جوزيه يطلب تجديد تعاقد أنيس بوجلبان

علم AhlyNews.com من مصادره الخاصة أن البرتغالى مانويل جوزيه المدير الفنى للفريق الأول قد طالب بتجديد عقد لاعب الوسط التونسى أنيس بوجلبان.

[ندعوك للتسجيل في المنتدى أو التعريف بنفسك لمعاينة هذه الصورة]

و قد اعلن جوزيه عن رغبته خاصةً فى ظل حالة التألق التى يعيشها لاعب الوسط التونسى فى الفترة الأخيرة مع النادى الأهلى والتى أهلته لحجز مكان أساسى فى تشكيلة المنتخب التونسى الأساسية.

كما أعلن مصدر فى الجهاز الفنى للفريق أن مفاوضات التجديد مع اللاعبين الذين تنتهى عقودهم فى نهاية الموسم وهم : بوجلبان و وائل جمعة و أسامة حسنى ستبدء بعد نهاية مباريات الفريق فى دورى أبطال افريقيا.

وعلى صعيد اخر يترقب مسئولوا الأهلى موقف مسئولى اتحاد الكرة من طلب اصدار قرار بزيادة عدد اللاعبون الأجانب فى الموسم القادم مما يسمح للأهلى بإحضار مهاجم انيمبا النيجيرى ستيفن وارجو دون الحاجة للإستغناء عن واحداً من بوجلبان أو فلافيو أو جيلبرتو .

علي رأيك يا عبد الرحمن

اعتقد الخبر مش صحيح

ايوا وبعدين مالوش لازمة جنب احمد فتحي وعاشور وحسين علي واحمدحسن واينو وحسن مصطفي

اعتقد انه خبر كاذب وان كان صحيح فما هي فائدة التعاقد مع وارجو الا اذا كان فلافيو مصصم علي الرحيل في يناير ( لديه اكثر من عرض ) وعلي فكرة انحاد المصالح ضد الاهلي ومش بعيد السنة الجديدة يقرر خفض الاجانب الي اثنين بعد ما سيقرر في يوليو 2009 ان يكون القيد 25 لاعبا فقط وسلم لي علي الاندية الشعبية -- الكرة المصرية الي الانهيار ولن نصعد الي كاس العالم باي مجموعة وشكرا (( اهم شئ لدي الاتحاد والاندية الزبالة واولهم الزبالك والمنجاوية وابو العربية ان يعاندوا ضد الاهلي وخلاص ))

انا اللي اعرفه ان النادي يلجأ للمحترفين عندما يعاني من خلل في مركز ما بالفرقة وعايز يدعمه ومش قادر يدعم المركز ده باللاعبين المحليين وصراحة انا شايف ان مركز انيس مليء بلاعبين هم اكثر تميزا منه وفي رأيي ايضا نفس الشيء لوارجو فأنا اراه لاعبا عاديا وليس متميزا بالشكل الذي يجعل الاهلي يتمسك به ويتعاقد معه فلا هو يمتاز بالبنيان القوي كرأس حربة كعمرو ذكي مثلا او انه لديه مهاراته فنية عاليه كابوتريكة او بركات او ياسر المحمدي هو لاعب مجتهد ليس الا ،نريد لاعبا محترف سوبر كجلبرتو انما اللاعبين المجتهدين فاعتقد انه يوجد الكثير منهم في الدوري المصري ، تحياتي ام سيوفه

