| يا بنات | |
|
|
|
كاتب الموضوع | رسالة |
---|
nano الأسطورة
عدد الرسائل : 7187 العمر : 29 المهنه : انت منين : تاريخ التسجيل : 06/02/2008
| موضوع: يا بنات الخميس أبريل 03, 2008 9:42 pm | |
| يا جماعة عيزين نعمل حاجة جديده في قسم البنات يعني مسابقة لينا بس او نصيحة كل يوم اوي اي حاجه جديده حد عنده اي اقترحات | |
|
| |
look_like أهلاوى ماسى
عدد الرسائل : 2696 تاريخ التسجيل : 22/07/2007
| موضوع: رد: يا بنات السبت أبريل 12, 2008 10:05 pm | |
| صح يانوران منظر القسم بايخ قوي قوي | |
|
| |
nano الأسطورة
عدد الرسائل : 7187 العمر : 29 المهنه : انت منين : تاريخ التسجيل : 06/02/2008
| موضوع: رد: يا بنات الأحد أبريل 13, 2008 9:00 pm | |
| الولاد بيعملوا حجات واحنا قعدين كده | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الإثنين أبريل 14, 2008 10:27 am | |
| نعم مين بينده فعلا معاكم حق بس نشاطهم ده لانهم ماشاء الله عددهم كبير وكمان مستمرين فى المنتدى لمدد اطول مننا اما احنا فكل شويه واحده او اتنين يغيبو مننا واحنا كلنا على بعضنا تقريبا خمسه لكن انا بصراحه مبدخلش عندهم ومعرفش هم بيعملو ايه بس زمان اول ما دخلت وكانت معايا امه الله كنا بنعمل حاجه كده بنطمن على بعض يوميا وممكن نقول احنا عملنا ايه النهارده مع اننا كنا بنتكلم عالشات كل يوم بس كان لازم ندخل قسم البنات ونتكلم برضو طب انا ممكن اقترح حاجه زى كده يعنى مثلا لو واحده عندها مشكله او حاجه بتفكر فيها ممكن تشاركنا معاها اهو استشاره واستفاده ممكن نعمل حاجه اجمل من اى شىء وهو حفظ القرءان واتمنى والله انكم تشااركونى ووالله لو نويتم هتلاقو وقت لانكم طبعا هتقولو مفيش وقت للحفظ بس قولولى الاول رايكم ولو وافقتم ممكن نشوف هيتم ازاى ممكن ندخل يوميا نكتب حديث ونحاول نفسره ممكن اسبوعيا نطرح موضوع ونتناقش فيه زى الحجاب الاسلامى. عمل المراه.الاخترط فى الجامعات .الاضرب فى مصر .التعليم فى مصر.الزواج المبكر . مواضيع كتيره واكيد الكلام ده هيفيد الكل وهيكسبنا احنا خبرات للتعامل مع الاخر ومع جميع الفئات العمريه ياريت تقلولى ارائكم مستنيه رد نانو الاموره ..هند الكميله .ام سيوفه اللذيذه ..رباب الزميله الجميله .. ولو نسيت حد برضو مستنيه ردها وجزيتى خيرا نانو للموضوع | |
|
| |
look_like أهلاوى ماسى
عدد الرسائل : 2696 تاريخ التسجيل : 22/07/2007
| موضوع: رد: يا بنات الإثنين أبريل 14, 2008 11:00 am | |
| انا موافقة يبقي نقاش عام في اي حاجة حصلتلك النهاردة حاجة مدايقاكي | |
|
| |
nano الأسطورة
عدد الرسائل : 7187 العمر : 29 المهنه : انت منين : تاريخ التسجيل : 06/02/2008
| موضوع: رد: يا بنات الإثنين أبريل 14, 2008 10:04 pm | |
| ونعمل نقاش كمان في القضايه الي في العلم اليومين دول وطبعا نصفها في مصر كلعاده يعني المهم انا موفقه طبعا نبتدي من امتي؟ | |
|
| |
look_like أهلاوى ماسى
عدد الرسائل : 2696 تاريخ التسجيل : 22/07/2007
| موضوع: رد: يا بنات الإثنين أبريل 14, 2008 11:20 pm | |
| ياجماعة احنا محتاجين بنات كتييييييييييييييييييير | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الثلاثاء أبريل 15, 2008 12:39 am | |
