برنامج ضيف الاسبوع (( الحلقة الاولى ))

السلام عليكم ورحمة الله وبركاتة

اخوانى الاعزاء.....اقدم لكم برنامج ضيف الاسبوع
التعريف بالبرنامج

*من خلال هذا الموضوع سوف نتعرف كل اسبوع على عضو من اعضاء منتدانا الغالى

*سواء كان هذا العضو مشرف او مراقب او رئيس قسم او عضو عادى...الخ

*سيتم طرح اسئلة على ضيف الاسبوع لكل من يرغب من الاعضاء

*فى نهاية الاسبوع سيقوم الضيف باختيار الضيف القادم للاسبوع الذى يلية وهكذا

شروط وقوانين البرنامج

*ان تكون الاسئلة ملائمة وغير خارجة عن نطاق البرنامج والذى هدفة التعرف والتقرب بين اعضاء المنتدى

*للضيف حرية الرد فى الاسئلة المطروحة علية

*ممنوع منعا باتا اى اسئلة مثيرة للغرائز او المساس بالاديان حتى من قبيل التلميح

[center]ضيف الاسبوع فى الحلقة الاولى
admin

يمكنكم الان طرح الاسئلة وسيقوم الضيف بالرد عليها
اتمنى لكم اوقاتا سعيدة

[/center]

هو الموضوع شبه موضوع كرسى الإعتراف
و مشكوووووووووور يا عمرو عشان إخترتنى أكون أول ضيف
بس ممكن ننقله قسم الدردشة

اوكي

اشرح لينا ا ادمين بداية حياتك

أى بداية يا طاطا بالظبط
و أنا طفل يعنى و لا بعد ما تخرجت و لا ايه

ابدأ من وانت طفل

عايزين نعرف قصة المنتدى دا ازى اتعمل ومين كان وراه؟

سؤالك جميل جداً صديقى عبد الرحمن
بداية أنا مش كان فى دماغى انى اعمل منتدى و يكون فيه أعضاء و أقسام و كدا ، لا أنا كان نفسى يبقى ليا حاجة زى موقع أو مدونة أسجل عليها رأيى فى كل قضايا الأهلى و كمان يكون عندى مساحة حرية أنى ارد على الأخبار اللى بتتنشر فى مواقع الزمالك و الإسماعيلى و فيها إفتراءات كتير على الأهلى لأنى لما كنت بحاول أرد على إدعاءاتهم فى مواقعهم طبعاً كنت بتعرض للحجب الفورى و حذف مشاركاتى
قعدت فترة كبيرة عالنت أدور على طريقة أوصل بيها صوتى و لقيت موقع filgoal عامل قسم لمقالات الأعضاء إبتديت أكتب فيه مقالاتى لكن المقالات اللى كانت بيبقى فيها إعتراض شديد على أى إهانة للأهلى كانوا بيرفضوا نشرها
المهم رجعت تانى أبحث و أدور لحد ما هدانى ربى إلى هذا السيرفر اللى بيتيح فتح المنتديات مجاناً و بشكل جميل و بفضل الله انشأت المنتدى يوم 5يوليو 2007 يعنى المنتدى عمره دلوقتى 10 شهور إلا كم يوم كدا
طبعاً المنتدى فى بدايته كان صعب جداً لأنى مش عندى خبرة فى إنشاء و إدارة المنتديات و كمان مش كان فيه أعضاء كتير بيدخلوا المنتدى و بصراحة كنت قربت يصيبنى الملل من قلة الأعضاء و المشاركات لكن الحمد لله الذى وفقنى لمجموعة من الأعضاء فى بداية إنشاء المنتدى ساعدونى كتير على تطويره و الدعاية ليه و كمان إنشاء أقسام كتير فيه أن ،، انا فاكر فى بداية المنتدى كان 3 أقسام فقط لا غير
بالنسبة للناس اللى ساعدونى على تطوير المنتدى ده همة amr- amtallah - أبو سيف حلمى - Look like - راجية رضا ربى (نونا سابقاً) hazemsoliman - شريف الوقاد
انا خابف اكون نسيت حد بس همة دول أكتر ناس ساعدونى فى بدايات المنتدى عشان يوصل للشكل الحالى
اشكرك عبد الرحمن على انك فتحتلى باب مناقشة بداية المنتدى

