انا في رايي ضربهم بالنار هو اقل عقاب مش مجرد غرامات ماليه لان هم شكلهم كده شبعوا كورة انا في حياتي ما شفت اللاعيبة مستهترة كده زي امبارح وفي رايي الشخصي :
فلافيو.....محتاج انك تتركن شوية فرصة ترتاح وتشتاق للعب تاني
متعب....انصح جوزية ينزلك تتمرن مع الناشئين وتتعلم كورة من جديد شكلك نسيتها (احتراف وسيبناك وانت اللي فقر معتش في حجج ملكش مزاج تلعب الباب يفوت جمل)
بركات....انا حاسس ان مجهودك في الملعب قل مش فاهم ما بتتمرنش لياقة ولا عجزت ولا ايه بالظبط اه ما بتلعبش في مركزك بس بردو مجهودك قليل
بوجلبان....ياريت تاخدها من قصرها وترجع بلادكم وكفاية لحد كده
عاشور....انت يا في السما يا في الارض اركز كده واهدى وركز في باصاتك
صديق....سوا كنت لعيب او مش لاعيب مش هلوم عليك انت لعبت كام ماتش اساسي اصلا من يوم ما جيت
جلبرتوا.....انا شخصيا كنت شايف انك انضف واحد فيهم بس لما يبقى معاك 10 اكياس جوافة في الملعب هتعمل ايه لوحدك يعني
احمد السيد....بطل غشمية وتمثيل والعب بدماغك مش بجسمك دي كورة
وائل....مش عارف اقول ايه مش ده وائل زمان بس بردو مش قادر الومك اوي لانك شلت كتير
امير....هتعرف تبقى راجل وقد مسئولية حراسة مرمى الاهلي وتسبت كده ومتبقاش مهزوز كل ما يخش فيك جون ولا يتشاط عليك شوطة جامدة وتهز الدفاع معاك اهلا وسهل مش هتعرف يبقى اركن لحد ما تعرف وتتعلم
اما النجم العظيم شادي محمد....هقلك كلمتين ابوس ايدك ورجلك وكل حتة فيك ارحمنا بقى وكفاية كدة يا تعتزل باحترامك يا تشفلك فرقة تانية تبليها بيك
جوزية.....لاول مرة احس انك مقدرتش الماتش صح من اول التشكيلة لحد نهاية الماتش بس بسيطة ومتعوضة نصيحة بس في ناس كتير شبعت كورة قعدهم عالدكة ولعب اللي عطشانين كورة عشان الرجالة التانية ترجع تشتاق للعب
الرئيسية 
التسجيل 
دخول 