| معاكم حق محتاجين بنات كتير بس انا ارجح ان احنا نبدا بتشجيع بعض على الحفظ للقرءان وممكن نتواصل عالشات ونسمع لبعض بجانب وجود الموضوع المثار للنقاش اقترحو انتو اموضوع وجزيتن خيرا | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الأربعاء أبريل 16, 2008 10:04 am | |
| | |
|
| |
look_like أهلاوى ماسى
عدد الرسائل : 2696 تاريخ التسجيل : 22/07/2007
| موضوع: رد: يا بنات الأربعاء أبريل 16, 2008 8:24 pm | |
| | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الخميس أبريل 17, 2008 9:55 am | |
| اوكى يا هند بس شوفى باقى البنات مدخلوش الموضوع اهو فينك يا نانو يا مثيره الموضوع فين رباب وام سيوفه ومن ناحيه حفظ القرءان عايزه اعرف الاول لو فيكم حد كان حافظ حاجه قبل كده وقلولى حابين تبداو من جزء عم ولا من اول اول سوره البقره ياريت يا بنانيت اشوف ردود سريعه يالا بقى سلام | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الخميس أبريل 17, 2008 11:45 pm | |
| ايه يا بناويت فينكم ياحلاوت اوكى برضو منتظراكم | |
|
| |
nano الأسطورة
عدد الرسائل : 7187 العمر : 29 المهنه : انت منين : تاريخ التسجيل : 06/02/2008
| موضوع: رد: يا بنات الجمعة أبريل 18, 2008 12:04 am | |
| انا موفقه ونبتدي من عم احسن | |
|
| |
ROBOS الأسطورة
عدد الرسائل : 6179 Location : Elmansoura تاريخ التسجيل : 01/01/2008
| موضوع: رد: يا بنات السبت أبريل 19, 2008 7:36 pm | |
| السلام عليكم يا حلوين أولا أنا أول مرة أشوف الموضوع ده لأني ما دخلتش القسم ده من زمان ثانيا هو فكرة كويسة جدا وها يعمل تواصل ومش مهم حكاية العدد ده الواحدة فينا بعشرة ثالثا يا ريت تكون المواضيع متنوعة يعني ما نقصرهاش علي حاجة واحدة رابعا انتم تصوركم ايه في الموضوعات يعني هل نحدد كل اسبوع أو عشر أيام موضوع نتكلم فيه أو نقول معلوماتنا ورأينا عنه وبعدين نغير مثلا خامسا بالنسبة لموضوع حفظ القرأن هو طبعا اقتراح جميل بس اعذروني فيه لأني فعلا بأدرس تجويد وبأحفظ القران من حوالي سنتين وملتزمة بالمجموعة اللي ماشية معاها علشان فيه تسميع كل اسبوع وامتحانات نظري وعملي وشغلانة كبيرة . وعلي فكرة أنا حفظت معاهم بداية من اخر المصحف ووصلت حاليا للجزء 27 بس لسه بنبدأ فيه (وعلي فكرة يا جماعة عايزة أقولكم نصيحة لوجه الله اللي مش دارس تجويد يحاول يعرف فيه أي حاجة وهو سهل والله بس فرق شاسع بين القراءة العجيبة اللي بنقرأها والقراءة الصحيحة اللي بنوصلها مع معرفة التجويد) | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الأحد أبريل 20, 2008 11:46 pm | |
| ماشى يا نانو هنبدا من جزء عم ان شاء المولى وعليكم السلام ورحمه الله وبركاته ازيك يارباب اولا طبعا انا بحيكى جدا جدا على مسيره حفظك وبدعيلك تكملى الحفظ حتى تنفعى نفسك بالقرءان وايضا تلبسى والديك تاج الكرامه ان شاء الله وادعيلى انى اثبت على الحفظ انا كمان لانى كنت من فتره حفظت 15 جزء ووقفت ونفسى اكمل حفظ القرءان واراجع عالباقى وبجد معاكى حق فى ان الحفظ بالنطق الصح والتجويد المتميز بيكون انفع واحسن وارقى ربنا يكرمك يارباب ويحفظك
