اعلان هام ارجوا من الجميع الدخول

تم بحمد لله تجهيز قسم توقعات الدوري الممتاز عام 2008/2009 وتم وضع تسع اسابيع من جدول الدوري وسيتم وضع الباقي باذن الله عندما يجهزهم اتحاد الكوسة المصري وستكون شروط المسابقة مثل العام الماضي واذا كان اي من الاغضاء الجداد يريد ان يعرفها فا في قسم التوقعات توبيك يحمل اسم شروط المسابقة يمكن للجميع مشاهدتة وسيبدا الدوري يوم 8/8/2008 لذا ارجوا من الجميع المشاركة ويفتح باب التوقع من الان لتبدا المسابقة ونبدا بدعاء لنادي الاهلي بالتوفيق في هذا الدوري باذن الله ويمكن للاعضاء توقع تشكيل النادي الاهلي فقط من بين الفرق وسياخد كل عضو علي كل لاعب صحيح نقطة واحد اي لو توقع 7 لاعبين ياخد 7 نقط وهذا هو الجديد في توقعات الدوري وارجوا من الجميع المشاركة والتفاعل في هذه المسابقة وشكرا

هههههههههههه ولا مليم يا رانيا انا عرفة ان الولا مليم مبلغ كتير بس انتي عرفة ادمين بقي ولو نزيلتي اعلان وظيفة ممكن يخليكي تتدفعي اتنين ولا مليم وده مبلغ ضخم اوي فانا بقولك روحي نزلية في الوسيط احسن

ميرسي جدا يا دكتور بس بنسبة لتوقع التشيل للنادي الاهلي ده اختياري مش اجباري يعني العايز يتوقع التشكيل يتوقع والمش عايز خلاص

شكرا جدا جدا ليك يا وائل وباذن الله نفوز بالدوري باذن الله

فكرة هادفة جدا بس انا شخصيا قناعتي بالفريق وبجوزية وبالمنظومة كلها هتخليني اتوقع فوز الاهلي بكل الماتشات لكن عموما هحاول اكون واقعي على قد ما اقدر

شكرا ليكي نانو افكارك كلها inovative ما شاء الله ربنا يحميكي وتقبلي مروري

لا حضرتك دي حقن S/C تحت الجلد يعني.. .. ايه يا هندزة لازم تحرجنا كده يعني يا باشمهندز(خللي بالك بالزين مش بالسين) انا قعدت ساعتين اصلا عشان احاول اجيبها بتعبير مناسب بالعربي فشلت رحت كاتبها زي ما هي وخلاص وبعدين ما انت فاهم انا طول عمري متعلم في امريكا البلد في كفر واشنطن لازم اتفزلك عقد نقص بعيد عنك تقول ايه بقى.

على فكرة يا باشمهندس انا بعتلك ايميل مش عارف وصلك وللا لا يا ريت تعرفني وشكرا على الافيه الحلو ده

اوكي يا محمد انت ومحمد وياريت اشوفكم قي القسم وتنوروني وباذن الله الاهلي هيفوز في كل المتشات باذن الله مشكورين

هههههههههه ماشي يارباب انا اتشرف بيكي طبعا ومتقلقيش هجبلك مياه لما تيجي اكيد هتكوني تعبانة من الجري