ما هي اكتر الصعوبات الواجهتها في الاول

أكثر الصعوبات التى واجهتها فى البداية
هى قلة عدد الأعضاء و كيف أعمل دعاية للمنتدى كى يعرفه أكبر عدد من جمهور الأهلى

العفو يا أدمن انا فعلا كنت مشترك فى الموقع دا من اول ما فتح تقريبا وكنت بدخل عليه وبلاحظ انه كان لسة ضعيف ومافيهوش اقسام كتير والأعضاء كانو قليلين ومكانش فيه اى نشاط زى دلوقتى بس هو اى حاجة جديدة لازم فى الأول تواجده بعض الصعوبات زى دى..شكرا عالمنتدى الجميل دا

انا بعمل دعايا كمان للمنتدي هنا في السعودية
يعني هاخد نسبة من الاعلانات يا محمد
اتفقنا
Wink

نريد ان نتعرف على شخصيتك عن قرب يا محمد باشا يا كبيرنا

الله يخليك يا استاذ وائل حضرتك اللي كبيرنا وممثل الشرقية في المنتدي
انا مستعد تلقي جميع اسالتكم
والاجابه عنها بكل صراحة
انا بحب الصراحة
اما شخصيتي في حلزونية متشعبة
وشوف برج السرطان وانت تعرف كتير من شخصيتي
ماشي يا باشا
مستني الاسألة بتاعتكم

فكرة اكتر من رائعة يا عمر ماشاء الله عليك وربنا يحميك وانا شخصيا متحمس جدا ومستني الادمن يرد ويختار الضيف الجاي.

اما الادمن العزيز فانا في البداية بتوجه ليك بخالص الشكر على المنتدى الروعة ده بجد انا بقيت اصلا خلاص مدمن المنتدى وكل ما ابقى قاعد على النت لازم افضل فاتحه وبدون اي مجاملات او اطراء فعلا ملقتش في اي منتدى تاني الحب والاحترام اللي بين الاعضاء ده وكمية الوعي والثقافة والاراء الهادفة دي ربنا يبارك فيكم ويحميكم كلكم وشرف لاي حد فعلا انه ينتمي للمنتدى ده. بشكرك مرة تانية وبشكر كل الاعضاء على مجهودهم الوفير في تطوير المنتدى.

حابب طبعا في الاول اعرف البروفايل بتاعك كامل لاني لسه جديد انت فاهم وموصلتش لسه لحاجة عنك يعني الاسم والسن والشغل والكلام ده
الحاجة التانية يا ترى ايه خططك كادمن لتطوير المنتدى وخصوصا الدعايا اعذرني بقى اصل اخوك شغال في الدعايا والاعلان فلازم اتفزلك شوية.

بالتوفيق للكل وتقبلوا مروري

msaleh80 كتب:

ما تقلقش يا محمد نسبتك فى الإعلانات محفوظة
عند ربنا إن شاء الله

ماشي يا محمد
اللي عند الله ميضعش ابدا
وانا معايا فيزا

Vet_Mohamed_shabana كتب:

فكرة اكتر من رائعة يا عمر ماشاء الله عليك وربنا يحميك وانا شخصيا متحمس جدا ومستني الادمن يرد ويختار الضيف الجاي.

اما الادمن العزيز فانا في البداية بتوجه ليك بخالص الشكر على المنتدى الروعة ده بجد انا بقيت اصلا خلاص مدمن المنتدى وكل ما ابقى قاعد على النت لازم افضل فاتحه وبدون اي مجاملات او اطراء فعلا ملقتش في اي منتدى تاني الحب والاحترام اللي بين الاعضاء ده وكمية الوعي والثقافة والاراء الهادفة دي ربنا يبارك فيكم ويحميكم كلكم وشرف لاي حد فعلا انه ينتمي للمنتدى ده. بشكرك مرة تانية وبشكر كل الاعضاء على مجهودهم الوفير في تطوير المنتدى.

حابب طبعا في الاول اعرف البروفايل بتاعك كامل لاني لسه جديد انت فاهم وموصلتش لسه لحاجة عنك يعني الاسم والسن والشغل والكلام ده
الحاجة التانية يا ترى ايه خططك كادمن لتطوير المنتدى وخصوصا الدعايا اعذرني بقى اصل اخوك شغال في الدعايا والاعلان فلازم اتفزلك شوية.