اما انا مع احترامي الشديد ليكو اختلف تماما معاكم في الرايالخبر انا شايفه ممكن يكون صحيح وصحيح جدا كمان قولولي ليه؟؟؟؟؟ اقلكم انا:
انيس بوجلبان 1- مهارة: كل خط وسطنا سوا حسن مصطفى او عاشور او اينو او حسين علي امهر منه
2- سرعة : بطيء جدا برجله ضيق
3- تسديد على المرمى : كل كام سنة على ما يشوت شوته
لكن لاعب تكتيكي جدا جدا جدا وبينفذ المطلوب بالحرف الواحد وبالذات في نقطة التغطية ورا الدفندر التاني لما يزيد والتقدم لما التاني يكون في وضعية الدفاع والنقطة التانية مساعدة الاطراف التكتيكية اللي هو ميلانه على الونج عشان يطلعه والاتنين دول ولا دفندر في الاهلي كله بيعملها زيه لانه هو حافظ وبينفذ لكن اينو وحسين علي وحسن واحمد حسن لاعيبة حرة بتتحرك بمزاجها لكن بوجلبان لاعيب خططي وظيفته تغطية اللاعيبة الحرة دي واللي زيه بردو حسام عاشور مع تميز عاشور عنه في الخفة والسرعة والمهارة
عشان كده جوزيه لو مش هيلاعبه يبقى على الاقل هيكون عايزه احتياطي لعاشور

ده رايي المتواضع والله اعلم

محمد اسمح لي اهنيك على رأيك ووجهة نظرك الفنية الرائعة وصراحة خلتني اراجع نفسي تاني في رأي بس ليا سؤال مش من الممكن ان جوزيه يوظف واحد زي حسن مصطفى او حسين علي او اينو ويعلمهم ازاي يكونوا لاعبين تكتيكين خصوصا في المباراة الخارجية التي يلجأ فيها الاهلي لتأمين دفاعه وبكدا نستفيد منهم كلاعبين تكتيكين وفي نفس الوقت نستفيد من مهارتهم وقدرتهم على بناء هجمة منظمة من الخلف ، ولو تتذكر حسن مصطفى في اول موسمين له مع الاهلي كان قايم بالدور ده 10/10 مع محمد شوقي

انت نفسك قلتها يا وائل : مع محمد شوقي لكن هو فين اللاعيب اللي زي شوقي دلوقتي عندنا ميزة شوقي انه كان الاتنين تكتيكي ومهاري وكان هو اصلا اللي بيغطي حسن مصطفى وحسن كان بيزيد جامد لكن دلوقتي للاسف مفيش حد تقدر تخليه كده اللي ممكن ييجي منه في رايي الشخصي اينو لانه بردو ملتزم وبيتحرك بعقل ولو كده يبقى هو وجمبه بقى حسن او حسين او احمد حسن اي حد لكن يبقى هو اللي ثابت

انا معاااااااااااااااااااااااااك جدا يا شبانة عندك حق جدااااااااااا وخد بالك جوزية بيموت في اللاعبين من النوعية دي عشان كده بيحب انيس جداااااااااااا وانا معاك ان الخبر ده صحيح

مع الإحترام لكل الآراء اللى اتقالت و مع عدم الإهتمام بصدق الخبر او كذبه
انا شايف ان الاستغناء عن أنيس بوجلبان أفضل فى الفترة دى لعدة أسباب
1- لأنه أقل اللاعبين الأجانب فى المستوى مقارنة بفلافيو و جيلبرتو
2- يجب علينا الإستفادة من حسن مصطفى و إينو فى المكان ده
3- سنستفيد بمكان لاعب أجنبى شاغر فى القائمة مما يمكننا من الإستعانة بمدافع أو ظهير أيمن أجنبى على مستوى عالى
4- الإستفادة بالصفقات الجديدة مثل حسين على الذى نسى الكرة تقريباً
5- فى حالة عدم الفوز لا قدر الله ببطولة أفريقيا سيكون اثبات حقيقى انه لاعب نحس نحس يعنى
و من الآخر كدا جوزيه بيحب اللاعب اللى ينفذ تعليماته دون فلسفة زى عاشور و بوجلبان

» إشادة مانويل جوزيه من أهم أسباب ضم أنيس بوجلبان للمنتخب
» أنيس بوجلبان : لهذا لم أظهر بمستواى الحقيقى مع الأهلى
» خاص : لجنة الكرة ترفض عرض الترجي بشأن ضم أنيس بوجلبان لصفوفه
» تقارير تونسية تؤكد تعاقد بوجلبان مع الترجي .. والأهلي ينفي
» أنيس يغيب عن مباراة الكأس .. تألق عبد الرحمن .. جوزيه يصل ال