عمرو أديب اتجنن وبعد10سنين هايقف بعلم الزمالك في الاشاره

عمرو أديب : قوة عظمى تمنع فوز الزمالك !!</SPAN>

استهل عمرو حلقة القاهرة اليوم :
الزمالك لوغاريتم لا يحل

لعيبة وجبنا وفلوس ولمينا وصبر وصبرنا ، 2 باك رايت وليفت وحصلوا ، غيرنا المدرب وغيرنا كل حاجة ومع ذلك يهزم الزمالك

الزمالك النهارده لعب 50 كرة عرضية ولم يسجل ، ونفس الفرقة اللى بتلاعبه دى مغلوبة من الاهلى بالاربعة اول امبارح

ليه الزمالك بيتغلب ؟ عندى قناعة ان فيه قوة اكبر مننا والزمالك لايعبر حتى عنق الكباية مش الزجاجة ، هو هو الزمالك بفصوله البايخة ورزالته ، الكورة بتيجى 100 مرة ، لو مع الاهلى فرصة والتانية جون لكن الزمالك لأ

ليه الزمالك يهاجم ويخسر هى مش مصروفالنا ؟

عمرو زكى يشوت ومايسجلش وحازم امام لعب 100 كورة عرضة وعدينا اربعين مرة ، هل نبعت نجيب جمال حمزة ولا نرجع عبد الحليم على ، هل نكلم الكابتن حسن شحاته يرجع يلعب معانا ؟

انا زهقت والاهلوية مابيرحموش ...فيه ايه ؟ وكل شوية يطلعولنا اغنية وانا تعبت واتبهدلت ، وصلت لسن 46 سنة منهم 10 سنين باعيط ....الزمالك بيلعب ب4 ابوتريكة ومفيش فايدة

كل اللعيبة دى وكل الفلوس دى والمدرب الجديد ، الاهلى كسب بمساعد المدرب القديم اللى اتريقنا عليه

انا ماباعرفش ابص فى وش عيالى ، داخل مطاطى وخارج مطاطى ...مابقيتش عارف اعمل ايه ، باتفرج على الماتش بكل جوارحى وازعق واصرخ وادعى ربنا واقول يارب ...

وآخرتها ...يعنى لما الاهلى لما يتعادل امبارح نقول له النهارده احنا مش عايزين ؟!!

ليه مفيش حاجة بتتغير فى الزمالك ليه مايبقاش الاول ؟ والاهلى ليه مايتغلبش ؟ليه الاهلى ماعندوش أوف داى واحنا على طول أوف ؟؟؟؟

نفسي الاهلى يتعثر ...حرام كده

وكل شوية يالله ياحازم وضيعنا 50 جون .... بجد فيه قوة عظمى

هل العيال دى معمول لها عمل ؟ فيه شخصية زملكاوية داعية على الزمالك ؟

اظن ان الزملكاوية هيخلصوا من العالم .....بعد 10 سنين هايشوفونى مجنون ماشي بعلم الزمالك فى الاشارة ...‍!!!

الارجنتين والبرازيل بتتغلب لكن الاهلى مابيتغلبش ....انا عندى استعداد ان الزمالك ماياخدش الدورى بس الاهلى كمان ماياخدوش

وبعدين الرسائل اللى جايالى كلها مش فرحانة ان الزمالك خسر ، لأ لكن لأن انا متضايق
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

أنا حوس حوس و حوس حوس أنا
كان فيه واد اسمه الشاطر عمرو
شوفتوا الزمالك عمل فيه ايه
مشكورة رباب و كل سنة و انتى طيبة

وانت طيب يا أبو سميه الغاليه
اوعي تكون ضحكت عليها في العيديه
بذمتك مش صعبان عليك حوسحوس
قصدي عمرو

والله يا رباب صعبان عليا جدا جدا
و مش هو لوحده ده كل الزمالكوية
بس عارفة انا حاسس ان اليوم ده هييجى
اللى نلاقى فيه مشجعين الزمالك ماليين الاشارات بالاعلام البيضا
او ممكن يطالبوا مجلس القومى للرياضة بتعيين مجلس إدارة الأهلى منتدب لرئاسة الزمالك حتى ينصلح الحال
و ما تقلقيش على عيدية سمية التيتات قاموا بالواجب

ربنا يخلي لك تيتاتك يا سمسمه
انا مستنيه اليوم ده بفارغ الصبر
خلينا نخلص من المشجعين بتوع عقده الاضطهاد دول