رأسية حسن تهدي الأهلي ثلاث نقاط ثمينة

رأسية حسن تهدي الأهلي ثلاث نقاط ثمينة

[ندعوك للتسجيل في المنتدى أو التعريف بنفسك لمعاينة هذا الرابط]

Written by محرر سوبركورة
Saturday, 08 November 2008
There are no translations available [ندعوك للتسجيل في المنتدى أو التعريف بنفسك لمعاينة هذه الصورة] أهدف أحمد حسن فريقه الأهلي ثلاث نقاط ثمينة بهدف قاتل في الدقيقة الأخيرة من لقاء المصرية للاتصالات مساء السبت انتهى بفوز الأهلي بثلاثة أهداف مقابل هدفين في منافسات المرحلة الحادية عشرة للدوري المصري. شهدت اللقاء منافسة شديدة وظهر المصرية للاتصالات ندا قويا للأهلي رغم أنه لعب 31 دقيقة بعشرة لاعبين لطرد وائل القباني. تقدم الأهلي مبكرا (9) عن طريق محمد أبوتريكة وتعادل وائل رياض شيتوس بضربة جزاء في الدقيقة الأخيرة من الشوط الأول ووضع وائل فريقه في المقدمة 65 لكن أبوتريكة (74) عاد وتعادل للأهلي، قبل أن ينقذ حسن النقاط الثلاث فريقه برأسية رائعة من عرضية البديل حسين ياسر. الشوط الأول لعب الأهلي بالتشكيلة الأساسية في آخر لقاء قبل لقاء القطن، وفي الدقيقة التاسعة يتلقى أبوتريكة كرة من نصف ملعب المصرية للإتصالات ويغمزها بمهارة وسط دفاعات الفريق المنافس وينفرد ويضع الكرة على يمين الحارس أمير توفيق. وكاد أحمد محسن من إدراك التعادل من فرصة خطيرة داخل المنطقة (43) لكنه أطاح بها فوق العارضة وسط اعتراضات من لاعبي المصرية للإتصالات بطلب ضربة جزاء. ويعود جهاد جريشة ويحتسب ضربة جزاء بسبب لمسة يد من أحمد السيد (45) سجل منها وائل رياض هدف التعادل للمصرية للإتصالات على يمين الحارس أمير عبدالحميد الذي ارتمى للناحية الأخرى. وعلى الفور يطلق الحكم صافرة الشوط الأول بالتعادل الإيجابي بهدف لكل فريق. الشوط الثاني يجري حلمي طولان تغييره الأول بخروج محمد عطية ونزول محمد إبراهيم، بينما أخرج جوزيه محمد بركات وأشرك أسامة حسني. يحتسب الحكم جهاد جريشة (57) ضربة حرة لمحمد أبوتريكة على خط منطقة الجزاء ويشهر البطاقة الصفراء لوائل القباني، لكن أبوتريكة نفسه يسدد بعيداً عن العارضة. وبعد دقيقتين يخطئ وائل القباني خطًأ قاتلاً عندما حاول مراوغة فلافيو فقطع الاخير الكرة ولم يجد القباني إلا عرقلته ومنع هجمة فحصل على البطاقة الحمراء مباشرة (59) ليلعب المصرية للإتصالات حتى نهاية اللقاء بعشرة لاعبين. ويجري جوزيه تغييره الثاني بنزول حسين ياسر بدلا من وائل جمعه (61)، ويحصل أحمد حسن لاعب الأهل على بطاقة صفراء (64). ويخرج سيد معوض ويحل محله جيلبترو (69)، ويضغط الأهلي ويرسل صديق عرضية متقنة يلعبها حسين ياسر برأسه بطريقة غريبة بعيدا عن المرمى. ويخطف أبوتريكة هدف التعادل (76) وينزل عمرو أنور ويخرج أحمد عمران (80)، ويحصل البديل حسين ياسر على بطاقة صفراء لمحاولة لمس الكرة باليد داخل منطة المصرية للإتصالات. ويشن الأهلي هجمة منظمة تنتهي إلى حسين ياسر ناحية اليمين يرسلها عرضية متقنة على رأس أحمد حسن الذي يحرز هدف الفوز (89) لينتهي اللقاء بثلاثة أهداف مقابل هدفين. بهذه النتيجة يرفع الأهلي رصيده إلى 16 نقطة ويصعد للمركز الخامس بينما تجمد رصيد المصرية للإتصالات عند 15 نقطة في المركز السادس. تشكيل الأهلي: امير عبد الحميد ، احمد السيد وشادى محمد ووائل (حسين ياسر 61) جمعة وسيد معوض (جيلبرتو69) واحمد صديق ومحمد بركات (أسامة حسني46) وحسام عاشور واحمد حسن ومحمد ابوتريكة وفلافيو. احتياطي لم يستخدم: رمزى صالح، ورامى عادل، حسين على، أحمد حسن فرج.