اما عن االمناقشه فالموضوعات ممكن ميكنش فى مده معينه للموضوع هو بس مجرد اقتراح الموضوع وبدء النقاش وتبادل الاراء لحد ما نطلع براى شامل فيه وخلاص ونفتح غيره المهم انها تكون مواضيع قيمه حتى نستفيد جميعا بس انا عايزه اقترح عليكى حاجه بما انك بتدرسى تجويد فليه متابعيش معانا ويبقى منك بتراجعى على اللى حفظتيه وكمان تكسبى ثواب فينى و تساعدينا كلنا فى معرفه ولو القليل عن علم التجويد وطبعا ده هيكون فيه تواصل عالايميلات عشان النطق الصح لو ميضيقش حد يعنى يا ترى ايه رايك فى الاقتراح مستنيه رايك وباقى البنوتات دمتن جميعا بكل ود وحب | |
|
| |
ROBOS الأسطورة
عدد الرسائل : 6179 Location : Elmansoura تاريخ التسجيل : 01/01/2008
| موضوع: رد: يا بنات الإثنين أبريل 21, 2008 8:58 pm | |
| ازيكم يا بنات شفتم اهي اللي اقترحت الموضوع اختفت علي أي حال هأقولك علي شوية حاجات يا نونا أنا كمان كنت حفظت قبل كده 7 أجزاء (ووقفت وما راجعتش عليهم برضة)بس من غير ما اعرف تجويد وطبعا لما أخدت بعضهم مع التجويد لقيت اختلاف فظيع بالنسبة اني اراجع معاكم فمفيش مشكلة خالص لأني لازم كل شهر اراجع كل اللي فات علشان بيبقي عندي امتحان . واللي فات زي ما انت شايفة مش كثير يادوب 3 أجزاء ونصف يعني باراجعهم في اقل من اسبوع قبل كل امتحان انا بس كنت اقصد اني ما أقدرش اسبق أو أخد حاجة ثانية لأن هايبقي حمل زايد مش هالاحق عليه اما بالنسبة لحكاية دروس التجويد نفسها فالموضوع ده محتاج تسمعيه من متخصص ولازم حد بيفهم في الموضوع ده يسمعك وانت بتسمعي علشان يكتشف غلطاتك لأن احيانا الواحد بيكون متصور انه بيقرأ صح والعكس هو الصحيح وأنا شخصيا ما وصلتش لسة للمستوي ده لأن اللي بيوصل للمستوي ده بيحتاج مثلا حوالي 5 سنين علي الأقل خالص ويبقي متفوق كمان لكن برضه انا تحت امركم في اي حاجة او اي معلومة عن الموضوع ده علي قد حالي وعلي قد وقتي كمان علشان زي ما انت عارفة انا بيبقي عندي شغل يوميا وكمان داخلة علي شهور الصيف والدنيا بتبوظ فيها جدا. يعني وان كان فيه حد عايز ياخد فكرة عن الحكاية دي فيا ريت تشوفي سي دي بتاع طارق سويدان وكمان برامج كثير بتعلم القراءة الصحيحة علي كل القنوات الناس والحكمة وغيرها بس برضة لازم حد متمكن يسمعك وزي ما قلت لك أنا تحت أمركم في اي حاجة ومنتظرة ردكم | |
|
| |
nano الأسطورة
عدد الرسائل : 7187 العمر : 29 المهنه : انت منين : تاريخ التسجيل : 06/02/2008
| موضوع: رد: يا بنات الإثنين أبريل 21, 2008 9:23 pm | |
| اوك انا موافقه بس موضوع التجويد ده صعب شويه لان زي ما رباب قالت لازم يبقي في حد بيسمع لينا وكده فحنا نبتديها بكلام في مواضيع لمدة اسبوع مثلا وفي اخر الاسبوع نشوف راي الاغلبيه ونتلع براي واحد للموضوع | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الثلاثاء أبريل 22, 2008 1:29 pm | |
