حد مواقف علي الحصل ده؟!

عيزة اعرف رد فعل الاعضاء في موضوع الهارب ومين منكم المواقف انة يرجع واية الاسباب ومين المش موافق واية الاسباب ومننساش ان الهارب سبنا في الدوري وهو شغال وكنا لسة دخلين عي بطولة افريقيا وعملنا مشكلة في مكان حراسة المرمي

انا من وجهة نظري بقول لا والف لا زي ما رفضنا ابراهيم نرفض ده حتي لو فضل حراسة المرمي عندنا زبالة ميرجعش حتي لو عدي علي كل بيت وباس رجل كل اهلاوي من اضغرهم لاكبرهم لا يعني لا اليبيع الاهلي الاهلي مش هيرجع يشترية تاني ولو دي لعبة من الزفت مش هتعدي علي الادارة اكيد ويبقي يورينا شطرتة ولو دي مش لعبة هنسيبة كده زي الكلب يتحسر علي نفسة ويعرف انة كان في نعمة وهو الرفسها برجلة كتو البله في شكلة

براحه شويه يا نانو اولا ابراهيم سعيد لما الاهلى سابه كان بعد عدد من الاخطاء وكانت اول غلطه لابراهيم سعيد لما راح لنادى ايفرتون يعمل الاختبارات وعمل زى الحضرى بس الفرق ان ابراهيم منجحش فى الاختبارات ورجع تانى واعتذر وجدد عقده للاهلى ولعب كمان اول مباره مع الاهلى لما الاهلى خسر من بترو اتلتيكو 4/2 وكان هو الى جايب الهدف التانى

والحضرى غلط غلطه ليه منسمحش كل البشر بتغلط ولا هو مينفعش يغلط ولو حد فاكر للحضرى غلطه غير ديه يقولى عليها الراجل عمره ما اعترض على قرار يمكن طمع شويه بس دا بشر زى اى انسان وانا اسف لو قولت ان الاهلى اهتز كتير من غير الحضرى

وفى الاخر عايز اقول يا حضرى لو راجع تانى وانت ندمان يبقى اهلا بيك فى بيتك ومكانك كحارس مرمى اساسى ولو راجع علشان خاطر خوفك من القضيه الى رفعها الاهلى يبقى خليك زى ما انت وربنا يوفقك وكل شى نصيب واكيد حنبنى حارس زيك يا حضرى

اخر حاجه انا اسف لو قولت ان الاهلى مش فى وقت ان يجرب حراس او لسه يبنى حارس جديد لان الاهلى بيلعب مباريات ببطوله يعنى مباره انيمبا اعتقد ان لو امير غلط غلطه ممكن تخلى الاهلى خارج البطوله

اخر حاجه يا جماعه ديه بشر ولازم نعذر واتمنى ان يكون نيته خير علشان يخرس لسان كل الزمالكاويه وياريت ترجع يا حضرى
اه على فكره انا من مصدر موثوقف فيه اوى عرفت ان الاهلى بيفكر ان يستغنى عن رمزى صالح ياترى هو منين حارس مرمى ممتاز ومنين ملعبش ولا مباره رسميه ؟؟؟؟؟؟؟؟؟؟؟؟؟؟؟؟

نتمنى للكل التوفيق ويارب ترجع يا عصام يا توفيق يا حضررررررى

ده رايك يا كمال واكيد نحترمة واحنا اصحاب واختلاف الراي بنا لا يفسد في الود قضية بس عايزين نشوف باقي الاعضاء
وياريت بقي تفضل تدخل علطول مش تمشي علي سطر وتسيب عشرة

لالالالالالالالالالالالالالالالالالالالالالا
والف لالالالالالا
لعدة اسباب وهي رجوعه هيسبب كتير من المشاكل للفريق مع شادي ولعيبة كتير
ثانيا جوزيه لن يقبل وجوده باي سبب ولو رجع هيقعده احتياطي لامير وممكن تبقي فيه مشاكل
ثالثا مبادي النادي الاهلي لا تتجزاء
رابعا انقلي يا نوران الموضوع لقسم المواضيع
هههههههههههههههههههه

راي مقنع جدا يا طاطا بس مش فهمة حاجة من اخر جملة

انا كمان ارفض رفضا قاطعا مهما كانت الاسباب واتفق تماما معاك يا طاطا المباديء لا تجزأ وفعلا جوزيه خلاص مش هيرضى عنه مهما حصل فمش هيلعب لو جه فمن كل النواحي مش نافع حتى لو سامحنا جوزيه مش هايسامح
مرة تانية لا لعودة اندل

لا لا لا .... و أنا متأكد مليون في المئة انها لعبها و بالذات في نفس توقيت الحكم المتوقع بتغريم النادي (سيفون) غرامة كبيرة و ايقافه موسم انتقالات لا يتعاقد و ايقاف الهربان ... بلاش نبقى هُبل و سُذَّج و نخلي واحد زي الهربان الجاهل ده يضحك علينا تاني .... لا لا لا لا و ألف لا لا لا لا لعودة الخائن المضلل النصاب ... و رمزي صالح و أحمد عادل مع أمير كفاية و مليون ألف كفاية و مع الماتشات هنكسب 3 حراس عمالقة صغار السن

انا بقا عكسكم جميعا
انا موافق انه يرجع
بس يكون رجوع بشروط تعجيزية
لان الاهلي مصلحته فوق الجميع
مفيش شك حراسة مرمي الاهلي اتأثرت كتير بعد ما مشي

مين الى قال اه؟ من التسعة
هترجعوا خاين اية يا جدعان فين مصلحة الاهلى فى رجوع خاين
و بعدينهو كدة كدة قرب يخلص بالجامد
هنعمل اية
هنلطم زى الحريم
لازم امير و غيرة ياخد فرصتة

الاغلبية قالت لا واتنين بس قالوا اه بس محدش يعرف القرار دلوقتي في ايد الادارة

نصبر شوية يا نانو

» مواقف وجنان
» ((مواقف حكيمه وطرائف عربيه))
» مواقف بكي فيها الحبيب المصطفي
» امامكـ ثلاث مواقف وفي عينيكـ دمعه واحده..,,
» يصادف المرء مواقف يظن أنه قد راها سابقا هل تعلم لماذا؟