بالتوفيق للكل وتقبلوا مروري

أخى الدكتور محمد شبانة أسعدنى كلامك بشدة و حقيقى انا بشوفك من زمان بتبقى اونلاين و مش بتشارك و كان نفسى اتعرف عليك أكتر و فرحان جداً انك بقيت مشارك بفاعلية معانا و مستنيين منك أكتر

بالنسبة للبروفيل بتاعى انا قبل كدا كاتب موضوع معرفكم بنفسى فيه فى القسم ده بس عموماً عشان ما اتعبكش سريعاً كدا

الإسم : محمد الشاذلى

السن : 28 سنة

المؤهل: بكالوريوس علوم قسم كيميا

العنوان : سيدى بشر - الإسكندرية

المهنة : كيميائى بمعمل البحوث و التطوير بإحدى شركات الدهانات

الحالة الإجتماعية : Write The Book يعنى كاتب كتابى

بالنسبة لخططى لتطوير المنتدى انا نفسى يكون المنتدى إسمه أقصر من كدا يعنى عايز أغير السيرفر بتاعه يعنى يكون www.ahlylovers.com لأنى حاسس ان انتو بتعانوا فى حفظ و كتابة إسم المنتدى بس للأسف موضوع تغير سيرفر المنتدى ده صعب شوية فى الفترة دى

أما بخصوص الدعايا فالمنتدى و الحمد لله بعد مرور سنة من إنشاءه بقا ليه أكثر من 200 ألف صفحة على بحث جوجل و محركات البحث التانية و الفضل الأول و الأخير لله ثم ليكم انتم طبعاً كأعضاء

بخصوص شغلك فى الدعايا أنا من خلال اسمك استنتجت انك طبيب بيطرى و شغال فى الدعاية للأدوية !! صح و لا أنا غلطان؟؟؟

أتمنى اكون رديت عليك فى كل اللى انت عايزه

و ياريت انتو بقا اللى تختاروا ضيف الأسبوع الجاى

اهم حاجه يا شاذلي
واكيد انت ممكن متعرفوش انك بتاخد ثواب علي المنتدي ده
لانك قدرت تجمع مجموعة ناس محترمين في مكان واحد
وكمان علشان القسم الاسلامي
وجزاك الله خيرا

فرصة سعيد جدا يا حمادة ولو اقدر اعمل حاجة في سبيل التطوير قللي بس وانا معاك ومبسوط اوي اني اتشرفت بيك اما بخصوص عدم المشاركة كانت والله ظروفي ملخبطة اوي وكنت سايب شغل وناقل شغل جديد وكنت يدوب بخش اطمن على اخبار الاهلي وكنت بحب اشوف ردود الاعضاء على بعضهاوكنت مستني الوقت اللي استقر فيه عشان اشاركم والحمد لله ربنا يديم المحبة.

اما بالنسبة لشغلي انا خريج بيطري بس شغال في شركة دعايا واعلان عندنا وسايل اعلانية شاشات في الشوارع وفي المستشفيات وكده وبنجيب عليها عقود زي التلفزيون كده انا مسئول عن العقود اللي بتيجي على شاشات المستشفيات دي تقدر تقول السلم والتعبان واحمد حلمي وهاني سلامة وكده يعني . عارف هتقللي اش جاب ده للبيطري هقلك اكل العيش وعشان كده انا مهاجر برة ان شاء الله وابدا في مجالي الاصلي البيطري من تاني ادعيلي انت بس

للمرة المليون انا مبسوط جدا اني بقيت من اعضاء المنتدى واتشرفت بيكم كلكم وربنا يديم المحبة يا رب

ربنا يكرمك يا شاذلى وتشوف المنتدى به 10 مليون مشترك

ومرحب بيك يا د / محمد شبانه واتمنى ان تكون إضافة كبيره للمنتدى

شكرا ليك يا وائل وان شاء الله اكون اضافة بوجودك وبوجود كل الاعضاء اللي بنشاطهم ومتابعتهم اجبروا الواحد انوا يشارك ويحاول يجاريهم ربنا يوفق الكل واسال الله لي ولكم خيري الدنيا والاخرة

ربنا يوفقك يا دكترة

amr رجع يا بشر عمرو اللي كان بيمشي في المنتدى بينبربنو المثل