| ازيكم يا بنانيت اخباركم ايه يارب يكون يومكم سعيد الله يسلمك يا رباب وبصى يارباب هو طبيعى فى فرق شاسع بين الحفظ العادى والحفظ بالتجويد والمعرفه بالاحكام المتقنه للقراءه واللى احسن واحسن هو الحفظ ومعرفه تفسير الايات لانه بيسهل الحفظ جدا ووانا مش بطلب منك غير اللى تقدرى عليه وبس وانا قلت انه هيكون من خلال المايك عالماسنجر وممكن نجتمع كلنا فى ميعاد معين حتى ولو كل اسبوع عالماسنجر لو ينفع ويا جماعه عايزين نبطل كلام بقى ونبدا ونشجع بعض يعنى ان شاء المولى كل بنوته تبدا تحفظ اول خمس صفحات من جزء عم او اللى تقدر عليه خلا ل الاسبوع ده وتحاول قدر المستطاع تاخد بالها من التشكيل وتسمع لمقرئين وتشوف النطق ازاى انا صراحه بعمل كده بما ان مفيش فرصه دلوقتى انى التزم بدروس تجويد اما عن الموضوع فهيكون ان شاء المولى عن عن الحجاب الشرعى ماشى ؟لو عجبكم الموضوع ابدأو قلولى ايه تصوركم للحجاب الشرعى وكمان ياريت اعرف مدى التزام كل بنوته منكم بالحجاب ده ياريت يا جماعه يكون فى دخول مستمر للقسم ونتواصل سريعا مستنيه ردودكم وارئكم حفظكن المولى | |
|
| |
nano الأسطورة
عدد الرسائل : 7187 العمر : 29 المهنه : انت منين : تاريخ التسجيل : 06/02/2008
| موضوع: رد: يا بنات الثلاثاء أبريل 22, 2008 8:30 pm | |
| اوك يا راجيه بنسبه للحجاب انا بصراحه مش محجبه بس انا باذن الله لما اتحجب مش هبقي زي البنات اليومين دول تبقي البنت لبسه اشرب و لبسه بنطلون جينز لازق عليها يعني حركه غلط وينفجر وتلقيها لبسه بلوزة قصيرة كل ما تحرك اديها تترفع وعمله نفسها محجبه بصراحه الحجاب اليومين دول بقي حاجه غريبة اويييييييييييييييييييييييي ده راي | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الثلاثاء أبريل 22, 2008 9:14 pm | |
| ماشى يا نانو هتبداى تحفظى معانا ان شاء الله اما من ناحيه الحجاب فيا حبيبتى انا بقول حجاب شرعى اما عن الانسات الغير محترمات اللى يلبسو طرحه على جينز وباديهات ولبس معرفش لبسينه ازاى اساسا فده مش حجاب دى مجرد مغطيه شعرها وودنها من التراب والهوا ليبوظو شعرها والله هو الهادى اما انا من راى الحجاب الشرعى وهو لبس الطرحه الغير ملفته الشكل او الخمار واللبس الفضفاض الجميل المحترم من غير زينه ولا مكياج ولا عطور زى ما ديننا امرنا وانا بتضايق جدا والله لما بشوف واحده ماشيه وعامله عرض الازياء بتاعهم الغريب ده وعارضه جسمها كده فالشارع وطبعا هى كده بتاذى نفسها والاخرين لان طبعا الكل عنيه هتتلوح عليها اما البنت اللى ساتره نفسها وجسمها فدى برضه بيبصولها الناس لكن نظره تختنلف عن النظر للبنت الغير ملتزمه باللبس المحترم ولكن البنت دى بتكون ماشيه واثقه فى نفسها ان محدش هيتفحص كل حته فجسمها انا طبعا بشوف حاجات من دى كتير والحمد لله رب العالمين على كل حال وربنا يرزقنا الاخلاص جميعا والالتزام بكل اوامره الكلام مخلصش لكن عايزين نشوف باقى الاراء والمشاركات واتمنى يا نانو انك تفرحينا عن قريب جدا جدا بخبر حجابك ان شاء الله ربنا يوفقك يارب وخلى بالك من مذاكرتك يا قمر دمتن بكل حب | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات السبت أبريل 26, 2008 11:50 pm | |
| فينكم يا بنااااااااااااااااااااااااااااااااااااااات يا حلوات فينكم | |
|
| |
ROBOS الأسطورة
عدد الرسائل : 6179 Location : Elmansoura تاريخ التسجيل : 01/01/2008
| موضوع: رد: يا بنات الأحد أبريل 27, 2008 10:40 am | |
