حسام حسن يقنع "دروجبا" بالإنضمام للمصرى

<H1>خاص لـAhlyNews.com: حسام حسن يقنع "دروجبا" بالإنضمام للمصرى

أخر تحديث فىالثلاثاء 30, نوفمبر 1999 , 00:00
كتبه : ضياء الدين محمد , فى الإثنين 01, ديسمبر 2008 , 15:30

علم AhlyNews.com أن المدير الفنى للمصرى حسام حسن عقد جلسة مع مهاجم الفريق الأول بالنادى الأهلى أحمد حسن فرج "دروجبا" ، و أنه – أى حسام- تمكن من إقناع اللاعب بالإنتقال الى صفوف المصرى خلال يناير القادم.

[ندعوك للتسجيل في المنتدى أو التعريف بنفسك لمعاينة هذه الصورة]
دروجبا أثناء مشاركته مع الأهلى فى أحد اللقائات الودية

window.google_render_ad();

و قد أستغل مهاجم الأهلى و الزمالك الأسبق عدم مشاركة اللاعب كأساسى مع الأهلى ، بجانب الغضب الذى ينتاب اللاعب من عدم إعتماد الجهاز الفنى للأحمر عليه ، و نجح فى إقناعه بترك الاهلى.

وكان دروجبا قد صرح مسبقاً بأنه ينوى الرحيل فى يناير القادم فى ظل عدم مشاركته بصفة أساسية مما أثر على مستواه و جعله يبتعد عن منتخب مصر.

و أعلن اللاعب أنه سيعقد جلسة فى أقرب وقت مع الكابتن حسام البدرى لطرح مسألة إنتقاله الى صفوف المصرى و معرفة موقف لجنة الكرة من هذا العرض ، و ان كان اللاعب يتمنى الموافقة عليه خاصةً فى ظل وضوح نية جوزيه عدم الإعتماد عليه و عدم قيده فى قائمة الفريق المسافرة لليابان.

ومن المتوقع أن تتم الموافقة على إنتقال اللاعب ، و لكن ليس بصورة نهائية و أنما على سبيل الإعارة لمدة 6 أشهر.

</H1>

ده عند أمه يا أدهم
إحنا نولع فيه ولا ياخده سيادة العبيط

وبعدين دروجبا هايبقى له دور مهم السنة دى .. وإفتكروا كلامى
ماعندناش النهارده مهاجم صريح ينفع غير هو وفلافيو
وده دور الخبير النفسى .. لازم يقنعه بالصبر لأن هو مستقبل الأهلى الفترة الجاية
مشكورة أم الأمامير الماسية للمتابعة المستمرة

الا العبيط علي رأي شريف
يا رب يكون كلامك صح يا ماسيترو
وما يكونش جوزيه ناوي يموته خالص

عند ماما نوسة

مظنش جوزية هيسيبة مع انه مش بيشارك بس جوزية ناوي علي حاجة وابقوا قولوا نوران قالت

يعني ندور على الطبيب النفسي بينما لو لعبناه بعض الماتشات كان زمانه نجم و كان زمانه سعيد جدا بوجوده في الأهلي !!! .... اللي محتاج طبيب نفسي هو جوزيه لأنه أصابه الغرور و داء العظمة و أصبح لا يحترم اللعيبة و يعتبرهم لعبة في إيديه ... أنا لو مكان دروجبا و سوري في اللفظ (طز في أى حد بس ألعب أساسي و أتألق و أرجع نجم و أرجع أنضم للمنتخب) ... مش كفاية إنه فضلنا على الزبالك كمان نهمله كل الإهمال ده ؟!!! ... طيب قارنوه كده بأسامة حسني و بلال و شوفوا المقارنة هتبقى لصالح مين !!! ... الظلم وحش!!!

يا دكتوووووووور انا عذراك عشان حرقة الدم بس دي تاني مرة تشتم الاهلي والموضوع ده مرفوض خالص خالص حتي او الاهلي نزل درجة تانية مش عجبك الاهلي مش تشجعة وياريت يبقي في كلام في الموضوع ده !!!!!!!!!

أنا بأقول لو أنا مكانه هفكر إزاي و ليست شتيمة للأهلي ... هو فيه لاعب يرضى يقعد على الدكة او خارج التشكيل حتى لو في ريال مدريد ؟!!! ... ثانيا الأهلي ده مش حاجة مقدسة ولا معصومة يعني بيخطيء زيه زي أي حد و من حق أي حد ينتقده!!!

بظبط انتقاااااااد مش سب وبعدين حضرتك انتقد وقول حلول وكلنات نتناقش زي عدتنا في كل مشكلة للاهلي واظن المنتدي ده الشاذلي عملة عشان كده

الحل بسيط جدا ... يوزع الماتشات على اللعيبة بالعدل بما لا يؤثر على التجانس و التفاهم و يبطل يظلم حد و يبطل يجامل حد و يبطل يلعب برأس حربة واحد من بعد ما مشي متعب (دي لوحدها اهانة لباقي المهاجمين و كأنه لا يثق في قدراتهم و بيلعب بفلافيو فقط)!!!!... و بعدين يا نانو إذا كان حبنا للأهلي هيخلينا نقدسه او لا ننتقده يبقى مش حب و يبقى مش طبيعي!!!

