الاهلى يقرر إذاعة مبارياته على قنوات التليفزيون الأرضية والف

هو لية ديما كده حبطنا يا نبيل يمكن ينفذ بكرة نشوف باذن الله

يا جماعة اللى بيحصل دا بجد مهزلة ومش ممكن السكوت عليها..الحل الوحيد هو الانسحاب او التهديد بالانسحاب واحنا خلاص استكفينا كدة من بطولات الدورى واللى بينا وبين اقرب منافسين سنين طويلة عشان يوصلولنا ..اما نشوف اخرهم معانا ايه شوية الهليبة دول.

يعنى نسكت يا نبيل و منخدش حقنا العالم بتضحك علينا زى منكون عيال صغيرة وقولتها من شهر ستة سمير زاهر عايز يمشيها مع الاهلى بسياسة واحدة بواحدة و متخلقش لسة الى يلوى دراع الاهلى و لا يفرض علية سياسة الراجل دة كداب و ضلالى و الاسبوع الى فات خير دليل و هو اتحرق جدا لما عرف ان الاهلى ممكن يدى صوتة لحسن فريد لو دخل و بناء علية اعتبر وعدة لاغى مع الاهلى و طبعا ان كان هو مش محترم سنة ووعودة هو حر لكن غصب عن عين ..... لازم يحترم سيده و صاحب الفضل علية الاهلى

الحل الوحيد ان الادارة الفاشلة دى تمشى وييجى ناس محترمة تدير الكورة فى مصر وانا شايف ان احسن واحد ممكن يبقى رئيس اتحاد الكورة كمال درويش انسان محترم ومهذب وماعندوش تحيز دا غير انه راجل رياضى وكان عميد كلية تربية رياضية يعنى هايفيد الكورة ..وبصراحة احسن عهود الزمالك كان وقت ما مسك كمال درويش

عظيم يا اهلى يا دولة

بس يا جماعة قناة الاهلش مش عرضة المتش صح ؟؟؟؟؟؟؟؟انا استغربت جدااااااااااا

انا معاك يا حكيم لازم نبقي اكتر تفائل يا جماعة ده الاهلي

هوا انا قلت ايه يا دكتور مراد؟؟؟!!!! انا بقول ادارة اتحاد الكورة فاشلة مش ادارة الاهلى ياريت تركز فى تعليقى قبل ما تهاجمنى!!!!!!

ايه يا جماعه فى ايه كل واحد من حقه يقول رايه واختلف الرأى لا يفسد للود قضيه
صلوا على النبى كده واهدو مش مستاهله والله اى حاجه

يا كوجاك وياشريف مفيش مشاكل ولا خناقات ولا اختلافات بس انا بوضح كلامى للدكتور مراد وبقوله يركز فيه لانه مش اول مرة يفهمنى غلط ويهاجمنى كدة وانا عارف ان مفيش مشاكل وخلافات وكلنا هنا اخوات ويهمنا مصلحة الاهلى قبل كل شىء بغض النظر عن فكر كل واحد وطريقة تعبيره عن رأيه

انا مش بهاجم الادارة يا دكتور مراد وعارف انها بتعمل اللى تقدر عليه وسط العالم الحرامية المسؤولين فى البلد دى بس مش معنى كدة اننا ما ننتقدهاش او ننتقد الفريق لو فيه اى اخطاء ..وانا ياسيدى بحب الاهلى اكتر من اى حاجة فى حياتى وهو الحاجة الوحيدة اللى بتفرحنى فى الدنيا دى فمش معقولة هابقى متشائم او هاتمنى الشر للفريق

عبد الرحمان اسمحلي انا مش ههجمك دلوقتي انتا بس هقولك حاجة انا قريت في اكتر من تعليق ليك ان الاهلي المفروض ينسحب من الدوري وتقريبا عضو كمان قالها مش فكرة مين بس يا جماعة ازي الاهلي ينسحب ده من غير الاهلي البطولة ملهاش طعم انا عرفة ان الاخبار بتخرق دمنا كلنا وفي ناس بتخرج عن اعصبها وانا منهم بس مينفعش تعليق زي ده ازي الاهلي يتسحب هو اي فرقة والسلام ولا اية يا جماعة

يانانو الظاهر ان انتى كمان مش مركزة انا بقول لو فضلت الحرب دى بين الاهلى وبتوع الفضائيات واتحاد الكورة الاهلى يهددهم بالانسحاب عشان كل واحد يتظبط ويعرف مقامه كويس لان كل واحد عارف قدر الاهلى كويس وعارف انه الوحيد اللى بيأكلهم عيش ومن غيره فى الدورى هايشحتوا.