اخر نظريات المؤامرة الزمالكوية ..... تموت من الضحك !!!!

كتب / محمد الشاذلى
قبل رمضان كدا بكم يوم و لأن ربنا قدر ان يكون لى أخ زمالكاوى وقعت فى ايدى مجلة الزمالك و مش فاكر تاريخ العدد يوم كم بالظبط بس ده كان العدد اللى بعد مباراة انبى على طول و طبعاً انا من زمانن لما بقرا مجلة الزمالك بفطس على نفسى من الضحك لكثرة المغالطات التاريخية و الأوهام و الخيالات

و لكن اللى ديماً مشترك فى كل عدد من أعداد مجلة الزمالك هو ((نظرية المؤامرة))
و العدد ده بالذات كان فيه مقال يهلك من الضحك و موضوع المقال بيتكلم عن الآتى:
لجنة المسابقات ظلمت الزمالك فى قرعة الدورى موسم 2009 / 2010
واااااااااااااااااااااااااااااااااااااااااااو الزمالك المقهور المظلوم بيتظلم ، بتقولوا ايه يا ولاد ، بيتظلم ، ازاى ده
تعالوا بينا نشوف الظلم و المؤامرة الخبيثة اللى محضراها لجنة المسابقات للزمالك

يقول كاتب المقال (( ان الزمالك سيلعب فى الدور الأول 15 مباراه منهم 13 مباراه داخل القاهرة و مباراتان فقط خارج القاهرة و فى الدور الثانى سيكون الزمالك على موعد مع 7 مباريات خارج القاهرة و 8 داخل القاهرة ))
ايه يا جماعة شايفكم مخضوضين مش كدا !!! تصدقوا فعلاً الزمالك مظلوم و فى مؤامرة ضده !!! هيلعب 13 مباراه فى القاهرة فى الدور الأول من أصل 15 مباراه !!! يعنى لو حسبناها بالورقة و القلم كدا هنلاقى ان لو الزمالك كسب الـ 13 ماتش بتوع الدور الأول فى القاهرة يبقى النتيجة 13*3 = 39 نقطة مع الوضع فى الإعتبار أن الزمالك لن يفوز فى المباراتين الأخريين

طيب تعالوا نرجع بالذاكرة لورا شوية و بالتحديد نهاية الدور الأول السنة اللى فاتت ... الأهلى ينهى الدور الأول على القمة بـ 35 نقطة أى أن الزمالك لو حدث و فاز فى كل مبارياته فى القاهرة سيكون متفوق على الأهلى فى نفس الفترة بـ 4 نقاط كاملة و لو فاز فى المباراه رقم 14 و تعادل فى المباراه رقم 15 سيكون هناك 4 نقاط إضافية فى رصيده يبقى هيكون 43 نقطة يعنى زيادة 8 نقط عن الأهلى فى نفس الفترة
طبعاً انتو دلوقتى بتقولوا عليا بخرف و ان الزمالك مش متعرض لمؤامرة و لا حاجة ؟؟؟ لكن للأسف مش انا اللى بخرف دى مجلة الزمالك اللى بتخرف
فين بقا المؤامرة ............ بس امسكوا نفسكوا من الضحك
(( لجنة المسابقات قصدت انها تضع 7 مباريات فى الدور الثانى للزمالك خارج ارضه مع فرق الأقاليم لعلمها مسبقاً ان فرق الأقاليم فى الدور الثانى تكون اكثر رغبة فى الفوز من الدور الأول و هذا سيشكل ضغط على الزمالك و سيفقده عدد من النقاط التى ستؤثر على مسيرته نحو البطولة ))

الغريب ان كاتب المقالة بدأ مقالته بتفنيد كل ادعاءاته الباطلة و ناقض نفسه و قال ((ان الفريق الذى يرغب فى الفوز بالبطولة يجب ان يفوز بكل المباريات داخل و خارج ملعبه))

حقيقى صعبانين عليا

انا فاكر يوم القرعة بتاعة الدورى السنادى تقريباً فى برنامج شوبير او على قناة النيل جابوا لقطة من القرعة بحضور كل مندوبى الأندية و الصحفيين و الاعلاميين و كان مندوب الاتحاد بيشرح للناس طريقة عمل القرعة و ان كل فريق بياخد رقم و القرعة هى اللى بتوجه الفرق للمباريات اللى هيلعبها و اتسحبت القرعة قدام الجميع (( يمكن مندوب الزمالك مكنش حاضر))

بالله عليكم مش مفروض ان الموقف كان يبقى معكوس ؟؟؟ يعنى مفروض الأهلى هو اللى يعترض ان الزمالك هيلعب 13 ماتش من أصل 15 فى الدور الأول داخل القاهرة ؟؟؟
بس نظرية المؤامرة مش موجودة غير فى خيالهم همة بس
تخيلوا معايا لو الموقف معكوس و الأهلى هو اللى له 13 ماتش فى الدور الأول جوة القاهرة كان ايه هيبقى تعليقهم و نظريتهم المعتادة عن المؤامرة ؟؟
مستنى ردودكم
اعتذر للإطالة

المضطهدون في الارض
بعد اذنك يا ادمين هانقل الموضوع لمواقع تانيه

من غير اذن يا طارق انقل الموضوع لمنتديات الكورة المختلفة
عشان صوتنا يوصل و يعرفوا انهم فى منتهى السذاجة
مشكور طارق لمرورك و تعليقك

دول عالم جاهلة
ولا فاهمين اى حاجه فى اى حاجه
ربنا يشفيهم من الى هم فية ويرحمهم من الهبل الى هم فية
وبعدين احنا عارفين انهم طول عمرهم بتوع كلام وبس وكله هبل فى الاخر
يلا مش مهم خليهم كدا
الاهلى فوق الجميع

ياااااااااااااااااااااااااااااااااااااااااااااااااااااااااااااه
لا لا حرااااااااااااااااااااااااااااام يا شاذلي حرااااااااااااااااااااااااااااااااااااااااااااااااااام
دول مظلومين موووووووووووووووووت
لا بجد خلتني اعيط من كتر ما صعبوا علية مووووووووووووووت
يالهووووووووووووووووووي عليهم بجد في مرة هيجيبولي انشكاح في اللوكاح من كتر ما بتغاظ من الحاجات البيقولوها دي لا ومصدقنها جدا جدا جداااااااااا
حجة البليييييييييييييييييد