لعبة الأسئلة.

انا لقيت فى كذا منتدى فكرة عجبتنى جدا .. وهى عبارة عن موضوع فيه كل واحد يسأل العضو اللى قبله اى سؤال فى باله ..عايزين انلعب اللعبة دى مع بعض وانا مستعد ابدأ واى حد يسألنى اى سؤال.

ماشي انا موافقة اهي حاجة جديدة ومسلية
لو طلعت القمر ولازم تاخد معاك حاجة وحدة هتاخد اية ؟؟؟؟؟؟؟؟؟؟؟

كان زمان ممكن اخد جيتارى معايا بس دلوقتى بصراحة مش عارف هاخد ايه.. بس عالعموم مش هاينفع اخد سندويتشات معايا.

تعالى انتى بقى يانانو.. لو طلعلك عفريت بالليل وانتى فى البيت لوحدك والنور كان قاطع كمان هاتعملى ايه؟؟؟؟؟

هصوت والم الناس عليا بعدين نو واي اني افضل في البيت لوحدي وانام لني بخاف جدا بصراحة

ههههههههههههههه منا عارف عشان كدة بسألك السؤال دا

يا عبد الرحمان المفروض تبقي اللعبة ان العضو اليدخل يحط سوال والعضو البعدة يجاوب علية زي رانيا وسندرلا وسندرلا تحط سوال والعضو البعدة يجاوب وبحط سوال محرج وهكذا اوكي

لا مش هاينفع يا نانو لازم اللى يسأل يسأل العضو اللى سأل اخر سؤال عشان يبقى عارف هو بيسال مين مش داخل يرمى السؤال وخلاص يعنى مثلا لو انتى سألتينى وانا جاوبت ييجى حد بعدى يسألك انتى وهكذا ..بس انا كنت عايز اجاوب على سؤال ام سيوفة واقولها انى بسامح اه بس بحدود يعنى لو حد غلط معايا مرة اسامحه لكن لو كررها مش هاقدر اسامحه ابدا ولو انى قلبى طيب وبنسى علطووووول

يا رباب تسالي السال اخر سوال
اوكي يا عبد الرحمان

صح يانانو اللى يخش يسأل يسأل اخر واحد سأل.. بس انا هجاوبك .. انا بسامح اى حد يغلط فيا ولو حتى مرة واتنين لكن طبعا مش علطول بس بمجرد انه يتأسف بسامحه وبنسى .. بس الحاجة الوحيدة اللى مابقدرش انساها وممكن اقاطع فيها اللى عمل معايا كدة الكذب وبالذات لو من الناس القريبة منك وانا حصللى مواقف كتير ونا كدبوا عليا وكانو من اقرب الناس ليا ولحد دلوقتى مابعرفهمش ولا بكلمهم مابقدرش اغفر الموضوع دا ابدا.. اللى يسأل بقى يسأل رباااااااااب

رباب لو عرفتي انك الوحيد الممكن تنقذي العالم من حاجة اي حاجة بس الطريقة انك تموتي بعد الشر عليكي طبعا هتعملي كده ولا لا

ههههههههههه حلوة يا رانيا بس رباب يا ريت تجاوب وبعدين حد يسالني

ايه السؤال الصعب ده يا نانو ده مش من المنهج ولا من النماذج
ترضي حد يعمل فيكي كده في الامتحان
هأقولك يا ستي
طبعا كنت اتمني تكون اجابتني بدون تردد اني هأضحي بنفسي بدون تفكير زي الأفلام كده
لكن الحقيقة مش عارفة ممكن اعمل ايه ساعتها
بس ممكن اوافق لو هاموت من غير ما احس بحاجة بتوجع

هأسألك انتي بقي تعالي لي
مين اكثر شخص في الدنيا بتثقي فيه ؟ اختيار واحد بس

طيب انا عايزة اشارك هخش وخلاص
ماما اكتر شخص اثق فيه
ممكن برضو تجاوبى يا نانو

جميلة اوي اللعبة ديه

سوري يا رباب دي اول مرة اشوف السوال تخيلي من ساعت ما كنا بنلعب اكتر شخص بثق فية صحبتي الانتيم لمياء بس زملكوية للاسف

انا بردو لسه مفهمتش الصراحة اللي يخش يسال وللا يجاوب على اخر سؤال ماعلينا انا هعمل الاتنين
اكتر شخص بثق في هو دماغي ومش نرجسية ولا غرور بس محدش بيريحني غيرها

السؤال بقى للي جاي بعدي او للي عايز يجاوب: لو حصلت مشكلة بين اهلك وبين شريك او شريكة حياتك وخلاص يا اما اهلك يا اما شريكة او شريك الحياة والبيت والاولاد ولازم تختار واحد بس فيهم تختار/تختاري مين؟؟؟!!!

ايه السؤال الصعب ده ومين يحط نفسه فى الموقف ده اساسا
ده موقف صعب اوى اوى اوى
ربنا ميوقعناش فيه
حد بقى يجاوب عليه

ممكن اجاوب انا؟

لو بجد الشخص ده بحبه واهلي واقفين قدامي هختاره بس دول اهلي بردوا اية ده حاجة تحير والله وبعدين مين صحيح يوقع نفسة في الموقف ده

لو انت في بلد غريبة ومش معاك فلوس وعاوز ترجع تعمل ايه؟وطبعا مفيش ولا موبيل ولا فيزا؟؟؟؟