الأهلي يفلت من فخ الاتصالات ويحول تأخره إلي فوز ثمين

ملخص أفلت الاهلي من فخ المصرية للاتصالات واستطاع ان يحول تأخره بهدفين لهدف الي فوز بنتيجة 3-2 في اللقاء الذي جري بين الفريقين علي ملعب المقاولون العرب ضمن منافسات الاسبوع الـ11

[ندعوك للتسجيل في المنتدى أو التعريف بنفسك لمعاينة هذا الرابط]

كتب: وائل منتصر - أفلت الاهلي من فخ المصرية للاتصالات واستطاع ان يحول تأخره بهدفين لهدف الي فوز بنتيجة 3-2 في اللقاء الذي جري بين الفريقين علي ملعب المقاولون العرب ضمن منافسات الاسبوع الـ11 للدوري الممتاز .

احراز اهداف الاهلي محمد ابوتريكة (هدفين) في الدقيقتين 10 و73، واحمد حسن في الدقيقة 89، بينما احرز للاتصالات وائل رياض (هدفين) في الدقيقتين 45 و66 من عمر المباراة.

جاءت المباراة مثيرة خاصة في شوطها الثاني، ورفع الاهلي رصيده بهذا الفوز الي 16 نقطة ويقفز الي المركز الخامس، فيما تجمد رصيد الاتصالات عند 15 نقطة ويظل في المركز السادس.

البداية جاءت هادئة من الجانبين، ولم يخشى الاتصالات الموقف وهو يواجه حامل اللقب وبادله الهجوم، وجاءت أول فرص التهديف للأحمر في الدقيقة 4 عن طريق تصويبة من احمد حسن مرت بجوار القائم الأيمن لمرمي أمير توفيق.

وبعدها بخمس دقائق تمكن نجم الأهلي محمد ابوتريكة من إحراز الهدف الأول بمجهود فردي، حيث اخترق بسرعته ومهد الكرة ووضعها من فوق أمير بمهارة يحسد عليها لتعلن عن أول فرحة أهلاوية.

بعد الهدف تحرك لاعبو وسط الأهلي وفاز الدينامو حسن بكل الالتحامات التي دارت في دائرة المنتصف، ووصلت أكثر من كرة الي منطقة جزاء الاتصالات عن طريق محمد بركات وكان أخطرها في الدقيقة 21 حيث مرر بركات الكرة الي داخل منطقة الجزاء ولكن الدفاع شتتها في اللحظة الأخيرة.

لم يظهر لاعبو الاتصالات لفترة، حيث ضغط مدافعو الأهلي علي حامل الكرة في كل أرجاء الملعب، وشكل حسن وحسام عاشور حائط صد قوي، وان كان الاتصالات لم ييأس ونظم بعض الهجمات عن طريق المتحرك وائل رياض.

وفي الدقائق القليلة المتبقية من هذا الشوط، هبط الأداء وأصبحت الكرة اغلب الفترات في وسط الملعب، ووسط الهدوء جاءت فرصة تحقيق التعادل للاتصالات في الدقيقة الأخيرة من ضربة جزاء احتسبها حكم اللقاء بعد لمسة يد من احمد السيد ليسجل منها وائل رياض هدف التعديل ومعها صافرة نهاية الشوط الأول.

ومع بداية الشوط الثاني دفع مانويل جوزيه بأسامة حسني بدلا من بركات خوفا من الإرهاق، وسيطر الأهلي علي مجريات الأمور بغية إحراز هدف التقدم، وضاعت فرصة في الدقيقة 50 من علي رأس أسامة حسني كادت تسكن الشباك.