يا جماعة مش عايزين ننساق ورا نفس الحفرة اللى بيحفرها الإعلام للأهلى

الدورى مافاتش منه للأهلى غير التلت

يعنى لسة قدامنا تلتين الدورى وكاس مصر وكاس العالم وسوبر أفريقيا

وكل لاعب هايلعب فى وقته

وهارجع أقول تانى .. إحنا مش عايشين معاهم فى التدريب ومانعرفش إيه اللى فى دماغهم

يا حكيم .. إن كانت ضريبة إنجازات جوزيه هى غروره زى مابتقول وعدم إعترافه بدلع النجوم

فندفعها من عينينا .. تمن رخيص قوى لكل البطولات دى

وأتمنى نصبر ونهدا ونشوف المستقبل فيه إيه

دروجبا لو مافهمش إن أسامة هايتركن وبلال مش هايطول ودوره جاى

يبقى لاعب غبى وتفكيره محدود وماينفعناش

ويا عصفورة .. أنا مع الحكيم إن الأهلى مش فوق النقد

صحيح أنا فاهم شعورك لأنه نفس شعورى

لكن الأهلى نفسه عودنا على إننا لازم نحترم رأى بعض

من حقى أعترض مع أى عضو على رأيه .. لكن مش من حقى أصادر على رأيه

خصوصا لو كان العضو إنسان بنحترمه ونقدره زى الحكيم

وبعد إذنك يا حكيم أنا عدلت بس الكلمة مراعاة لشعور الأعضاء (خاصة الشباب الغيور زى نوران)

يا اخ شريف ولا يهمك و عدل براحتك .. بس لازم تفهموا انها مش شتيمة أنا بأقول اللاعب اللي هيتركن هيفكر ازاي و في قرارة نفسه هيقول ايه و ليس هذا هو رأيي و ليست شتيمة للأهلي ... و الله لو تعرفوا أنا بأحب الأهلي قد ايه!!! أنا لما الأهلي بيتعادل او يتغلب بأرفض الأكل و دمي بيفور و وشي بيحمر و مزاجي بيتعكنن على الآخر و عمري في حياتي ما ضيعت وقت أو تركت مذاكرتي أو شغلي إلا فقط للنادي الأهلي و ماتشاته

والله عارف وحاسس بحبك يا حكيم .. وفاهم قصدك
وعارف إنك مابتقولش كده غير من إنفعالك من الماتشات اللى فاتت وخوفك على الأهلى
وإنك بتقول لسان حال أى لاعب فى الوضع ده هايقول إيه

وتعديل الكلمة ماغيرش معناها .. لكن بس خفف من حدتها

انا معاك طبعا يا مايسترو ومع الحكيم بس لازم يبقي في صبر بردوا يا جماعة ده جمهور نادي الزمالك علي الاقل لسة صابببببببببببر دول عندهم فعلا صبر ايووووووووب وانا مع حلك يا حكيم لازم جوزية يعمل كده بس خد بالك ده ممكن يبقي لية سلبيات زي عدم التجانس ولا اية رايك ؟

أولا جمهور الزبالك ماعندهوش صبر كل اللي فيها انهم قلالات الحيلة و فقدوا الأمل في فريقهم .. ثانيا لو كل ماتش يلعب اثنين من اللي عايزين يلعبوا و همه فعلا مميزين جدا لا اظن ان ده هيؤثر على التجانس بل بالعكس مع مرور الوقت هينسجموا مع الفريق و كمان هيبقى توزيع للجهد على كل اللعيبة ولا يحدث الاجهاد اللي بيحصل كل سنة و بيضطرنا نريح الدوليين و نلعب بالبدلاء و ننهزم كام ماتش من انبي و الاتحاد و الزبالك و المنجاوية و بكده كمان اللعيبة لا تتزمر و لا تطلب الرحيل (لكن طبعاً كل ده ولا على بال جوزيه العنيد!!!)

مين عارف ؟
إحنا مالعبناش لسة بعد بطولة أفريقيا غير ماتشين
أول واحد إدى الفرصة للمحمدى .. والتانى للعجيزى ورامى عادل
كانت النتيجة إن المحمدى لما مادخلش القايمة فى ماتش واحد طلع يلبخ
لو بيتعامل جوزيه بالمجاملة كان خد أنيس على حساب حسين على
لكن هو أدرى واحد بمصلحة الفريق
وكلنا لازم نقف وراه ونصبر ونشوف النتيجة
واحدة واحدة يا حكيم .. الإعلام الموجه بتاعنا هو اللى بيسخن اللعيبة وعايز يولعها
مانساعدهوش إحنا كمان

على فكرة يا حكيم .. يا ريت تدخل قسم المناسبات
فيه توبيك مهم جدا لنوران
يدل على عظمة جمهور الأهلى بجد
وبيدينى أمل كبير فى أجمل شباب أهلاوية

اوك حاضر هدخل و اشوفه

يا جماعة الاهلي علمنا
اللي بيضحك في الاخر بيضحك كثيرا

» إبراهيم حسن يقنع حسن مصطفى بالإنضمام للمصرى
» "ميهوب" يقنع "المحمدى" بالبقاء
» " دروجبا " الى الزمالك عبر " كوبري " إتحاد الشرطه ؟
» "شغل"حازم و"ميزان"حسام:أبرز ما قالوا شهر مارس
» الأهلى يتخلص من بدلائه :" دروجبا " يبحث عن عرض عربى