حسام عاشور لـ AhlyNews.comأسعى لحجز مكان فى التشكيل الأساسي

<table cellSpacing=0 cellPadding=0 width="100%" border=0><tr><td vAlign=top width="100%"><table cellSpacing=0 cellPadding=0 width="100%" border=0><tr><td>
كتب محمد يسري مرشد, في 15-08-2008 16:55</TD></TR></TABLE>

أبدى لاعب وسط الأهلى الشاب حسام عاشور سعادته البالغة عقب إنضمامه لقائمة المنتخب المصرى التى أعلن عنها فى وقت سابق من اليوم الكابتن حسن شحاته.

[ندعوك للتسجيل في المنتدى أو التعريف بنفسك لمعاينة هذه الصورة]

وأكد عاشور فى حديث خاص لـ AhlyNews.com أن إنضمامه للمنتخب جاء تتويج لمجهوداته فى الفترة الماضية مع الأهلى وأن الألتزام فى المباريات وفى تدريبات فريقه وتنفيذ تعليمات الجهاز الفنى كان طريقه للأنضمام للمنتخب.

وأفصح اللاعب على أنه كان يسعى للأنضمام إلى المنتخب المصرى الأول منذ فترة خاصة وأنه كان أحد اعضاء منتخبات مصر فى الأعمار السنية المختلفة وأنه كان اساسياً فى منتخب مصر للناشئين والشباب مع المدير الفنى المصرى محمد رضوان كما أنه لعب اساسياً للمنتخب الأوليمبى المصرى الذى كان يقوده البرتغالى فينجادا.

وأنهى اللاعب حديثه مشدداً على أنه سوف يسعى خلال المرحلة القادمة لحجز مكان اساسى فى تشكيلة المنتخب المصرى مؤكداً فى النهاية أن رغبته هذه تعتبر تحدى جديد له .

وكان الكابتن حسن شحاتة قد اعلن عن قائمة المنتخب التى تستعد لمواجهة السودان ودياً وضمت القائمة 8 لاعبين من الأهلى هم أمير عبد الحميد ووائل جمعة وشادى محمد وسيد معوض و أحمد حسن كابتن المنتخب و حسام عاشور و محمد أبو تريكة و عماد متعب.

متابعة: شيماء ابو قمر

</TD></TR></TABLE>

غلطة حياة حسن شحاتة انه خدك فى المنتخب

اخيييييييييييرا انت مجتهد وتستاهل طبعا يا حسام ربنا يوقفك بس بلاش الحالات التانيه اللى بتجيلك ساعات دى
ميرسى على المتابعه يا محمد

شرفتم التوبيك عبود وسندريلا وهو مشكلته انه فعلا مزجانجي يوم تحت ويوم فوق

بكرة ايمن عبد العزيز يقول هو كمان عاوز المنتخب

انا مختلف تماما مع اى حد شايف ان حسام عاشور دا لاعب كويس.. انا شايف انه لاعب ماعندوش اى ابتكار فى لعبه وماعندوش اى كورة هجومية خالص ودايما باصاته مقطوعة ومابيعرفش غير انه يرجع الكورة لورا للدفاع او للحارس ويزنقهم بباصاته الغبية دى

يوم تحت تحت تحت و يوم فوق بس.....مزجانجي فعلا و باصات كتييييييييييييير مقطوعة ...بس الاجمالي و المحصلة لاعب جيد

لا يا عبد الرحمن انت بتتكلم ازاى ده لاعب مهارى جدااااااااااااااا وبينفذ راى المدرب جدا جدا وحاليا من احسن لاعبيه خط الوسط الموجودين يارب وفقه ان شاء الله هو صحيح لمل بيافل بيبقى مش كويس لكن ان شاء الله يرفع راسنا

abdelrahmaaan كتب:

انا مختلف تماما مع اى حد شايف ان حسام عاشور دا لاعب كويس.. انا شايف انه لاعب ماعندوش اى ابتكار فى لعبه وماعندوش اى كورة هجومية خالص ودايما باصاته مقطوعة ومابيعرفش غير انه يرجع الكورة لورا للدفاع او للحارس ويزنقهم بباصاته الغبية دى

