المجلس القومى يقرر إقامة مباريات الأهلى بإستاد القاهرة

القرار لمساندة الأهلى خلال مبارياته فى البطولة الأفريقية

أرسل المجلس القومى للرياضة برئاسة المهندس حسن صقر خطابا رسمياً إلى النادى الأهلى، قرر فيه إقامة مباريات الأهلى دون غيره من الأندية على إستاد القاهرة الدولى رغم إجراءات الصيانة التى تتم فيه، وأرجعت المصادر السبب فى ذلك الوقوف بجوار الأهلى خلال مبارياته فى البطولة الأفريقية، والتى ستكون أولها مباراة العودة للدور قبل النهائى أمام أنيمبا النيجيرى يوم 17 أكتوبر، على اعتبار أنها مهمة قومية يحتاج الأهلى فيها إلى مساندة جماهيرية كبيرة وهو ما يتوافر بإستاد القاهرة دون غيره من الإستادات الأخرى.

متشكرين

الحمد لله طمنوا قلبي

يارب دعوات كل المصرين معانا بقي وبلاش موضوع اهلاوي وزملكاوي لازم كلنا نقف جنب الاهلي ويا جمهور الاهلي الفرقة بدات تلعب حلو اهو وترجع زي الاول عيزين نشوفكم في المدرجات بقي وحشتونا والرابطة يارب ترجع بقي محتاجنهم جدا وهنفضل محتاجنهم

باذن الله

أظن كده الصورة بقت واضحة تماما
نقل مباريات الدورى مجانا على قناة الأهلى
تأجيل ماتش الإسماعيلى
دفع 5 مليون تعويض من الفضائيات
إقامة مباريات الأهلى على ستاد القاهرة رغم الإصلاحات
واضح جدا إنها كلها محاولات لإسترضاء الأهلى بعد ما ظهرت الحقيقة والكل بقى خايف على مصالحه
بصراحة مجلس الإدارة أدار الأزمة بكفاءة وخرج بأكبر قدر ممكن من المكاسب
مشكورة سندريلا المنتدى المحبوبة للمتابعة

صح كلامك يا استاذى
نورت التوبيك بتحليلك الرائع

خير يا رب هو في ايه هو الاتحاد فجاة كده افتكر ان النادي الاهلي نادي مصر وبيلعب في مصر انا مقلق والله من جرعة الحنان الزايدة دي

تسلمي سندريلتنا للمتابعة

مع احترامي لك يا أخ شريف بس مافيش حاجة لها قيمة الا اذاعة المباريات على قناة الاهلي و التعويض اللي المفروض يكون اضعاف هذا الرقم و الباقي كله كلام فاضي ولا قيمة له

sherifalwakkad كتب:: أظن كده الصورة بقت واضحة تماما
نقل مباريات الدورى مجانا على قناة الأهلى
تأجيل ماتش الإسماعيلى
دفع 5 مليون تعويض من الفضائيات
إقامة مباريات الأهلى على ستاد القاهرة رغم الإصلاحات
واضح جدا إنها كلها محاولات لإسترضاء الأهلى بعد ما ظهرت الحقيقة والكل بقى خايف على مصالحه
بصراحة مجلس الإدارة أدار الأزمة بكفاءة وخرج بأكبر قدر ممكن من المكاسب
مشكورة سندريلا المنتدى المحبوبة للمتابعة

انا معاك يا شريف انا شامم ريحه مش حلوة

Vet_Mohamed_shabana كتب:: خير يا رب هو في ايه هو الاتحاد فجاة كده افتكر ان النادي الاهلي نادي مصر وبيلعب في مصر انا مقلق والله من جرعة الحنان الزايدة دي

ربنا يسترفعلا
شكرا لمروركم

Dr Mourad كتب:: مع احترامي لك يا أخ شريف بس مافيش حاجة لها قيمة الا اذاعة المباريات على قناة الاهلي و التعويض اللي المفروض يكون اضعاف هذا الرقم و الباقي كله كلام فاضي ولا قيمة له

الكلام ده صحيح فى أى بلد تانية محترمة .. أو فى المدينة الفاضلة
لكن فى بلد زى دى ماينفعش يا حكيم
كل شئ هنا مختلط .. رجل الأعمال هو رجل السياسة هو رجل الرياضة
هو القاضى وهو الشرطة وهو السجان وهو الجلاد
بإختصار .. المعركة ماكانتش نضيفة ولا عادلة
ولما تخرج منها منتصر ولو بفارق نقطة (رغم إن حقك تفوز بالقاضية) فده إنجاز فى حد ذاته

طيب ازاى الاهلى هايلعب فيه وهو بيتم فيه اصلاحات شكلهم كدة عايزين يخربوها عالاهلى

ولما هو ينفع يتلعب عليه

بيقفلوه ليه
هو فيه ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش عارف
لو عرفت هوقلك يارباب

» صقر : إنجاز الأهلى رائع و المجلس القومى يبحث تكريمه
» خاص لـAhlyNews.com : الأهلى والإسماعيلى أخر مباريات الأهلى على استاد القاهرة
» حادث سرقة بإستاد القاهرة: 5 ألاف مشجع لإتحاد الشرطة أشتروا 500 تذكرة فقط
» خاص : طلعت وصل القاهرة بعد إقامة إجبارية في البحرين .. وينضم للتدريبات غداً
» خاص لـ AhlyNews.com : الأهلى لم يقرر السفر بعد إلى الكاميرون