الزمالك يرد الجميل للأهلى

واصل موقع zamalek.tv استفزازه المستمر لكل ما هو أهلى . و بالرغم من أن الموقع خاص بالزمالك و أخباره و مبارياته و هزائمه إلا انهم يتعمدون دائماً الزج بإسم الأهلى فى كل شئ حتى يكون الشماعة التى يتحجج بها عند كل هزيمة معتاده للزمالك

خرج علينا العباقرة القائمين على هذا الموقع بخبر عنوانه ((أجوجو يثأر للأهلى من بورسعيد))
و بداية الخبر تقول ((أن أجوجو رد إعتبار فرق العاصمة بعد أن أزل المصرى الأحمر فى بورسعيد ...... إلخ))
و إنى أتوجه لكاتب المقال بسؤال و أنا أعرف ان لديه الإجابة عليه بالتأكيد
لماذا لم تكتب العنوان بطريقة أخرى تميل إلى صحة الموقف ؟؟ و ليكن العنوان الصحيح للخبر
((بعد أن ثأر الأهلى للزمالك من طلائع الجيش و المحلة و المصرى و بتروجيت الموسم الماضى .. الزمالك يرد الجميل للأهلى))
للأسف نسى كاتب المقال الهزائم المتتالية و المعتادة للزمالك طوال أربع مواسم سابقة و إن شاء الله ستستمر للموسم الخامس على التوالى بدون شك
نسى كاتب المقال أن الزمالك لقى الموسم الماضى 9 هزائم منهم 2 أهلى و 2 إسماعيلى و 2 بتروجيت
نسى كاتب المقال أن الزمالك منذ 3 مواسم يبحث عن المركز الثانى و يعتبرونه بطولة خاصة و إنجاز رائع
نسى كاتب المقال أن فريق المصرى البورسعيدى و هو أقل من المستوى الذى هو عليه الآن فاز على الزمالك فى القاهرة الموسم الماضى
حقيقة أنا كأهلاوى و كعادتنا لا ننظر لمثل تلك التفاهات التى تكتب من أقلام مشبوهة فكرت كثيراً قبل أن أكتب ذلك الموضوع و لكن فضلت أن أذكّر كاتب المقال أنه أخطأ فى حق الفريق رقم 1 فى مصر و أفريقيا و الوطن العربى و أن أذكره أيضاً بسقطات فريقه المعتاده و أقول له أن فوز الزمالك على المصرى ما هو إلا فوز عادى جداً لن يؤثر فى مقدمة جدول الدورى فى شئ طالما أن النهاية ستكون حمراء كالعادة

على قناة الحياة و قبل مباراة السوبر الماضية و على الهواء مباشرة قام مراسل القناة بإستضافة جماهير الفريقين لإستطلاع توقعاتهم لنتيجة اللقاء قبل بدايته
بالطبع كان كل جمهور الأهلى على ثقة بالفوز بالمباراه و كل جماهير الأهلى توقعت الفوز و برصيد عالى من الأهداف
أما جمهور الزمالك فتباينت توقعاتهم بين الفوز و الفوز بضربات الجزاء و بين كلمة (ربنا يستر)
و لكن ما لفت نظرى هو أحد مشجعين الزمالك الذى قال بالحرف الواحد ((لو كسبنا يبقى إنجاز و لو خسرنا ما هو ده العادى))
أعتذر للإطالة

بصراحه وانا عارفه ان انتم مش هتوافقونى فى رايى انا اول مره افرح لفوز الزمالك
لانى بجد بكره المصرى جدااا

بس والله الزمالك ما كان يستحق الفوز امبارح

عوما متعوضه ان شاء الله

انا مفرحتش بصراحة بس قولت احسن وخلاص عشان ابراهيم وحسام يتربوا بس مفيش حد يقدر يرد الجميل للاهلي ولسة مجاش اليوم الهيتعتف في الزبالين علينا ويردوا لينا الجميل فية

سندرلا الاهلاويه كتب:

بصراحه وانا عارفه ان انتم مش هتوافقونى فى رايى انا اول مره افرح لفوز الزمالك
لانى بجد بكره المصرى جدااا

بس والله الزمالك ما كان يستحق الفوز امبارح

عوما متعوضه ان شاء الله

بالعكس انا كمان فرحان لفوز الزبالك امبارح

خليهم يعطلوا بعض لحد ما نفوق لهم ان شاء الله

و بعدين يبقوا يقابلونى

معلش يا ادمن مكتومين بقالهم 4 سنين مستكتر عليهم الفرحة بعد 4 سنين يا شاذلي وبعدين ده اصلا المقال في حد ذاته بين مدى الفرق اللي هما حاسينه بينا وبينهم والدليل انهم فرحوا لمجرد انهم كسبوا فريق خسرنا يعني مش فرحانين لنفسهم قد ما فرحوا لان دي الفرقة اللي خسرت الاهلي وبكده يبقوا نزلوا لمستوى فريق الاسماعيلي ان طموحاته انه يكسبنا بس هههههههههههههه والله غلابة وصعبانين عليا ربنا يشفيهم يا رب
الشيء بالشيء يذكر النهاردة واحد في المكتب عندي زمالكاوي ولاقيته اول ما دخلت الصبح راح جايلي مخصوص وبيقللي اي خدمة يا دكتور خدنالكم حقكم اهه وبتاع بس بصراحة عيب لما يبقى الاهلي تاسع الدوري هو طبعا عارف اننا دمي حامي وبشوط وبقل ادبي لما حد يتكلم على الاهلي على طول رحت بمنتهى البرود قايله يا سيدي رينا يخليكم لينا وعموما ماحنا ياما خدنالكم حقوق بقالنا اربع سنين وبعدين محنا كل دوري بنعمل كده وبنرجع نحطكم تحتينا بعشر وتسع نقط ايه الجديد يعني وياسيدي ياريت تاخدوه انا حتى افرحلكم عشان تحسوا ان ليكوا فرقة في الدوري وان انتوا بتنافسونا بدل ما تتخانقوا كل موسم مع الاسماعيلي وسكة حديد طلخا على المركز التاني
خرج وهو دمه مجروق وبيولع وقعدت اضحك اصلا عليه نص ساعة فعادي يعني غلابة والله

شكرا يا ادمن على التوبيك وتقبل مروري

متكشرين يا زمالك يا جامد يا محلى بقونا ربنا ياخدوا جملة و قطاعى