اسرار قايمة المونديال

كشف مصدر مسئول بالجهاز الفني لفريق الأهلي عن سر استبعاد نجم الفريق أنيس بوجلبان التونسي عن قائمة الفريق خلال بطولة كأس العالم للأندية والتي ستقام باليابان مطلع الشهر المقبل

وقال المصدر والذي رفض الافصاح عن اسمه لـEl-Ahly.com بأنه كان هناك اتفاق بين الجهاز الفني واللاعب على رحيل الاخير إلي الدوري التونسي والرحيل عن الاهلي خلال فترة الانتقالات الشتوية التي ستبدأ في يناير المقبل.

وأضاف نفس المصدر أن اللاعب وجه شكره الخاص للجهاز الفني والإدارة وطلب العودة لنادي الصفاقسي التونسي بعدما توصل لاتفاق معهم علي كل التفاصيل الخاصة بأنتقاله للفريق .. وقال أن خروج اللاعب لم يكن مفاجأة بالنسبة له لأنه علي علم بذلك من البداية وبناء علي رغبته.

من جانبه صرح أحمد سويلم وكيل أعمال انيس بوجلبان لـEl-Ahly.com أن اللاعب يمتلك بالفعل العديد من العروض التي سيتم مناقشتها من أجل الموافقة على أحدها في فترة الانتقالات الشتوية في يناير المقبل.

وأضاف سويلم أن أنيس قد لا يعود الى الصفاقسي بل قد ينتقل الى أحد الأندية الخليجية بعدما وصله أكثر من عرض من أندية الخليج رافضاً الافصاح عن اسم أي من الأندية وان أشار فقط الى أن العروض كلها متميزة وسيتم الوقوف على اسم الفريق الذي سينتقل اليه اللاعب في القريب العاجل.

أما بالنسبة لحسن مصطفى الذي استبعده الجهاز الفني أيضاً من القائمة فقد أكد خالد ذكري لـEl-Ahly.com أن قائمة اليابان قد حسمت الأمور بالنسبة لاستمرار موكله بين صفوف النادي الأهلي حيث أصبح رحيله عن الفريق أمراً منتهياً وبالفعل وصل للاعب عرض من نادي باناثانيكوس اليوناني ولكنه مازال في مراحله الأولى.

وأضاف ذكري أن اللاعب يمتلك أيضاً عروضاً تركية يتم مناقشتها في الوقت الحالي لاختيار أفضلهم وان كان العرض اليوناني في حال الوصول لمراحل متقدمة منه هو الأبرز ولكن الأمر كله متوقف على ما سيجري حتى موعد فترة الانتقالات بشهر يناير.

بوجلبان يمشى أوكى .. وطبعا يفضل مايكونش للصفاقسى علشان مايبقاش عميل فى ماتش السوبر
لكن حسن لو مشى هايروح الزمالك .. حتى لو محطة فى الأول
مشكور للمتابعة يا شعلة النشاط المميز

بس انا زعلان علشان انيس يا شريف
وربنا يخليك يا زعيم يسمع من بقك ربنا

كله كلام فى كلام ماتعرفشى الحقيقه فين يادقدق

شكرا يا باشمهندس على مجهودك

الله يخليك يا استاذ وائل
وشكرا يا ابو عمر علي المرور الكريم

عميل إزاي يا أخ شريف؟!! الماتش في فبراير و ساعتها هيكون لاعب رسمي في الصفاقسي و ده شيء طبيعي في عالم كرة القدم

شريف قصده انه يقول اسرار الفريق

عادي يا جماعة يعني هي أسرار حربية ؟ لو الأهلي في حالته بيفوز على أي فريق و لو مش في حالتة و جوزيه بيعك و بيستخدم خطة الإبداع العكسي اللي قرفتنا السنة دي بيتغلب من أي فريق (المصري-الشرطة-تعادل مع المقاولين مطرود منهم إثنين) ... يعني مش هتفرق الأسرار في شيء المهم نبطل خطة الإبداع العكسي الغبية دي و نرجع نلعب بإثنين مهاجمين

أيوة يا حكيم
لما تبقى فرقة غريبة مش من الدورى المصرى تبقى أسرار
هو معاشر اللعيبة وعايش معاهم فى التدريبات .. وعارف نقط ضعفهم وتعليمات جوزيه وطريقة تدريبه
حاجات ماتبانش فى الشرايط
مثلا عارف إيه الكلمة اللى ممكن تخرج زميله عن شعوره ولو قالها تعصبه
عارف لو لعب أحمد عادل مثلا بدل أمير إيه نقط ضعفه اللى هما مايعرفوش عنها حاجة
وغيرها من أسرار الفريق اللى مايعرفهاش غير واحد معاشرهم
أو على الأقل لعب قدامهم فى الدورى أكتر من ماتش
ده قصدى .. طبعا هو ده الإحتراف
لكن مش محتاج أفكرك اللاعب اللى بنسيبه ويلعب قدامنا بيبقى عامل إزاى
لسة مانسيناش أحمد شديد قناوى وأحمد جلال وشيتوس وحسن مصطفى قبل ما يرجع والقايمة طويلة

sherifalwakkad كتب:: أيوة يا حكيم
لما تبقى فرقة غريبة مش من الدورى المصرى تبقى أسرار
هو معاشر اللعيبة وعايش معاهم فى التدريبات .. وعارف نقط ضعفهم وتعليمات جوزيه وطريقة تدريبه
حاجات ماتبانش فى الشرايط
مثلا عارف إيه الكلمة اللى ممكن تخرج زميله عن شعوره ولو قالها تعصبه
عارف لو لعب أحمد عادل مثلا بدل أمير إيه نقط ضعفه اللى هما مايعرفوش عنها حاجة
وغيرها من أسرار الفريق اللى مايعرفهاش غير واحد معاشرهم
أو على الأقل لعب قدامهم فى الدورى أكتر من ماتش
ده قصدى .. طبعا هو ده الإحتراف
لكن مش محتاج أفكرك اللاعب اللى بنسيبه ويلعب قدامنا بيبقى عامل إزاى
لسة مانسيناش أحمد شديد قناوى وأحمد جلال وشيتوس وحسن مصطفى قبل ما يرجع والقايمة طويلة

هو ده الكلام يا مايسترو

انيس رحيكم ومشي مع اني زعلانة علية جداااااااااااا وحسن اظن ان ملوش مكان خلاص للاسف وانا مع راي المايسترو في حاجات لحد لدوقتي محدش عارف الاهلي بيعملها ازي او بيلعب بالطريقة دي لية وبيحاولوا التكهن بس واكيد انيس عارف الحاجات دي واسرار القوة والضعف في فريق الاهلي ودي هتبقي نقطة ضد الاهلي ربنا يستر

مشكورة للمرور والرد الفاهم يا نانو

» من اسرار لا اله الا الله
» خشبه:مصير كاميللو يتحدد بعد المونديال
» الأهل نيولوك بعد المونديال.. ضم الجُدد واستبعاد بلال
» اسرار سوره الكهف
» مصير دروجبا يتحدد بعد المونديال