وبعدها بدقيقتين كاد ابوتريكة ان يسجل مرة أخري من ضربة حرة مباشرة ولكن تسديدته ذهبت فوق العارضة بقليل، ثم اشهر حكم اللقاء البطاقة الحمراء لوائل القباني الذي كان يملك بطاقة صفراء لعرقلته فلافيو وهو منفرد.

ودفع جوزيه بحسين ياسر بدلا من وائل جمعة، وفي الدقيقة 66 تمكن شيتوس من مفاجأة الجميع ويتقدم للاتصالات من كرة لم يحسن دفاع الأهلي تشتيتها فيطلق تسديدة من داخل منطقة الجزاء سكنت الزاوية العليا لأمير عبد الحميد.

ورمي الأهلي بآخر أوراقه الهجومية بنزول جليبرتو محل سيد معوض غير الموفق، وضغط الأهلي بكامل خطوطه وتعددت التسديدات علي مرمي الاتصالات من جيلبرتو وحسين ياسر، وترجمت السيطرة في الدقيقة 73 بهدف التعادل الأحمر والذي جاء بتوقيع "المتخصص" ابوتريكة الذي وضع الكرة من تحت أقدام أمير توفيق بعد كرة عالية وصلته من فلافيو.

ازدادت وتيرة المباراة سخونة من جانب الأهلي، وانكمش الاتصالات في وسط ملعبه للحفاظ علي نقطة التعادل، وكاد تريكة ان يسجل من جديد في الدقيقة 80 بعد تمريرة من حسين ياسر انفرد علي أثرها وسدد الكرة ولكن أقدام أمير أنقذت الموقف.

واتت الدقيقة 44 لتعلن عن مولد نجم جديد في فريق الاهلي وهو حسين ياسر الذي تألق واستطاع ان يصنع هدف التقدم لفريقه بمجهود كبير حيث تسلم كرة صعبة علي خط المرمي ورفعها عالية وباتقان شديد علي رأس احمد حسن الذي وضعها في الشباك.

ماتش مهم قبل النهائى
إطمنا على روح الإصرار عند اللعيبة
وقلقنا من حالة الدفاع .. الجونين أخطاء ساذجة .. واحد من لمسة يد عجيبة على السيد
والتانى شادى كان بيهرج
إطمنا على عودة تريكة
وقلقنا من إصرار الهجوم على اللعب من كذا نقلة بدل الإختصار وخطف الفرص

ملحوظة : الأهلى هو اللى كان بيلعب ناقص لاعب مش الإتصالات
من ساعة نزول الشيخ أسامة .. اللى أتمنى يروح يجاور الحسين أو السيدة ويريحنا منه

مشكورة أم الأمامير رانيا للتغطية الشاملة للمباراة

شكرا لمرورك ورايك الاكثر من رائع في اسامه حسني ده لعيب مكسح
ايوه كده قولها اللي بتدافع عنه ليل نهار

انا كمان معجبنيش دفاع الاهلي خالص
سيد معوض كمان اكيد اتكسف علي دمه لما نزل جلبرتو وقف الملعب علي رجل
حسين ياسر تحفه اول مره اشوفه بيلعب ربنا يوفقه لاعب رائع

اكتر حاحه كسبناها من الماتش ده ان الاعيبه اتحطت تحت ضعظ امهم مهزومين لان ده لا قدر الله ممكن نتعرض له في الكاميرون

الحمد لله على الفوز المهم معنويا جدا

المشكلهفى الدفاع وأحمد السيد بالتحديد لأنه هو سبب الهدفين وربنا يستر فى النهائى
اسامه حسنى لاعب جيد لكن ظروف عدم مشاركته هى السبب

لا ياجماعة حرام الا اسامة حد ينسى الجولين اللي جابهم في الزمالك في اخر كأس اخده الاهلي وبعدين نشوف مشاركة اسامة وبعدين نحكم عليه لاعب بيلعب كل 3 او 4 مباريات وكمان ينزل يادوب بالكتير شوط واحد بالعكس انا شايف ان اسامة رأس حربة حقيقي وبيفكرني باوين راس حربة انجلترا الاثنين اجسامهم مش قوية لكن نشاطهم كبير ويقدروا يسرقوا اي دفاع وبعدين اسامة هو اللي مكسب الاهلي ماتش الاتحاد اللي فات ولا نسينا

