ممكن لو حد عارف حاجه يفهمني؟؟؟؟؟؟

حصلت حاجه عجيبه لما دخلت المنتدي النهارده
لقيت عدد مشاركاتي اقل كتير من اخر مره كنت فيها داخله المنتدي من حوالي اسبوعين(لما اخدت بالي كانت 5988زده بعد ما كتبت كذا مشاركه كمان)
انا مش فاكره المشاركات كانت كام بالظبط في اخر مره كنت داخله فيها
بس كانت اكتر من 6000 وكنت حصلت علي وسام بيبو في اوائل الشهر اللي فات
الحقيقه انا شكيت في نفسي وقعدت ادور لما لقيت في قسم المناسبات توبيك تهنئه بوسام بيبو
يبقي مكنش حلم
كمان فيه توبيكات كتير متأكده اني رديت عليها قبل كده ولقيت الردود مش موجوده
مش فاهمه ازاي ده حصل بصراحه وان كان ده طبيعي ولا ايه
شكيت برضه في الكمبيوتر وقلت بيحمل بأثر رجعي لكن اشمعني مشاركات باقي الناس بتظهر لحد اخر يوم
يا ريت حد يقهمني اي حاجه

أولا حمد الله على السلامة يا ملكة المنتدى
وحشتينا جدا جدا جدا
ثانيا أنا كمان لاحظت نقصان عدد مشاركاتى
لكن لما لقيت مشاركات وائل وأدمين ومشاركاتك طبعا كمان نقصت .. فهمت
دخلت قسم التوقعات وتأكدت من السبب
مشاركاتنا السابقة فى مسابقة توقعات السنة اللى فاتت تم حذفها من مشرفى القسم
العصفورة نوران .. أو مشرف القسم الجديد وائل
وطبعا بشكر وائل لإهتمامه بالقسم وتنظيمه وحساب النتائج السابقة بسرعة ودقة
لكن كنت أتمنى الحفاظ على التوبيكات السابقة وعدم حذفها حتى لا تؤثر على عدد المشاركات
أرجو ماتكونيش زعلتى خبيرتنا الجميلة
لأننا مش قد زعلك .. وماتغيبيش عننا تانى

انا آسف
اختى العزيزة الخبيرة رباب
لم تكونى مقصودة بذلك نهائيا
والمقصود هو ترتيب مسابقة التوقعات لأن التوبيكات داخله فى بعض
ولكن لا أعلم ان بحذف التوبيكات يتم حذف المشاركات
وسحب وسام بيبو من الخبيرة وعلى الوسام انا أوصلهولك لغاية البيت
وتقبلوا اعتذارى جميعا لأن الخطأ غير مقصود

sherifalwakkad كتب:: أولا حمد الله على السلامة يا ملكة المنتدى
وحشتينا جدا جدا جدا
ثانيا أنا كمان لاحظت نقصان عدد مشاركاتى
لكن لما لقيت مشاركات وائل وأدمين ومشاركاتك طبعا كمان نقصت .. فهمت
دخلت قسم التوقعات وتأكدت من السبب
مشاركاتنا السابقة فى مسابقة توقعات السنة اللى فاتت تم حذفها من مشرفى القسم
العصفورة نوران .. أو مشرف القسم الجديد وائل
وطبعا بشكر وائل لإهتمامه بالقسم وتنظيمه وحساب النتائج السابقة بسرعة ودقة
لكن كنت أتمنى الحفاظ على التوبيكات السابقة وعدم حذفها حتى لا تؤثر على عدد المشاركات
أرجو ماتكونيش زعلتى خبيرتنا الجميلة
لأننا مش قد زعلك .. وماتغيبيش عننا تانى

الله يسلمك يا مايسترو...أنتم كمان بتوحشوني جدا ..

بس الوقت في رمضان بيمر زي الصاروخ...كل سنه وأنتم طيبين
طبعا مفيش زعل خالص والتنظيم حلو برضه خصوصا ان كثره التوبيكات كانت بتلخبط
بصراحه لولا اختفاء صوره بيبو أنا مكنتش خدت بالي خالص
فأنا هأجري دلوقتي بسرعه احاول اوصل لصوره بيبو تاني
شكرا علي اهتمامك بأنك تفهمني يا مايسترو
وان شاء الله اكون موجوده كتير الفتره الجايه

wael_fathalah كتب:: انا آسف
اختى العزيزة الخبيرة رباب
لم تكونى مقصودة بذلك نهائيا
والمقصود هو ترتيب مسابقة التوقعات لأن التوبيكات داخله فى بعض
ولكن لا أعلم ان بحذف التوبيكات يتم حذف المشاركات
وسحب وسام بيبو من الخبيرة وعلى الوسام انا أوصلهولك لغاية البيت
وتقبلوا اعتذارى جميعا لأن الخطأ غير مقصود

مفيش داعي خالص للأسف يا وائل

أنا ما تخيلتش خالص اني ممكن اكون مقصوده أو أي حد تاني غيري...
أنا افتكرتها مؤامره كونيه تكنولوجيه نتاويه
ومحدش يزعل من التنظيم وتسهيل الدخول للتوبيك المطلوب طبعا
وشكرا لك علي مجهودك الكبير