| ازيكم يا بنات مش عارفة فيه أقسام في المنتدي ده زي ما يكون لها شعرة ساعة تفتح وساعة تعصلج كأن حد واقف جوه ومتربس الباب من ضمنهم القسم ده في موضوع الحجاب ده مش ها يختلف الكلام عن اللي قلتوه يعني لبس لا يشف ولا يصف وغطاء الرأس يغطي جزء تحت الرقبة بالنسبة لموضوع المحجبات اللي لابسين حاجات ملفتة فده لأن الحجاب بقي موضة أصلا بس احيانا لما ألاقي بنت لابساه علي لبس معقول مش فظيع قوي بأقول أهو أحسن من مفيش وجايز تكون دي مرحلة وربنا يهدي شكلنا احنا الثلاثة بس اللي ها ندخل علي المواضيع دي فين الباقي فين هند مثلا | |
|
| |
راجيه رضا ربى أهلاوى ذهبى
عدد الرسائل : 1935 تاريخ التسجيل : 03/08/2007
| موضوع: رد: يا بنات الإثنين أبريل 28, 2008 1:15 am | |
| الله يسلمك يارباب انتى اخباراتك ايه؟ ومعلش يا ستى بس ابقى حاولى كل ما تدخلى المنتدى تدخلى القسم يمكن يصدف فى مره ويفتح معاكى اما من ناحيه الحجاب فهو فعلا ناس كتير وخدينه كموضه او كقطعه اكسسوار يكملو بيها الاناقه والشياكه للبسهم لكن الحجاب اسمى من كده بكتير وطبعا ده ميبقاش اسمه حجاب خاصه لفات الطرح الملفته الاسبانيش دى واللى بتبين الرقبه لان الحجاب لازم يغطى الصدر والوانه غير ملفته لكن الايام دى بشوف حاجات غريبه وربنا يهدى الجميع ياااااااااااارب جزيتى خير رباب للمتابعه ويارب باقى البنوتات يدخلو لان فعلا زى ما بتقولى مفيش غيرى انا وانتى ونانو ولسه هند وام سيوفه وولاء يالا بقى سلام | |
|
| |
ROBOS الأسطورة
عدد الرسائل : 6179 Location : Elmansoura تاريخ التسجيل : 01/01/2008
| موضوع: رد: يا بنات الإثنين أبريل 28, 2008 8:09 pm | |
| ازيكم يا قمرات الحمد لله القسم فتخ قام النت قطع بس عدنا ولله الحمد عايزة اقول وجهة نظر مختلفة شوية(كعادتي مش هاشتريها)في موضوع الحجاب اللي مش حجاب ده واعتقد انك ممكن تفهمي قصدي بسرعة يا نونا لأنك من المنصورة والحكاية واضحة عندنا عن القاهرة مثلا باقول ان من فترة مش بعيدة (ايام ما أنا كنت في ثانوي واعدادي مثلا)كان منظر بنت مش محجبة في الشارع مش ملفت ولا حد يبص عليها الا لو كانت لابسة خاجة مش عادية بعكس دلوقتي لو بنت أو ست مش محجبة بتبقي ملفتة جدا للكل(لأن عددهم قليل)وده حتي لو كانت لابسة لبس عادي وعادي جدا كمان وممكن تلبس عليه حجاب ويبقي كويس قوي علشان كده فيه بنات خاصة من المناطق الريفية بيلبسوا الحجاب مش لأنهم محجبات لكن علشان ما يبقوش منتقدين قوي وفي اي فرصة زي الرحلات مثلا بيشيلوه بمعني انهم بيكونوا مضطرين نوعا للبس غطاء رأس مش حجاب فبيدلعوه علي قد ما يقدروا وده بعيد عن موضوع الاقتناع من عدمه لان ما أظنش ان في حد كثير بيقاوح لسه في الموضوع ده | |
|
| |
tamer33 أهلاوى نشط جداً
عدد الرسائل : 345 تاريخ التسجيل : 20/09/2007
| موضوع: رد: يا بنات الثلاثاء أبريل 29, 2008 2:30 pm | |
| انا بنوتة وعندي 20 سنه معاكم علي طول انا في اي موقع بالنيك نيم ده حبا في تامر حسني وبعدين ماتفتكروش ان احنا عددنا قليل خلاص لا احنا ممكن نعمل اي حاجة سواء ان احنا نخلق مواضيع ونتكلم فيها بس عايزين مواضيع جديدة | |
|
| |
| يا بنات | |
|