ومين كمان ينساله ماتش أنيمبا 2005
ولما كان هداف الفريق فى 2004 .. وشال الهجوم لوحده
مانقدرش ننكر إن له أهداف مؤثره كتير .. وإنه لاعب يليق فعلا بأخلاقيات النادى الأهلى
لكن عمرى ما إقتنعت به كلاعب .. حتى وهو هداف
على عكس فلافيو .. اللى كنت مقتنع بيه جدا وبدافع عنه فى عز نحسه
أسامه كلاعب فى نظرى زى أيمن منصور .. هداف لكن بالبركة
مابشوفلوش تحركات صح .. مابشوفلوش مهارات .. بإختصار .. مخه مابينش كرامة
ممكن أكون مخطئ فى وجهة نظرى .. وأتمنى ده طبعا

بص ياشريف انا شايف ان كل لاعب وله اسلوب لعبه يعني فلافيو غير متعب غير العجيزي غير دروجبا غير اسامة غير بلال كل واحد وله اسلوب وفكر في اللعب المهم في رأس الحربة لاي فريق انه يكون قادرا على تسجيل الاهداف وانت نفسك قلت ان اسامة بيسجل واهدافه مؤثرة يبقى مش مشكلة اي شيء تاني بيتحرك صح بيتحرك غلط المهم دوره وتأثيره ايه في الفريق وهل دوره دا ايجابي ولا لا اما موضوع بركة ومش بركة زي ايمن منصور فياريت ياعم كل اللاعبين يصابوا بالبركة ويحرزوا اهداف مؤثرة زي اسامة بالامانة فرحتك كانت قد ايه بهدفيه في نهائي الكأس مع الزمالك طيب تخيل لو مكانش اسامة موجود وكان فيه راس حربة تاني كله مهارات ولم يستطع فعل شيء هل كنت هتفرح بيه لما الزمالك ياخد الكاس ، في رأيي اسامة لاعب مجتهد متحرك بيعرف يسرق المدافعين الى جانب هدوئه في الاوقات الحاسمة واتفق معاك ان مستواه مؤخرا منخفض ولكن انا شايف انه معذور بسبب بعده الطويل عن الملاعب لكن يعوض دا قدرته على الرجوع بسرعه لحالته الطبيعية ...تحياتي ياشريف والخلاف في الرأي جميل وممكن تكون انت صح
ويارب يبارك للشيخ اسامة ويجيب جول يوم الاحد الجاي متأكد انك يومها هتصرخ باسمه صح ولا لا وساعتها تعزمني على عشوة تمام على شرف الشيخ اسامة

يا عالم .. يعنى أبقى مش مقتنع بيه .. وكمان أتدبس فى عشوة بسببه
والله ده كتير
ياللا معلش .. مادام اللى هايتعشى حبيبى وائل زويلة .. يبقى مافيش مشكلة
ويبقى كدة أسامة بين كرامة جديدة من كراماته وخلانى أتعرف أكتر على أهلاوى جميل وعقلية حلوة

وعموما أنا قلت فى ردى إنى أتمنى طبعا أكون غلطان .. لأنى بحبه جدا كشخص
لكن عمرى ما إقتنعت بيه كلاعب
يمكن لأنى على قناعة طول عمرى إنى أحترم وأقدر الكفاءة والذكاء بغض النظر عن النتائج
لأن فى الأول وفى الآخر التوفيق من عند الله .. وعلى المرء أن يسعى وليس عليه إدراك النجاح

وطبعا زى ماقلت هو أكيد أهدافه فرحتنى جدا .. خاصة مباراتى أنيمبا والكأس
لكن الحب والإقتناع شئ آخر
وعلى رأيك .. الإختلاف وطرح الآراء شئ رائع بيفتح مجالات جميلة فى الحوار
ويا سيدى العشا جاهز من دلوقت .. بس يالا بسرعة قبل ما يبرد

ياباشا الف شكر على الكلام الجميل اوي دا وانت اللي اهلاوي اجمل ويسعدني ويشرفني معرفتكم انت وبقية اعضاء المنتدى الكرام ..... ويارب يحصل توقعي ويجيب اسامة جون وقتها يكون للعشا طعم حلو بجد خصوصا وانت عارف انك متدبس في عشا عشان لاعب انت مش مقتنع بيه Very Happy

