تسمحولي اعرفكم بنفسي اكتر

السلام عليكم
انا اسمي محمد صالح
تاريخ ميلادي 16/7/1980
برج السرطان
مهندس ميكانيكا
بعمل بمصنع في العاشر من رمضان
من الشرقية
مش مرتبط Wink

بحب الهدوء
والي عنده اي استفسار انا تحت امرة ومش هخبي اي شي
نسيت اقول
ولا بلاش

شكرا علي حسن استقبالكم ليا

إخص عليك يا محمد

وإنت لسة هاتشوف إستقبالنا دلوقت

هو بس علشان تعرف القسم ده مش كتير بيخشوه وماتستعجلش على الردود المهم تكون موجود

ولو عايز تتأكد من كلامى خش على توبيك التعارف بتاعى وشوف تاريخه من إمتى ورد فيه كام واحد لغاية دلوقت (على فكرة إنت مش منهم)

عموما يا سيدى أهلا بيك دايما فى وسطنا ياباشمهندس

شكرا يا شريف علي الرد

نورت يا بشمهندس محمد

أهلا بيك وسط إخوانك و أخواتك و يارب تبقى مبسوط معانا و مش تسيبنا أبداً

انا بجد مبسوط بيكم
انا حاسس اني وسط اخواتي واخواني فعلا
ربنا يديم المحبة

مرحبا بيك اخونا الشرقاوى محمد صلاح و زى ما قال شريف علشان محدش كتير بيدخل القسم ده عادة بنرحب بالاعضاء الجدد فى توبيكاتهم علطول

نورتنا بمشاركاتك الجميله و اهلا بيك بين المهندسين الكتير فى المنتدى

الله يخليك يا حزومه
انا معلش اسمي بس محمد صالح مش صلاح
تفرق كتير
وانا سعيد بيك اخ اكبر ليا

منور الموقع يا شرقاوى وباين إن الشراقوه إحتلوا الموقع ربنا يوفقك وأهلا بيك

الله يخليك يا استاذ وائل

انت منين من الزقازيق

لا مؤاخذه يا محمد غلطة كى بورد و العتبه على السن

منورنا

مشور يا حازم ولا يهمك ياباشا

منور يا باشا ومعلش اتأخرت فى الرد بس والله فعلا محدش بيدخل هنا كتير ولسه شايف التوبيك حالا

اقتباس :: نسيت اقول
ولا بلاش

شكلك عامل عملة
قول يا راجل

مش هقدر يا مادو

انت عارف بوليس التجارة شادد حيله الايام دي

هههههههههههههههههههههههههههههههههه

أهلا بيك يا بشمهندس

مرحبا بيك وانا كمان من الشرقية