البدري: تأجيل المباراة لصالح الإسماعيلي

أكد حسام البدري المدرب العام بالأهلي أن قرار اتحاد الكرة بتأجيل مباراة الإسماعيلي يصب في صالح الأخير من الناحية الفنية.

وقال البدري لقناة "مودرن سبورت": "مندهش من رد فعل الإسماعيلي والاعتراض على تأجيل اللقاء بعدما تم اتخاذه، ولم تظهر اعتراضهم قبل اتخاذ القرار".

وأضاف "نعم القرار يفيد الأهلي في حصوله على راحة وعدم تعرض لاعبيه للإجهاد قبل لقاء إنيمبا النيجيري، ولكن فنيا فإن التأجيل يصب أكثر في صالح الإسماعيلي".

وأشار البدري إلى أن الإسماعيلي يمر بمرحلة عدم توازن، كما يغيب عن صفوفه العديد من اللاعبين بسبب الإيقاف والإصابات، بينما يعد الأهلي مكتمل الصفوف.

ولذلك فإن التأجيل لصالح الإسماعيلي لأن الظروف ستختلف عند إقامة المباراة في وقت أخر.

وكان الإسماعيلي قد خسر أخر مبارياته في الدوري أمام المقاولون العرب بنتيجة 3-2، فيما سحق الأهلي بتروجيت بأربعة أهداف نظيفة.

و الله انا كان نفسى الماتش يتلعب فى وقته الأهلى كان هيستفيد أكتر
أولاً اننا هنلعب فى أجواء شبه اللى هنلعب فيها فى نيجيريا
كمان احتكاك قوى للصفقات الجديدة زى حسين ياسر و العجيزى و ياسر على و أحمد حسن
كمان احنا عندنا 6 ايام قبل لقاء انيمبا يعنى وقت كافى جداً للراحة و الإستعداد
حقيقى كان نفسى يتلعب فى معاده

المشكله يا ادمن في الشد العصبي انت عارف ماتشات المنجاوية دي بتكون حرق دم واعصاب

طيب لو حصل اصابات (شد عضلي- تمزق -التواء - جزع -تمزق أربطة -اجهاد) يبقى ايه العمل؟؟؟!!!! طبعا التأجيل أفضل... ثانياً احنا عايزين نفوز على المنجاوية و همه مكتملين مش نتمنى نغلبهم و همه ناقصين

البدري عنده حق االتاجيل مفيد ليهم اصلا مش لينا لو علينا احنا عندنا بدلاء ياكلوا النجيل اصلا نفسهم بس ياخدوا فرصة وهيبدعوا وانا مع الحكيم اننا كان ممكن تحصل اصابات واحنا اصلا الفائمة بتاعتنا محدوده جدا ومش ناقصين

Admin كتب:: و الله انا كان نفسى الماتش يتلعب فى وقته الأهلى كان هيستفيد أكتر
أولاً اننا هنلعب فى أجواء شبه اللى هنلعب فيها فى نيجيريا
كمان احتكاك قوى للصفقات الجديدة زى حسين ياسر و العجيزى و ياسر على و أحمد حسن
كمان احنا عندنا 6 ايام قبل لقاء انيمبا يعنى وقت كافى جداً للراحة و الإستعداد
حقيقى كان نفسى يتلعب فى معاده

انا معاك يا كبير العيله و كان ممكن نلعب بالصف اللى مش مقيد افريقيا لأنهم واضح انهم لا يقلون عن الافريقيين بدليل العجيزى و عبد الحميد ما شاء الله عليه ادوا ماتش رائع امام بتروجيت عموما اللى فيه الخير يقدمه ربنا و ان شاء الله نكسب انيمبا هناك علشان نسهل المهمه هنا

كلامكم كلكم صح
شكرا يا نانو
شكرا يا حازم
شكرا يا دكتور
نورتوا الموضوع

Dr Mourad كتب:: طيب لو حصل اصابات (شد عضلي- تمزق -التواء - جزع -تمزق أربطة -اجهاد) يبقى ايه العمل؟؟؟!!!! طبعا التأجيل أفضل... ثانياً احنا عايزين نفوز على المنجاوية و همه مكتملين مش نتمنى نغلبهم و همه ناقصين

تحياتى ليك يا دكتور مراد بس إسمحلى موضوع الإصابات ده ممكن يحصل فى التدريب مش شرط فى المباريات يعنى المسألة قدرية بشكل كبير
و كتير من لاعبى الأهلى اتصابوا اصابات بالغة فى التدريبات
انا بتكلم عن الإستفادة من الماتش فنياً كانت هتبقى كبيرة عشان اللاعيبة هيعيشوا جو الماتش اللى هو هيبقى شبه جو ماتش انيمبا بشكل كبير
كمان لو حققنا الفوز هتبقى دفعة معنوية كبيرة قبل ماتش انيمبا
و بعدين إزاى احنا بنقول الأهلى فريق عالمى و مش عارفين نلعب 3ماتشات فى 11 يوم منهم 6 أيام كاملة قبل ماتش انيمبا المهم
كمان التأجيل ده هيخللى اتحاد الكورة يزنق الأهلى فى المؤجلات بعد بطولة أفريقيا كل 3 أيام ماتش و لما نخسر اى ماتش فيهم نرجع نتكلم عن الإجهاد
للأسف التأجيل مش فى صالح الأهلى

شكرا يا ادمن علي المشاركة ورايك الذي يحترم

» قائمة المباراة الفاصلة:جوزيه يضم حسن وطلعت وبلال للقاء الإسماعيلي..ويستبعد بركات
» تأجيل مباراة الإسماعيلي والأهلي للناشئين بعد الأحداث الأخيرة
» تأجيل حل مجلس إدارة الإسماعيلي .. وتقديم موعد الانتخابات
» البدري: الفوز الكبير على الترسانة هام جدا قبل مباراة الإسماعيلي
» بعد المباراة:البدري وتريكة وشادي وجمعة وحسن الى السعودية للمشاركة في غسل الكعبة