...شكرا ياشريف لاختلافك الجميل وعذرا لام سيوفة لو كنا اقتحمنا موضوعها

waelzewela كتب:: ياباشا الف شكر على الكلام الجميل اوي دا وانت اللي اهلاوي اجمل ويسعدني ويشرفني معرفتكم انت وبقية اعضاء المنتدى الكرام ..... ويارب يحصل توقعي ويجيب اسامة جون وقتها يكون للعشا طعم حلو بجد خصوصا وانت عارف انك متدبس في عشا عشان لاعب انت مش مقتنع بيه ...شكرا ياشريف لاختلافك الجميل وعذرا لام سيوفة لو كنا اقتحمنا موضوعها

يا وائل انتم نورتو الموضوع وكمان اكيد مش هتروح العشا لوحدك انشاء الله انشاء الله نكسب البطوله وكل اعضاء المنتدي تيجي معاك العشا عند شريف
بس بصراحه انا مبحبش اسامه حسني ده خالص حتي لو جاب 100 جون وانا وروبوس اختي دايما كنا بنتخانق بسببه وهتفرح جدا لو دخلت الموضوع ده ولقتك مؤيد لاسامه حسني

شكرا لمروركم الجميل
ابو السكره
ابو عمر
طاطا
وائل

حسبى الله ونعم الوكيل
عاجبك كدة يا وائل
ياللا .. أمرى لله .. كله يهون علشان خاطر عيون الأهلى وأحلى أهلاوية
بس الأهلى يكسب إن شاء الله .. وأنا تحت أمركم
خلاص .. حماة بنتى أمرت .. أقدر أعترض

منك لله ياللى فى بالى

أسامة طبعا .. مش إنت يا وائل خاااااااااااااااااااااالص

ايه ده بقي استفردتوا بالواد الغلبان وانا مش موجودة
هو صحيح مكنش كويس في الماتش ده لكن عذره قلة لعبه
لكن هو هداف خطير وفعلا بيقدر يسرق المدافعين
وبرغم صغر حجمه لكن مش بيستسلم للاجسام اللي قصاده لأنه بيلعب بعقله اكثر
أسامه لو أخد فرصه في كذا ماتش ورا بعض هايكون هايل
هارجع تاني اقول هو مش ايتو ولا دروجبا
لكن لاعب هايل واحتياطي مؤثر جدا وبنلاقيه لما نحتاجه
ده غير اخلاقه اللي فوق الوصف

ROBOS كتب:: ايه ده بقي استفردتوا بالواد الغلبان وانا مش موجودة
هو صحيح مكنش كويس في الماتش ده لكن عذره قلة لعبه
لكن هو هداف خطير وفعلا بيقدر يسرق المدافعين
وبرغم صغر حجمه لكن مش بيستسلم للاجسام اللي قصاده لأنه بيلعب بعقله اكثر
أسامه لو أخد فرصه في كذا ماتش ورا بعض هايكون هايل
هارجع تاني اقول هو مش ايتو ولا دروجبا
لكن لاعب هايل واحتياطي مؤثر جدا وبنلاقيه لما نحتاجه
ده غير اخلاقه اللي فوق الوصف

ياسلام عليكي كنتي فين من زمان ايوة كدا لقينا حد يساندنا ويقول كلمة حق في الواد الغلبان، وبالنسبة للعشا مع اعتذاري لام سيوفة بس انا شايف انه هيكون ظلم لما الكل يتعشا ويتساووا الحق ان كل اللي بيحب اسامة يطلع يتعشا فوق عشا في مطعم خمس نجوم وشريف وام سيوفة كفاية عليهم سندوتش وحاجة ساقعة من المحل اللي على الناصية lol!