بتفق معاك جداً يا عبد الرحمن و انا بردو شايف ان حسام عاشور لاعب عادى جداً و لا يصلح لأن يكون إرتكاز النادى رقم واحد فى الشرق الأوسط بهذا المستوى و يمكن اللى مخليه مستمر فى تشكيلة الأهلى الأساسية هو تحدى جوزيه انه يعمل منه نجم
و اللى متابع حسام عاشور هيلاقيه بيلعب ماتش كويس و 20 ماتش وحش جداً و تمريراته كلها مقطوعة و بيزنق زمايله زى ما قلت يا عبد الرحمن
لو عاشور راح نادى زى الزمالك هتعرفوا مستواه الحقيقى

سندرلا الاهلاويه كتب:

لا يا عبد الرحمن انت بتتكلم ازاى ده لاعب مهارى جدااااااااااااااا وبينفذ راى المدرب جدا جدا وحاليا من احسن لاعبيه خط الوسط الموجودين يارب وفقه ان شاء الله هو صحيح لمل بيافل بيبقى مش كويس لكن ان شاء الله يرفع راسنا

عارفة يا سندريلا لو عملتى مقارنة بينه و بين محمد شوقى او بينه و بين اينو او حتى بينه و بين محمد أبو العلا فى الزمالك هتلاقى ان حسام عاشور أقل مستوى منهم كلهم و مش عندو اى مهارة من اللى بتقولى عليها هو بس بينفذ اللى المدرب عايزه و ده ممكن لكن مش عندو اى ذكاء ملعب زى شوقى و لا تسديدات قوية و تمريرات قاتلة زى اينو و لا بيعرف يكمل ورا المهاجمين زى ابو العلا ............ انا مختلف معاكى يا سندريلا

اختلاف الراى لا يفسد للود قضيه يا ادمن
بس ده رايى

كل احترام و تقدير لرأيك يا سندريلا
و بالفعل الإختلاف فى الرأى لا يفسد للود قضية

زى زيكم بتخنق من كتير و اكتر واحد بيتشتم منى لكن تعالوا نبص للاعيب دة بدون تعصب كدة حسام عاشور خدام ملعب بمعنى الكلمة غير انة بينفذ تعليمات مانويل بالحرف و صدقونى الاعيب دة لو كان فى فرقة تانية غير الاهلى كنا جرينا وراة هو بس محتاج يركز اكتر فى المبلعب لان بتعدى علية ساعات و يهيس و على فكرة هو سبب نكسة النجم السنة الى فاتت جونين منة بس هو لاعب كويس جدا على فكرة و هيبقالة مستقبل رائع
مينفعش تبقى الفرقة كلها حريفة و لا مطلوب من عاشور انة يهاجم لاننا عندنا صانع العاب هو دروة بنسبة 90% يدافع علية و يقطع و يعطل اكتر كم من الهجمات
اما نوعية الدفندرات الحريفة زى حسام غالى الى انا بعشقة لانة لاعيب كبير جدا لكن لو لعب تحت ابو تريكة هنشيل بكتير يا جماعة بجد مش معنى كدة ان غالى وحش لكن هو بيحب يهاجم و يصنع العاب و اديما تبقى الدايرة فاضية بعنى اى حد عندة سرعة شيكبلا مثلا ممكن يبقى راجل علينا لكن لو عاشور موجود اعتقد انتم عارفين النتيجة

» هشام حنفي: التشكيل الأساسي للاتحاد لمن يدفع أكثر!!!
» خاص البدري للاعبين: الشكوى للإعلام لن تضع اللاعب في التشكيل الأساسي.. وإينو و در
» العجيزي : كنت أحلم بهدف في القمة.. وجوزيه لم يضعني في التشكيل الأساسي
» متى ينضم حسام عاشور للمنتخب؟
» حسام عاشور يغادر المستشفى بعد الاطمئنان على حالته