنتدى أو التعريف بنفسك لمعاينة هذا الرابط] " خلال الأيام القليلة القادمة ، بعد الأنتهاء من الرتوش الأخيرة لإنهاء الصفقة.
</H1>

اجة تخنق فعلا يبقى بقى مانلومش الا على نفسنا لو النادى انهار واللعيبة كلها مشيت منه

انا بحس ان جوزيه ده بيشوف حاجه غير الاهلويه كلهم مصر كلها بتقول ان الاهلى محتاج مدافعين وهو بيدور على مهاجمين وعجبى هههههههههه

Admin كتب:

يا جماعة الصفقة مش مؤكدة لحد دلوقتى
و بعدين كثرة المهاجمين مش مشكلة خللى لجنة الكورة تجيب مهاجمين لما فجأة هيطفشوا كلهم و هندور نشحت مهاجمين بعد كدا
انا بشوف على قناة الأهلى مباريات شباب الأهلى 21 و 19 سنة بصراحة فيه شوية شباب زى الورد فى قطاع الناشئين
أجسام قوية و فكر كروى عالى و ده بالإضافة لأنهم أبناء النادى يعنى عارفين قيمة الفانلة الحمرا
فيها ايه لما نصعد 2 ناشئين واحد ليبرو و اوحد مساك و نبدأ نصبر عليهم و نلعبهم جنب وائل و شادى و السيد هياخدوا الخبرة و النادى هيستفيد بمدافعين صغيرين فى السن
كمان فى مهاجم اسمه حسام فتحى فى فريق 19 سنة ده ولد خطير و هداف و بيفكرنى ببلال فى بداياته ياريت نصعده بدل ما نشترى من برة
مشكوووووووورة ام سيوفة

فكرة رائعة وتستحق النظر فيها وياريت فعلا تحصل لكن فقط
في مشكلة هل هناك في الناشئين من يستطيع ان يلعب في الفريق الاول ؟؟؟

Dr Mourad كتب:

أنت بتأذن في مالطة يا أدمن ... جوزيه خلاص لغى قطاع الناشئين من تفكيره و من زمان ... الله يرحم مدرسة ناشئين الأهلي اللي كانت كل سنة تطلعلنا نجوم ...هادي خشبة -سيد عبد الحفيظ - محمد فاروق - بلال - متعب - أحمد السيد .........- لكن ده كان زمان !!!! (أليست هذه النقطة من أكبر عيوب جوزيه؟!!!)

وذنبه ايه جوزيه يادكتور اذا كان مدرب الشباب فتحي مبروك بيشكتي من سوء مستوى لاعبيه وانهم سبب هزايم الفريق في دوري الشباب وبعدين مانشوف اللاعبين اللي استغنى الاهلي عنهم من ناشئيه فينهم دلوقتي وبيعملوا ايه كلهم اختفوا ولم يلفتوا الانظار المشكلة يادكتور في قطاع الناشئين نفسه مش في جوزيه ماحسام عاشور من قطاع الناشئين لما اثبت نفسه اصبح من ال11 الاساسي وكذلك متعب واحمد السيد وغيرهم الفكرة في مستوى اللاعبين الناشئين نفسه وفي من يختارهم من الاساس اعتقد ان المطلوب هو غربلة قطاع الناشئين كله من اول مديره احمد ماهر الى اصغر مدرب فيه وتكوين القطاع من جديد ليعود مثل الماضي مورد للاعبي الاهلي في الفريق الاول المشكلة يادكتور في كم المجاملات في اختيار المدربين لهذا القطاع ...