بس طبعا ماننساش ناخد الحساب من اخونا شريف الاول

انا هنا يا وائل لاتقلق
ومستمرة في خوض الحرب بمنتهي الشراسة للدفاع عن أسامه حسني وحسن مصطفي كمان
وطبعا متضامنة جدا معاك في ان العشا لنا
وهم كفاية عليهم سندوتش فول من البغل وعصير قصب
بس ما تنساش تاخد الفلوس من المايسترو
وربنا يوفق جميع ابطالنا يوم الاحد الجاي ان شاء الله

أسامه حسني احسن لاعب في العالم
king

كل حلفائك خانوك يا ريتشارد
حتى أنت يا رانيا

يعنى دبستونى فى العزومة وقلت مش مشكلة .. فدا أغلى أهلاوية
بتتشرطوا تاكلوا 5 نجوم .. قلت مش مشكلة .. أشوفلكم 5 نجوم محمرين ولا مشويين حتى
لكن كمان تشترطوا إنى أدفع تمن عشاكم .. وآكل أنا سندوتش فول وعصير قصب
لأ بقى .. دوروا على اللى هايحاسب
هو من كتر ما بحب أسامة .. ده حتى لو بحبه إنتوا كرهتونى فيه

وبعدين يا وائل ويا رباب .. ماقلتوش
هايبقى إيه الموقف لو أسامة مارس هوايته فى حرق الدم والإختفاء الماتش الجاى
ومانجدش الأهلى غير الجنود الحقيقيين .. تريكة أو فلافيو أو بركات .. أو حتى وائل جمعة
هاتعزموا المنتدى كله برضه .. ولا هاتخلعوا

ها نخلع طبعا :P:P:P:P:P
وبعدين يا شريف ده انا باقول فول من البغل يعني مش اي فول
وعصير قصب يعني مش اي عصير
بلاش طمع يا مايسترو

شفت يا شريف اسامه لقى اللى يدافع عنه علشان ربنا بيحبه وده كفايه

واسامه لعب ما لعبش هاتدفع يعنى هاتدفع
بعد الفوز بالكاس ان شاء الله

حسبى الله ونعم الوكيل

أم سيوفه كتب:: أسامه حسني احسن لاعب في العالم

هههههههههههههههههههه ياسلام اتفضلي حضرتك يا أم سيوفة فوق معانا الاكل يجنن

sherifalwakkad كتب:: حسبى الله ونعم الوكيل

شوف تحسبن ماتحسبنش هتدفع يعني هتدفع وكمان والنبي بلاش تبصلنا في الاكل ان كنا احنا هناكل اكل خمس نجوم مانت كمان هتاكل فول البغل يعني فول فايف ستارز وعشان تعرف اننا مسامحين وبعد اذن اختنا Robos
خد لك واحد طعمية على حسابي وامرنا لله بس ماتطمعش خد من الصغير اللي بنص جنيه مش اكتر
ويلا ياعم فرفش كدا وكل وانبسط

waelzewela كتب:

أم سيوفه كتب:: أسامه حسني احسن لاعب في العالم

هههههههههههههههههههه ياسلام اتفضلي حضرتك يا أم سيوفة فوق معانا الاكل يجنن

لا اوعي تفتكر اني غيرت رايي عشان الاكل في فندق خمس نجوم لالالالالالالالالالالالا اوعي تكون فهمتني صح

waelzewela كتب:

sherifalwakkad كتب:: حسبى الله ونعم الوكيل

شوف تحسبن ماتحسبنش هتدفع يعني هتدفع وكمان والنبي بلاش تبصلنا في الاكل ان كنا احنا هناكل اكل خمس نجوم مانت كمان هتاكل فول البغل يعني فول فايف ستارز وعشان تعرف اننا مسامحين وبعد اذن اختنا Robos
خد لك واحد طعمية على حسابي وامرنا لله بس ماتطمعش خد من الصغير اللي بنص جنيه مش اكتر
ويلا ياعم فرفش كدا وكل وانبسط

معدش فيه بنص جنيه يا وائل بقي ب75 قرش كفايه عليه الفول
وكمان يا شريف هتقعد بعيال المنتدي كلهم تلاعبهم وتخلي بالك منهم لحد لما نخلص اكل براحتنا احنا الاول وبعدين ابقي كل انت سندوتش الفول براحتك

» الأهلي يعلن توقيع حسن ثلاث سنوات
» خاص الأهلي يوافق على طلبات حسن المادية و يمددعقدة ثلاث سنوا
» الإعلانات على قميص الأهلي بـ76 مليون جنيه لمدة ثلاث سنوات
» معتز اينو يمدد تعاقده مع النادي الأهلي رسمياً لمدة ثلاث سنوات
» عاجل : الأهلي يتعاقد مع صانع الألعاب الجزائري أمير سعيود لمدة ثلاث سنوات